ಭಾರತದಲ್ಲಿ 8 ಯೂಟ್ಯೂಬ್ ನ್ಯೂಸ್​​ ಚಾನೆಲ್​ಗಳಿಗೆ ನಿರ್ಬಂಧ ಹೇರಿದ ಕೇಂದ್ರ ಸರ್ಕಾರ; ಇಲ್ಲಿದೆ ನೋಡಿ ಲಿಸ್ಟ್​​

ನವ ದೆಹಲಿ: ಭಾರತದ ಏಳು ಮತ್ತು ಪಾಕಿಸ್ತಾನ ಮೂಲದ ಒಂದು ಸೇರಿ ಒಟ್ಟು 8 ಯೂಟ್ಯೂಬ್​ ನ್ಯೂಸ್​ ಚಾನೆಲ್​​ಗಳನ್ನು ಭಾರತದಲ್ಲಿ ನಿರ್ಬಂಧಿಸಲಾಗಿದೆ (8 YouTube news channels Blocked). 2021ರ ಐಟಿ ನಿಯಮ (ಮಾಹಿತಿ ತಂತ್ರಜ್ಞಾನ (ಮಧ್ಯವರ್ತಿ ಮಾರ್ಗಸೂಚಿಗಳು ಮತ್ತು ಡಿಜಿಟಲ್ ಮಾಧ್ಯಮ ನೀತಿಸಂಹಿತೆ)ದಡಿ ಇವುಗಳನ್ನು ಬ್ಯಾನ್​ ಮಾಡಲಾಗಿದೆ ಎಂದು ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ತಿಳಿಸಿದೆ. ಎಂಟೂ ಯೂಟ್ಯೂಬ್​​ ಚಾನೆಲ್​​ಗಳೂ ಸೇರಿ ಒಟ್ಟಾರೆ 114 ಕೋಟಿಗೂ ಹೆಚ್ಚು ವೀಕ್ಷಕರು, 85 ಲಕ್ಷದ 73 ಸಾವಿರ ಸಬ್​ಸ್ಕ್ರೈಬರ್​​ಗಳು ಇದ್ದಾರೆ. ಈ ಚಾನಲ್​​ಗಳು ಭಾರತ ವಿರೋಧಿ ವಿಷಯಗಳನ್ನು ಬಿತ್ತರಿಸುತ್ತಿದ್ದವು. ದೇಶದ ಭದ್ರತೆ, ವಿದೇಶಾಂಗ ವ್ಯವಹಾರಗಳು, ಸಾರ್ವಜನಿಕ ಸುವ್ಯವಸ್ಥೆ ಬಗ್ಗೆ ಜನರಿಗೆ ತಪ್ಪು ಮಾಹಿತಿ ನೀಡುತ್ತಿದ್ದವು. ಹಾಗಾಗಿಯೇ ನಿಷೇಧಿಸಲಾಗಿದೆ ಎಂದು ಕೇಂದ್ರ ಸಚಿವಾಲಯ ಮಾಹಿತಿ ನೀಡಿದೆ. ಹಾಗೇ, ಒಂದು ಫೇಸ್​ಬುಕ್​ ಅಕೌಂಟ್​ ಕೂಡ ನಿಷೇಧಿಸಲಾಗಿದೆ.

See more

.@MIB_India, utilizing the emergency powers under the IT Rules, 2021, has blocked 8 YouTube news channels for spreading disinformation related to India’s national security, foreign relations & public order pic.twitter.com/GkrRZH1fYQ

— Prasar Bharati News Services & Digital Platform (@PBNS_India) August 18, 2022

ಈ ಯೂಟ್ಯೂಬ್​ ನ್ಯೂಸ್​ ಚಾನೆಲ್​​ಗಳು ಗಿಮಿಕ್​ ಮಾಡುತ್ತಿದ್ದವು. ನಕಲಿ ಮತ್ತು ಸೆನ್ಸೇಶನಲ್​ ಆಗಿರುವ ಥಂಬ್​ನೇಲ್​​ಗಳನ್ನು ಹಾಕಿ ವಿಡಿಯೋ ಪೋಸ್ಟ್ ಮಾಡುತ್ತಿದ್ದವು. ಆ್ಯಂಕರ್​ಗಳ, ಆ ನ್ಯೂಸ್​ ಚಾನೆಲ್​ಗಳ ಲೋಗೋಗಳನ್ನು ಹಾಕಿ, ನಾವು ಸತ್ಯವನ್ನೇ ಹೇಳುತ್ತಿದ್ದೇವೆ ಎಂಬಂತೆ ಬಿಂಬಿಸಿಕೊಳ್ಳುತ್ತಿದ್ದವು. ಆದರೆ ಆ ವಿಡಿಯೋ ಪೂರ್ತಿಯಾಗಿ ದೇಶ ವಿರೋಧಿ ವಿಷಯಗಳನ್ನೇ ತುಂಬಿಕೊಂಡಿರುತ್ತಿತ್ತು. ಭಾರತದಲ್ಲಿ ಕೋಮು ಸೌಹಾರ್ದತೆ ಕದಡುವ, ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತರುವ ವಿಚಾರಗಳನ್ನೇ ಬಿತ್ತರಿಸುತ್ತಿದ್ದವು. ಅಷ್ಟೇ ಅಲ್ಲ ಭಾರತದ ಸೈನ್ಯ, ಜಮ್ಮು-ಕಾಶ್ಮೀರದ ಬಗ್ಗೆಯೂ ಅನೇಕ ನಕಲಿ-ಸುಳ್ಳು ಸುದ್ದಿಗಳನ್ನು ಪ್ರಸಾರ ಮಾಡುತ್ತಿದ್ದವು ಎಂದು ಕೇಂದ್ರ ಸಚಿವಾಲಯ ತಿಳಿಸಿದೆ.

ಇಲ್ಲಿದೆ ನೋಡಿ ನಿರ್ಬಂಧಿತ ಯೂಟ್ಯೂಬ್​ ಚಾನೆಲ್​​ಗಳು ಮತ್ತು ಅವು ಹೊಂದಿದ್ದ ಸಬ್​ಸ್ಕ್ರೈಬರ್​​ಗಳ ವಿವರದ ಪಟ್ಟಿ..

1. ಲೋಕತಂತ್ರ ಟಿವಿ (Loktantra Tv) – 23,72,27,331 ವೀಕ್ಷಣೆಗಳು ಮತ್ತು 12.90 ಲಕ್ಷ ಸಬ್​ಸ್ಕ್ರೈಬರ್ಸ್​
2. ಯು & ವಿ ಟಿವಿ ( U&V TV) – 14,40,03,291 ವೀವರ್ಸ್​​ ಮತ್ತು 10.20 ಲಕ್ಷ ಸಬ್​ಸ್ಕ್ರೈಬರ್ಸ್​
3. ಎಎಂ ರಜ್ವಿ (AM Razvi) – ವೀಕ್ಷಣೆಗಳು-1,22,78,194, ಚಂದಾದಾರರು-95, 900
4. ಗೌರವಶಾಲಿ ಪವನ್ ಮಿಥಿಲಾಂಚಲ್ (Gouravshali Pawan Mithilanchal)- ವೀಕ್ಷಣೆಗಳು- 15,99,32,594 , ಸಬ್​ಸಕ್ರೈಬರ್​ಗಳು -7 ಲಕ್ಷ.
5. ಸೀ ಟಾಪ್​ 5TH (SeeTop5TH) – 24,83,64,997 ವೀವ್ಸ್​​, 33.50 ಲಕ್ಷ ಸಬ್​ಸ್ಕ್ರೈಬರ್ಸ್​
6. ಸರ್ಕಾರಿ ಅಪ್​ಡೇಟ್​​ (Sarkari Update) -70,41,723 ವೀವ್ಸ್​ ಮತ್ತು 80,900 ಸಬ್​ಸ್ಕ್ರೈಬರ್ಸ್​.
7. ಸಬ್​ ಕುಚ್​ ದೇಖೋ (Sab Kuch Dekho) -32,86,03,227 ವೀವ್ಸ್​ ಮತ್ತು 19.40 ಲಕ್ಷ ಸಬ್​​ಸ್ಕ್ರೈಬರ್ಸ್​
8. ನ್ಯೂಸ್​ ಕೀ ದುನಿಯಾ (News ki Dunya) ಇದು ಪಾಕಿಸ್ತಾನ ಮೂಲದ ಯೂಟ್ಯೂಬ್​ ಆಗಿದ್ದು, 61,69,439 ವೀಕ್ಷಣೆಗಳು ಮತ್ತು 97,000 ಸಾವಿರ ಚಂದಾದಾರರನ್ನು ಹೊಂದಿತ್ತು.
ಈ ಎಲ್ಲ ಯೂಟ್ಯೂಬ್ ಚಾನಲ್​ಗಳೊಟ್ಟಿಗೆ ಲೋಕತಂತ್ರ ಟಿವಿಯ ಫೇಸ್​ಬುಕ್​ ಅಕೌಂಟ್ ಕೂಡ ನಿರ್ಬಂಧಗೊಂಡಿದೆ.

ಇದನ್ನೂ ಓದಿ: ಯೂಟ್ಯೂಬ್​ನಲ್ಲಿ ಟ್ರೆಂಡ್​ ಆದ ಪೊನ್ನಿಯನ್ ಸೆಲ್ವನ್ ಟೀಸರ್, ನಟಿ ಐಶ್ವರ್ಯಾ ರೈ ಲುಕ್‌ಗೆ ಜನ ಫಿದಾ