ನವ ದೆಹಲಿ: ಅಬುಧಾಬಿ ಏರ್ಪೋರ್ಟ್ನಿಂದ ಟೇಕ್ಆಫ್ ಆಗಿದ್ದ ಏರ್ ಇಂಡಿಯಾ ಎಕ್ಸ್ಪ್ರೆಸ್ ವಿಮಾನದಲ್ಲಿ ಮಾರ್ಗ ಮಧ್ಯೆ ಬೆಂಕಿ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಅದು ವಾಪಸ್ ಅಬುಧಾಬಿಗೇ ಬಂದು ಲ್ಯಾಂಡ್ ಆಗಿದೆ. ಏರ್ ಇಂಡಿಯಾದ IX348 ವಿಮಾನ ಕೇರಳದ ಕ್ಯಾಲಿಕಟ್ (ಈಗಿನ ಕೊಯಿಕ್ಕೋಡ್)ಗೆ ಹೊರಟಿತ್ತು. ಆದರೆ ಇದರ ಒಂದು ಎಂಜಿನ್ನಲ್ಲಿ ಬೆಂಕಿ ಕಾಣಿಸಿಕೊಂಡು ಆತಂಕ ಸೃಷ್ಟಿಯಾಗಿದ್ದರಿಂದ ಪೈಲಟ್ ವಾಪಸ್ ಅಬುಧಾಬಿಗೇ ಹೋಗಿ ಲ್ಯಾಂಡ್ ಮಾಡಿಸಿದ್ದಾರೆ.
ಈ ವಿಮಾನದಲ್ಲಿ 184 ಪ್ರಯಾಣಿಕರು ಇದ್ದರು. ಒಂದು ಎಂಜಿನ್ನಲ್ಲಿ ತಾಂತ್ರಿಕ ದೋಷ ಉಂಟಾಗಿ ಬೆಂಕಿ ಹೊತ್ತಿಕೊಂಡಿದ್ದನ್ನು ಪೈಲಟ್ ಗಮನಿಸಿದ್ದಾರೆ. ಅದಾದ ಬಳಿಕ ಮೈಕ್ನಲ್ಲಿ ಅನೌನ್ಸ್ ಮಾಡಲಾಯಿತು ಮತ್ತು ಸುರಕ್ಷಿತವಾಗಿ ಅಬುಧಾಬಿಗೇ ಹೋಗಿ ಲ್ಯಾಂಡ್ ಮಾಡಿಸಲಾಯಿತು ಎಂದು ಏರ್ ಇಂಡಿಯಾ ತಿಳಿಸಿದೆ. ಹೀಗೆ ಬೆಂಕಿ ಕಾಣಿಸಿಕೊಂಡ ಸಮಯದಲ್ಲಿ ವಿಮಾನ ಸಮುದ್ರ ಮಟ್ಟದಿಂದ ಸುಮಾರು 1000 ಅಡಿ ಎತ್ತರದಲ್ಲಿ ಸಂಚಾರ ಮಾಡುತ್ತಿತ್ತು.
ಜನವರಿ 30ರಂದು ಏರ್ ಇಂಡಿಯಾ ವಿಮಾನವೊಂದು ಕೊಚ್ಚಿನ್ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡ್ ಆಗುವ ವೇಳೆ ಹೈಡ್ರಾಲಿಕ್ ಫೇಲ್ ಆಗಿ ಸ್ವಲ್ಪ ನಿಯಂತ್ರಣ ತಪ್ಪಿತ್ತು. ಈ ವೇಳೆ ಏರ್ಪೋರ್ಟ್ನಲ್ಲಿ ಹೈಅಲರ್ಟ್ ಘೋಷಿಸಲಾಗಿತ್ತು. 183 ಪ್ರಯಾಣಿಕರು ಈ ವಿಮಾನದಲ್ಲಿದ್ದರು. ಅದೃಷ್ಟವಶಾತ್ ಯಾರಿಗೂ ಏನೂ ಅಪಾಯ ಆಗಿರಲಿಲ್ಲ.