ಕರ್ನಾಟಕದಲ್ಲೂ ನೆಲಕಚ್ಚಿದ್ದ ಕಾಂಗ್ರೆಸ್ನ್ನು ಈ ಸಲ ಅಭೂತಪೂರ್ವವಾಗಿ ಗೆಲ್ಲಿಸಿಕೊಡುವಲ್ಲಿ ದೊಡ್ಡ ಪಾತ್ರ ವಹಿಸಿದ್ದು ಅದರ ಐದು ಗ್ಯಾರಂಟಿಗಳು, ’ಉಚಿತ’ ಭರವಸೆಗಳು (Congress Guarantee) ಎಂದೇ ಹೇಳಲಾಗುತ್ತಿದೆ. ಹೀಗೆ ಕರ್ನಾಟಕದಲ್ಲಿ ಕಾಂಗ್ರೆಸ್ ಪಕ್ಷ ಉಚಿತ ವಿದ್ಯುತ್, ಮನೆಯೊಡತಿಗೆ 2000 ರೂ., 10 ಕೆಜಿ ಉಚಿತ ಅಕ್ಕಿ ಮತ್ತಿತರ ಭರವಸೆಗಳನ್ನು ಕೊಟ್ಟು ಗೆದ್ದ ಬೆನ್ನಲ್ಲೇ, ಅತ್ತ ರಾಜಸ್ಥಾನದಲ್ಲೂ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ (Ashok Gehlot) ಇಂಥದ್ದೇ ಪ್ರಯೋಗಕ್ಕೆ ಮುಂದಾದಂತೆ ತೋರುತ್ತಿದೆ.
ಟ್ವೀಟ್ ಮಾಡಿರುವ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್, ರಾಜಸ್ಥಾನದಲ್ಲಿ 100ಯುನಿಟ್ ವಿದ್ಯುತ್ ಉಚಿತ ಎಂದು ಘೋಷಿಸಿದ್ದಾರೆ. ಇದೇ ವರ್ಷಾಂತ್ಯದಲ್ಲಿ ರಾಜಸ್ಥಾನದಲ್ಲಿ ವಿಧಾನಸಭೆ ಚುನಾವಣೆ ನಡೆಯಲಿದ್ದು, ಅದರ ಸಿದ್ಧತೆಯನ್ನು ಅವರು ಈಗಿನಿಂದಲೇ ಪ್ರಾರಂಭ ಮಾಡಿದ್ದಾರೆ. ‘ರಾಜಸ್ಥಾನಗಳಲ್ಲಿ ಆಯೋಜಿಸಲಾಗಿದ್ದ ಹಣದುಬ್ಬರ ಪರಿಹಾರ ಶಿಬಿರಗಳಲ್ಲಿ ಸಾರ್ವಜನಿಕರಿಂದ ವ್ಯಕ್ತವಾದ ಅಭಿಪ್ರಾಯಗಳು, ಶಿಬಿರಗಳಿಂದ ಬಂದ ವರದಿಗಳನ್ನು ಪರಿಶೀಲಿಸಿದ್ದೇವೆ. ವಿದ್ಯುತ್ ಬಿಲ್ನಲ್ಲಿ ಸ್ಲ್ಯಾಬ್ ಆಧಾರಿತ ಕಡಿತವಾಗಬೇಕು ಎಂಬ ಫೀಡ್ಬ್ಯಾಕ್ ಬಂದಿದೆ. ಅದರೊಂದಿಗೆ ಮೇ ತಿಂಗಳ ವಿದ್ಯುತ್ ಬಿಲ್ಗೆ ಸಂಬಂಧಪಟ್ಟು ಇಂಧನ ಹೆಚ್ಚುವರಿ ಶುಲ್ಕದ ಬಗ್ಗೆಯೂ ಸಾರ್ವಜನಿಕರಿಂದ ಅಭಿಪ್ರಾಯ ಕೇಳಲಾಗಿತ್ತು. ಅವರು ನೀಡಿದ ಅಭಿಪ್ರಾಯಗಳನ್ನಾಧರಿಸಿ ಇಂಥ ದೊಡ್ಡ ನಿರ್ಧಾರ ತೆಗೆದುಕೊಳ್ಳಲಾಗಿದೆ’ ಎಂದು ಅಶೋಕ್ ಗೆಹ್ಲೋಟ್ ಹೇಳಿದ್ದಾರೆ.
ಇದನ್ನೂ ಓದಿ: ಕರ್ನಾಟಕದಲ್ಲಿ ಪ್ರಧಾನಿ ಮೋದಿ ಪ್ರಚಾರ ನಿಷೇಧಿಸಿ; ಚುನಾವಣಾ ಆಯೋಗಕ್ಕೆ ರಾಜಸ್ಥಾನ ಸಿಎಂ ಅಶೋಕ್ ಗೆಹ್ಲೋಟ್ ಆಗ್ರಹ
‘ಇನ್ನು ಮುಂದೆ ರಾಜಸ್ಥಾನದಲ್ಲಿ 100 ಯೂನಿಟ್ ವಿದ್ಯುತ್ ಉಚಿತವಾಗಿರುತ್ತದೆ. ತಿಂಗಳಿಗೆ ಕೇವಲ 100 ಯೂನಿಟ್ ಮಾತ್ರ ವಿದ್ಯುತ್ ಬಳಕೆ ಮಾಡುವವರು ಬಿಲ್ ತುಂಬಬೇಕಿಲ್ಲ. ಅದಕ್ಕಿಂತ ಹೆಚ್ಚಾದವರಿಗೂ ಕೂಡ 100 ಯೂನಿಟ್ವರೆಗೆ ಶುಲ್ಕವಿರುವುದಿಲ್ಲ. ಅದರಾಚೆ ಎಷ್ಟು ಯೂನಿಟ್ ಬಳಕೆ ಮಾಡುತ್ತಾರೋ, ಅಷ್ಟಕ್ಕೇ ಬಿಲ್ ಪಾವತಿಸಿದರೆ ಸಾಕು’ ಎಂದು ಅಶೋಕ್ ಗೆಹ್ಲೋಟ್ ಹೇಳಿದ್ದಾರೆ. ಹಾಗೇ, ರಾಜಸ್ಥಾನದಲ್ಲಿ 200ಯೂನಿಟ್ವರೆಗಿನ ವಿದ್ಯುತ್ ಬಿಲ್ಗಳ ಮೇಲಿನ ಇಂಧನ ಹೆಚ್ಚುವರಿ ಶುಲ್ಕ ಮತ್ತು ಶಾಶ್ವತ ಶುಲ್ಕಗಳನ್ನು ಸಂಪೂರ್ಣ ಮನ್ನಾ ಮಾಡಲು ಸರ್ಕಾರ ನಿರ್ಧರಿಸಿದೆ’ ಎಂದೂ ಅವರು ಮಾಹಿತಿ ನೀಡಿದ್ದಾರೆ.
महंगाई राहत शिविरों के अवलोकन व जनता से बात करने पर फीडबैक आया कि बिजली बिलों में मिलने वाली स्लैबवार छूट में थोड़ा बदलाव किया जाए.
— Ashok Gehlot (@ashokgehlot51) May 31, 2023
– मई महीने में बिजली बिलों में आए फ्यूल सरचार्ज को लेकर भी जनता से फीडबैक मिला जिसके आधार पर बड़ा फैसला किया है.
–
– 100 यूनिट प्रतिमाह तक बिजली… pic.twitter.com/z27tJRuyaf