ಶಿರಸಿ(ಹಳಿಯಾಳ): ಅನಾಮಧೇಯ ದಂಪತಿಗಳು ಅಂಗಡಿ ಮುಂದೆ ವಾಮಾಚಾರ ಮಾಡಿ ನಿಂಬೆಹಣ್ಣು ಎಸೆದು ಹೋದ ಘಟನೆ ಹಳಿಯಾಳ ನಗರದಲ್ಲಿ (Sirsi News) ಜರುಗಿದೆ.
ಹಳಿಯಾಳ ನಗರದ ಕುಂಬಾರಗಲ್ಲಿಯ ಬಸವರಾಜ್ ಎಂಬುವವರ ಅಂಗಡಿ ಮುಂಭಾಗ ವಾಮಾಚಾರ ಮಾಡಿದ ಕುರಿತು ಜ.24 ರಂದು ಹಳಿಯಾಳ ನಗರ ಠಾಣೆಯಲ್ಲಿ ದೂರು ದಾಖಲು ಮಾಡಿದ್ದಾರೆ. ಜ.21ರ ರಾತ್ರಿ ವೇಳೆ ಸ್ಕೂಟಿಯಲ್ಲಿ ಬಂದ ಅನಾಮಧೇಯ ದಂಪತಿ ಮಳಿಗೆ ಮುಂದೆ ಮಂತ್ರಿಸಿದ ನಿಂಬೆಹಣ್ಣನ್ನು ಎಸೆದು ಹೋದ ವಿಡಿಯೋ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿತ್ತು.
ಇದನ್ನೂ ಓದಿ: Job Alert: ಎನ್‌ಎಚ್‌ಐಡಿಸಿಎಲ್‌ನಲ್ಲಿದೆ ಉದ್ಯೋಗಾವಕಾಶ; ಪದವಿ ಹೊಂದಿದವರು ಅರ್ಜಿ ಸಲ್ಲಿಸಿ
ಈ ಕುರಿತು ಸಿಸಿ ಟಿವಿ ವಿಡಿಯೋ ಆಧರಿಸಿ ಅಂಗಡಿ ಮಾಲೀಕ ಠಾಣೆಗೆ ದೂರು ನೀಡಿದ್ದು ಅಂಗಡಿ ಮುಂದೆ ಎಸೆಯಲಾದ ನಿಂಬೆ ಹಣ್ಣಿಗೆ ಮೊಳೆ ಹೊಡೆದು ಕೆಂಪು ದಾರ ಸುತ್ತಿ ಎಸೆದು ವಾಮಾಚಾರ ಮಾಡಲಾಗಿದೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದ್ದು, ಅವರನ್ನು ಬಂಧಿಸಿ ತನಿಖೆ ನಡೆಸುವಂತೆ ಕೋರಲಾಗಿದೆ.
ಇದನ್ನೂ ಓದಿ: Karnataka Weather : ಬೆಳಗಾವಿಯಲ್ಲಿ ಕನಿಷ್ಠ ಉಷ್ಣಾಂಶ ದಾಖಲು; ನಾಳೆ ಹೇಗಿರಲಿದೆ ವಾತಾವರಣ
ಈ ಕುರಿತು ಹಳಿಯಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.