ಭೋಪಾಲ್: ಮಧ್ಯಪ್ರದೇಶದಲ್ಲಿ ನೂತನವಾಗಿ ನಿರ್ಮಾಣವಾಗಿರುವ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಕೇಂದ್ರ ನಾಗರಿಕ ವಿಮಾನಯಾನ ಸಚಿವ ಜ್ಯೋತಿರಾದಿತ್ಯ ಸಿಂಧಿಯಾ (Minister Jyotiraditya Scindia) ಕ್ರಿಕೆಟ್ ಆಡಿ, ಭರ್ಜರಿ ಬ್ಯಾಟಿಂಗ್ ಮಾಡಿದ್ದಾರೆ. ಆದರೆ ಇಲ್ಲೊಂದು ಅಪಘಾತವಾಗಿದೆ. ಜ್ಯೋತಿರಾದಿತ್ಯ ಸಿಂಧಿಯಾ ಹೊಡೆದ ಬಾಲ್, ಬಿಜೆಪಿ ಕಾರ್ಯಕಾರಿ ಸದಸ್ಯ ವಿಕಾಸ್ ಮಿಶ್ರಾ ಹಣೆಗೆ ಬಲವಾಗಿ ಬಡಿದು, ಆಳವಾದ ಗಾಯವಾಗಿದೆ. ಬಳಿಕ ವಿಕಾಸ್ ಮಿಶ್ರಾರನ್ನು ಆಸ್ಪತ್ರೆಗೆ ದಾಖಲಿಸಿ, ಹೊಲಿಗೆ ಹಾಕಿಸಲಾಗಿದೆ.
ಇಟೌರಾದಲ್ಲಿರುವ ಮಧ್ಯಪ್ರದೇಶ್ ಕ್ರಿಕೆಟ್ ಅಸೋಸಿಯೇಶನ್ ಸ್ಟೇಡಿಯಂ ಬುಧವಾರ ಉದ್ಘಾಟನೆಗೊಂಡಿತ್ತು. ಅದಾದ ಮೇಲೆ ಸುಮ್ಮನೆ ಸೌಹಾರ್ದಯುತವಾಗಿ ಪಂದ್ಯ ನಡೆಯಿತು. ಅದರಲ್ಲಿ ಜ್ಯೋತಿರಾದಿತ್ಯ ಸಿಂಧಿಯಾ ಬ್ಯಾಟಿಂಗ್ ಮಾಡಿದರು. ಅವರು ಹೊಡೆದ ಬಾಲ್ ವಿಕಾಸ್ಗೆ ತಾಗಿ, ಹಣೆಗೆ ಗಾಯವಾಗಿ ರಕ್ತ ಸುರಿಯಲು ಶುರುವಾಗುತ್ತಿದ್ದಂತೆ ಆಟ ನಿಲ್ಲಿಸಿ, ಕೂಡಲೇ ವಿಕಾಸ್ ಅವರನ್ನು ಸಂಜಯ್ ಗಾಂಧಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ದಾಖಲಿಸಲಾಯಿತು. ವಿಕಾಸ್ ಜತೆ ಆಸ್ಪತ್ರೆಗೆ ಜ್ಯೋತಿರಾದಿತ್ಯ ಸಿಂಧಿಯಾ ಮತ್ತು ಮಾಜಿ ರಾಜೇಂದ್ರ ಶುಕ್ಲಾ , ಸಂಸದರಾದ ಜನಾರ್ದನ್ ಮಿಶ್ರಾ ಕೂಡ ತೆರಳಿದ್ದರು.
ಇದನ್ನೂ ಓದಿ: ಜ್ಯೋತಿರಾದಿತ್ಯ ಸಿಂಧಿಯಾ ಕಾಂಗ್ರೆಸ್ಗೆ ಮರಳುವ ಸೂಚನೆ ಕಾಣುತ್ತಿದೆ; ಎಐಸಿಸಿ ವಕ್ತಾರ ಹೀಗೆ ಹೇಳಲು ಕಾರಣವೇನು?