ಗುಜರಾತ್ನಲ್ಲಿ ವಿಪರೀತ ಮಳೆ(Gujarat Rain)ಯಾಗುತ್ತಿದೆ. ಇಡೀ ರಾಜ್ಯಾದ್ಯಂತ ಅನೇಕ ಕಡೆಗಳಲ್ಲಿ ರಸ್ತೆಗಳೆಲ್ಲ ಜಲಾವೃತಗೊಂಡಿವೆ. ವಾಹನ ಸಂಚಾರಕ್ಕೆ ಅಡಚಣೆ ಉಂಟಾಗಿದ್ದು ಟ್ರಾಫಿಕ್ ಜಾಮ್ ಆಗಿದೆ (Waterlogging and Traffic jams). ಖೇಡಾ ಜಿಲ್ಲೆಯ ನಾಡಿಯಾಡ್ ಏರಿಯಾದ ಬೈಪಾಸ್ ಬಳಿ ವಿಪರೀತ ನೀರು ನಿಂತು, ಅಲ್ಲಿ ಕಾಲೇಜು ಬಸ್ವೊಂದು ಸಿಲುಕಿತ್ತು. ಅದರಲ್ಲಿದ್ದ ವಿದ್ಯಾರ್ಥಿನಿಯರೆಲ್ಲ ಅಪಾಯಕ್ಕೆ ಸಿಲುಕಿದ್ದರು. ಸ್ಥಳೀಯರ ಸಮಯಪ್ರಜ್ಞೆ ಆ ವಿದ್ಯಾರ್ಥಿಗಳ ಜೀವ ಉಳಿಸಿದೆ. ಅಪಘಾತದ ಅಂಚು ತಲುಪಿದ್ದ ಬಸ್ನ ಕಿಟಕಿ ಮತ್ತು ತುರ್ತು ನಿರ್ಗಮನ ಬಾಗಿಲಿನ ಮೂಲಕ, ಸ್ಥಳೀಯರು ವಿದ್ಯಾರ್ಥಿನಿಯರನ್ನು ರಕ್ಷಿಸಿದ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ (Viral Video) ಆಗಿದೆ.
ಆ ಬೈಪಾಸ್ನಲ್ಲಿ ನೀರು ತುಂಬಿಹೋಗಿತ್ತು. ಬಸ್ ಒಂದು ಕಡೆ ನಿಂತಿತ್ತು. ಮುಂದೆ ಹೋಗಲು ಸಾಧ್ಯವಾಗುತ್ತಿರಲಿಲ್ಲ. ವಿದ್ಯಾರ್ಥಿಗಳಿಗೆ ಬಸ್ನ ಬಾಗಿಲು ಇಳಿದು, ನೆಲದ ಮೇಲೆ ಕಾಲೂರಲೂ ಸಾಧ್ಯವಾಗುತ್ತಿರಲಿಲ್ಲ. ಮೊಳಕಾಲಿಗಿಂತಲೂ ಜಾಸ್ತಿ ಮಟ್ಟದ ನೀರು ಅಲ್ಲಿತ್ತು. ಆಗ ಸ್ಥಳೀಯರು ಐದಾರು ಜನ ಸೇರಿ, ಅಲ್ಲೇ ಪಕ್ಕದಲ್ಲಿದ್ದ ಕಟ್ಟೆಯ ಮೇಲೆ ನಿಂತು, ವಿದ್ಯಾರ್ಥಿಗಳನ್ನು ಕಿಟಕಿ ಮೂಲಕ ಹೊರಗೆ ಎಳೆದು ರಕ್ಷಿಸಿದ್ದಾರೆ. ಇನ್ನು ಗುಜರಾತ್ನಲ್ಲಿ ಜೂನ್ 25ರವರೆಗೂ ಭರ್ಜರಿ ಮಳೆಯಾಗುವುದಾಗಿ ಹವಾಮಾನ ಇಲಾಖೆ ತಿಳಿಸಿದೆ.
#WATCH | Gujarat: Due to heavy rain in Nadiad area of Kheda district, leading to waterlogging, a college bus got stuck in a bypass. The locals immediately rushed to the spot and rescued all the students on the bus. pic.twitter.com/D61cs00Hu7
— ANI (@ANI) June 24, 2023
ಇನ್ನೊಂದೆಡೆ ಮಹಾರಾಷ್ಟ್ರದ ಮುಂಬಯಿ ಮತ್ತು ಇನ್ನೂ ಹಲವು ಕಡೆಗಳಲ್ಲಿ ಭರ್ಜರಿ ಮಳೆ (Mumbai Rain)ಯಾಗಿದ್ದು, ಮಾನ್ಸೂನ್ ಪ್ರವೇಶದ ಲಕ್ಷಣ ಗೋಚರಿಸಿದೆ. ಹವಾಮಾನ ಇಲಾಖೆ ಮುಂಬಯಿಯಲ್ಲಿ ಜೂ.26ರಿಂದ 27ರವರೆಗೆ ಯೆಲ್ಲೋ ಅಲರ್ಟ್ ಘೋಷಿಸಿದೆ (Yellow Alert in Mumbai). ಜೂನ್ 11ರ ಹೊತ್ತಿಗೆ ಮುಂಬಯಿ ಕರಾವಳಿಗೆ ಮಾನ್ಸೂನ್ ಪ್ರವೇಶ ಮಾಡಬಹುದು ಎಂದು ಈ ಹಿಂದೆ ಹವಾಮಾನ ಇಲಾಖೆ ತಿಳಿಸಿತ್ತು. ಆದರೆ ಅಷ್ಟರಲ್ಲಿ ಬಿಪರ್ಜಾಯ್ ಚಂಡಮಾರುತ ದಾಂಡುಗಿ ಇಟ್ಟಿದ್ದರಿಂದ ಮಾನ್ಸೂನ್ ಆಗಮನದ ಸುಳಿವೇ ಇರಲಿಲ್ಲ. ಆದರೆ ಇಂದಿನ ಮಳೆ ನೋಡಿ ಮುಂಬಯಿ ಮಂದಿ ಫುಲ್ ಖುಷಿಯಾಗಿದ್ದಾರೆ. ‘ಹ್ಯಾಪಿ ವೀಕೆಂಡ್’ ಎಂದು ಹೇಳುತ್ತಿದ್ದಾರೆ.
#WATCH | Maharashtra: Rain lashes parts of Mumbai city. pic.twitter.com/1yUL9JcYSm
— ANI (@ANI) June 24, 2023