ಮೋರ್ಬಿ : ಗುಜರಾತ್‌ನ ಮೋರ್ಬಿಯಲ್ಲಿ ನಡೆದ ತೂಗು ಸೇತುವೆ ಕುಸಿತ ಪ್ರಕರಣದ ನಾಲ್ವರು ಆರೋಪಿಗಳರ್ಣಣೂ ಸ್ಥಳೀಯ ಕೋರ್ಟ್‌ ನಾಲ್ಕು ದಿನಗಳ ಪೊಲೀಸ್ಟ್‌ ಕಸ್ಟಡಿ ನೀಡಿದೆ. ಅದೇ ರೀತಿ ಉಳಿದ ಐವರಿಗೆ ನ್ಯಾಯಾಂಗ ಬಂಧನ ನೀಡಿ ಆದೇಶ ಹೊರಡಿಸಿದೆ. ಬ್ರಿಜ್‌ ಕುಸಿತ ನಡೆದು ೧೩೫ ಮಂದಿ ಮತಪಟ್ಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ೯ ಮಂದಿಯನ್ನು ಪೊಲೀಸರು ಬಂಧಿಸಿದ್ದರು.
ಆರೋಪಿಗಳ ಮೇಲೆ ಐಪಿಸಿ ಸೆಕ್ಷನ್‌ ೩೦೪ರ ಅಡಿ ಪ್ರಕರಣ ದಾಖಲಾಗಿತ್ತು. ವಿಚಾರಣೆ ನಡೆಸಿದ ಕೋರ್ಟ್‌, ತೂಗು ಸೇತುವೆಯನ್ನು ದುರಸ್ತಿ ಮಾಡಿದ ಒರೆವಾ ಗ್ರೂಪ್‌ನ ಮ್ಯಾನೇಜರ್ ಸೇರಿ ನಾಲ್ವರಿಗೆ ಪೊಲೀಸ್‌ ಕಸ್ಟಡಿ ನೀಡಿದೆ.
ಸೇತುವೆ ಪ್ರವೇಶದ ಟಿಕೆಟ್‌ ವಿತರಕರು ಹಾಗೂ ಸೆಕ್ಯುರಿಟಿ ಗಾರ್ಡ್‌ಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಲಾಗಿದೆ.
ಇದನ್ನೂ ಓದಿ | Morbi Bridge Collapse | ಮೋರ್ಬಿ ಸೇತುವೆ ಕುಸಿತ, ಒರೆವಾ ಕಂಪನಿಯ ಅಧಿಕಾರಿಗಳು ಸೇರಿ 9 ಮಂದಿ ಬಂಧನ