ಕೂಡ್ಲಿಗಿ: ಪಟ್ಟಣದ ಹೊರವಲಯದ ಜಮೀನಿನಲ್ಲಿ ಮೇಯುತ್ತಿದ್ದ ಕುರಿಗಳ (sheep) ಮೇಲೆ ವಿದ್ಯುತ್ ತಂತಿ (Electric wire) ಹರಿದು ಬಿದ್ದ ಪರಿಣಾಮ 17 ಕುರಿಗಳು ಮೃತಪಟ್ಟಿವೆ.
ಪಟ್ಟಣದ ಹನುಮಜ್ಜರ ಪರಸಪ್ಪ ಅವರಿಗೆ ಸೇರಿದವು ಎನ್ನಲಾದ 13 ಕುರಿ, 2 ಟಗರು, 2 ಮೇಕೆಗಳು ಗ್ರಾಮದ ಹೊರವಲಯದಲ್ಲಿ ಮೇಯಲು ಹೋದಾಗ 11 ಕೆವಿ ವಿದ್ಯುತ್ ತಂತಿ ತುಂಡಾಗಿ ಬಿದ್ದು ಮೃತಪಟ್ಟಿವೆ. ಸಮೀಪದಲ್ಲೇ ಇದ್ದ ಪರಸಪ್ಪ ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಇದನ್ನೂ ಓದಿ: Road Accident : ಬೈಕ್‌ಗಳ ನಡುವೆ ಅಪಘಾತ; ಅಜ್ಜ ಸ್ಥಳದಲ್ಲೇ ಮೃತ್ಯು; ಮೊಮ್ಮಗನಿಗೆ ಗಾಯ
ಸ್ಥಳಕ್ಕೆ ಪಿಎಸ್ಐ ಎರಿಯಪ್ಪ, ಎಎಸ್ ಐ ಜಿಲಾನ್ ಬಾಷಾ, ಗೋವಿಂದಪ್ಪ, ಕೆಇಬಿ ಸೆಕ್ಷನ್ ಅಧಿಕಾರಿ ಮಾರಪ್ಪ, ಪಶು ವೈದ್ಯರಾದ ಸುನಿಲ್, ರಾಮಚಂದ್ರಪ್ಪ ಭೇಟಿ ನೀಡಿ, ಪರಿಶೀಲಿಸಿದ್ದಾರೆ.