ಬೆಂಗಳೂರು: ಓಲಾ- ಉಬರ್ (Ola, uber) ದುಬಾರಿ ಸೇವೆಗೆ ಪರ್ಯಾಯವಾಗಿ ಮುಂದಿನ ದಿನಗಳಲ್ಲಿ ಅಗ್ಗದ ದರದಲ್ಲಿ ಸರ್ಕಾರಿ ಆ್ಯಪ್ (new app from govt) ಆಧಾರಿತ ಆಟೋ, ಕ್ಯಾಬ್, ಟ್ಯಾಕ್ಸಿ ಸೇವೆ ಲಭಿಸಲಿದೆ. ಮೂರು ತಿಂಗಳಲ್ಲಿ ನಿಮ್ಮ ಸೇವೆಗೆ ಈ ಹೊಸ ಸರ್ಕಾರಿ ಆ್ಯಪ್ (Transport Department) ಸಿದ್ಧವಾಗಿರಲಿದೆ. ಹಾಗಾದರೆ ಎಷ್ಟಿರಲಿದೆ ದರ? ಹೇಗಿರಲಿದೆ ಈ ಆ್ಯಪ್? ಅದರ ವಿವರ ಇಲ್ಲಿದೆ.
ಒಂದು ಕಡೆ ಓಲಾ- ಊಬರ್ ದುಬಾರಿ ದರದಿಂದ ಜನ ಬೇಸತ್ತು ಹೋಗಿದ್ದಾರೆ. ಮತ್ತೊಂದು ಕಡೆ ಆಟೋ, ಕ್ಯಾಬ್ ಚಾಲಕರೂ ಕೂಡ ಸರಿಯಾದ ದುಡ್ಡು ಕೊಡುತ್ತಿಲ್ಲ ಎಂದು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ. ಇದರ ಮಧ್ಯೆ ಸಾರಿಗೆ ಇಲಾಖೆ ಸಚಿವರ ನೇತೃತ್ವದಲ್ಲಿ ಮಹತ್ವದ ಸಭೆ ನಡೆದಿದ್ದು, ಓಲಾ-ಊಬರ್ ಮಾದರಿಯಲ್ಲಿ ಸರ್ಕಾರಿ ಆ್ಯಪ್ ಜಾರಿಗೆ ರೂಪುರೇಷೆ ನಡೆದಿದೆ.
ಹೇಗಿರಲಿದೆ ಸರ್ಕಾರಿ ಆ್ಯಪ್ ?
- ಓಲಾ- ಊಬರ್ ಮಾದರಿಯಲ್ಲಿ ಸರ್ಕಾರಿ ಆ್ಯಪ್
- ಸಾರಿಗೆ ಇಲಾಖೆಯಿಂದಲೆ ನಿರ್ವಹಣೆ
- ಮೂರು ತಿಂಗಳಲ್ಲಿ ಜಾರಿಗೆ ಬರಲಿದೆ
- ನಿಗದಿತ ದರದ ಅನ್ವಯವೇ ಆಟೋ, ಟ್ಯಾಕ್ಸಿ, ಕ್ಯಾಬ್‌ಗಳಿಗೆ ದರ ನಿಗದಿ ಇರಲಿದೆ
- ನೋ ಪ್ರಾಫಿಟ್, ನೋ ಲಾಸ್ ನಿಯಮದಡಿ ಆ್ಯಪ್ ರನ್ ಆಗಲಿದೆ
- ಪ್ರಯಾಣಿಕರಿಗೆ ಕಮೀಷನ್ ಕಾಟವಿಲ್ಲದೇ ಸೇವೆ
- ಚಾಲಕರಿಗೂ ಈಗ ಸಿಗುವ ದುಡ್ಡಿಗಿಂತಲೂ ಹೆಚ್ಚಿನ ಹಣ ನೀಡಲು ಪ್ಲ್ಯಾನ್
- ಬೆಂಗಳೂರಿನಲ್ಲಿ ಪ್ರಾಯೋಗಿಕ ಚಾಲನೆ, ತದ ನಂತರ ಬೇರೆ ಕಡೆಗಳಿಗೂ ವಿಸ್ತರಣೆ
- ಯಾವುದೇ ರೀತಿಯ ಹೆಚ್ಚುವರಿ ಶುಲ್ಕ ಇರುವುದಿಲ್ಲ.
ಸರ್ಕಾರದ ಈ ಆ್ಯಪ್ ಇದೇ ರೀತಿ ಸೇವೆಯನ್ನು ನೀಡಿದರೆ ಬೆಂಗಳೂರು ಪ್ರಯಾಣಿಕರು ನಿರಾಳರಾಗಬಹುದು.
ರಾಜ್ಯದ ಇನ್ನಷ್ಟು ಸುದ್ದಿಗಾಗಿ ಈ ಲಿಂಕ್‌ ಕ್ಲಿಕ್‌ ಮಾಡಿ