ನವದೆಹಲಿ: ಬಹುನಿರೀಕ್ಷೆ ಹಾಗೂ ಸಲ್ಮಾನ್ ಖಾನ್ ನಡೆಸಿಕೊಡಲಿರುವ ಬಿಗ್ ಬಾಸ್ ಒಟಿಟಿ 2 ಸೀಸನ್ (Big Boss OTT 2) ಜೂನ್ 17ರಿಂದ ಆರಂಭವಾಗಲಿದೆ. ಈಗಾಗಲೇ ಯಾವ ಯಾವ ಸ್ಪರ್ಧಿಗಳು ಮನೆಯೊಳಗೇ ಹೋಗಲಿದ್ದಾರೆಂಬ ಲೆಕ್ಕಾಚಾರಗಳು ನಡೆದಿವೆ. ಒಂದಿಷ್ಟು ಹೆಸರು ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿವೆ. ಈ ಮಧ್ಯೆ, ಮನೆಯಲ್ಲಿ ವಾತಾವರಣ ಬಿಸಿಯಾಗುವ ಸಾಧ್ಯತೆ ಇದೆ. ಯಾಕೆಂದರೆ, ಕೆಲವು ವರದಿಗಳ ಪ್ರಕಾರ, ‘ನೀಲಿ ತಾರೆ’ ಮಿಯಾ ಖಲೀಫಾ (Former Adult Star Mia Khalifa) ಅವರು ಬಿಗ್ ಬಾಸ್ ಮನೆ ಪ್ರವೇಶಿಸುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ. ಒಂದೊಮ್ಮೆ ಈ ಸುದ್ದಿ ನಿಜವಾದರೆ, ಬಿಗ್ ಬಾಸ್ ಮನೆ ಫುಲ್ ಬಿಸಿಯಾಗಿರುವುದರಲ್ಲಿ ಯಾವುದೇ ಸಂಶಯವಿಲ್ಲ! ಈ ಬಾರಿಯ ಬಿಗ್ ಬಾಸ್ ಒಟಿಟಿ 2 ಸೀಸನ್ ಶೋವನ್ನು ನಟ ಸಲ್ಮಾನ್ ಖಾನ್ (Salman Khan) ಹಾಸ್ಟ್ ಮಾಡಲಿದ್ದಾರೆ.
ವರದಿಯ ಪ್ರಕಾರ ಮಾಜಿ ಅಡಲ್ಟ್ ಸ್ಟಾರ್ ಮಿಯಾ ಖಲೀಫಾ ವೈಲ್ಡ್ ಕಾರ್ಡ್ ಸ್ಪರ್ಧಿಯಾಗಿ ಶೋಗೆ ಪ್ರವೇಶಿಸಲಿದ್ದಾರೆ. ಆದರೆ ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಹೊರ ಬಿದ್ದಿಲ್ಲ. ಹಿಂದೂಸ್ತಾನ್ ಟೈಮ್ಸ್‌ನ ವರದಿಯ ಪ್ರಕಾರ ಮಿಯಾ ಮತ್ತು ರಾಜ್ ಕುಂದ್ರಾ ಇಬ್ಬರನ್ನೂ ಒಂದೇ ಸಮಯದಲ್ಲಿ ಕಾರ್ಯಕ್ರಮಕ್ಕಾಗಿ ಸಂಪರ್ಕಿಸಲಾಗಿತ್ತು. ಆದರೆ, ಈ ಸುದ್ದಿ ಅಭಿಮಾನಿಗಳಲ್ಲಿ ಭಾರೀ ಸಂಚಲನ ಮೂಡಿಸಿದೆ. ಗಮನಿಸಬೇಕಾದ ಸಂಗತಿಯೆಂದರೆ, ಸನ್ನಿ ಲಿಯೋನ್ ಕೂಡ ಬಿಗ್ ಬಾಸ್ 5 ರಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿದ್ದರು.
ಬಿಗ್ ಬಾಸ್ ಒಟಿಟಿ 2 ಪ್ರಚಾರವನ್ನು ಈಗಾಗಲೇ ಹಾಸ್ಟ್ ನಟ ಸಲ್ಮಾನ್ ಖಾನ್ ಅವರು ಭರ್ಜರಿಯಾಗಿ ಕೈಗೊಂಡಿದ್ದಾರೆ. ‘ಇಸ್ ಬಾರ್ ಜಂತಾ ಹೈ ಅಸಲಿ ಬಾಸ್’ ಎಂಬ ಟ್ಯಾಗ್‌ಲೈನ್ ಹೊಂದಿರುವ ತೆರೆದ ಬಸ್‌ನಲ್ಲಿ ಅವರ ಪ್ರಚಾರ ಕೈಗೊಂಡಿದ್ದಾರೆ. ಡೆನಿಮ್ ಜೀನ್ಸ್‌ನೊಂದಿಗೆ ಜೋಡಿಸಲಾದ ಉತ್ತಮವಾದ ಕಿತ್ತಳೆ ಬಣ್ಣದ ಶರ್ಟ್ ಅನ್ನು ಧರಿಸಿರುವ ನಟ, ಮಾಧ್ಯಮ ಮತ್ತು ಅಭಿಮಾನಿಗಳೊಂದಿಗೆ ಸಂವಹನ ನಡೆಸುವಾಗ ಮೋಡಿ ಮಾಡಿದರು.
ಈ ಸುದ್ದಿಯನ್ನೂ ಓದಿ: Bigg Boss OTT 2 House Tour: ಬಿಗ್ ಬಾಸ್ ಒಟಿಟಿ 2ನೇ ಸೀಸನ್‌ಗೆ ಭರ್ಜರಿ ತಯಾರಿ; ಮನೆಯ ಫೋಟೊಗಳು ಇಲ್ಲಿವೆ!
ಬಿಗ್ ಬಾಸ್ ಒಟಿಟಿ ರಿಯಾಲ್ಟಿ ಶೋವನ್ನು ಅವರು ಇದೇ ಮೊದಲ ಬಾರಿಗೆ ಹಾಸ್ಟ್ ಮಾಡುತ್ತಿದ್ದಾರೆ. ಈ ಹಿಂದಿನ ಆವೃತ್ತಿಯನ್ನು ನಿರ್ದೇಶಕ ಮತ್ತು ನಿರ್ಮಾಪಕ ಕರಣ್ ಜೋಹರ್ ನಡೆಸಿಕೊಟ್ಟಿದ್ದರು. ಈಗ ಆ ಸ್ಥಾನಕ್ಕೆ ಸಲ್ಮಾನ್ ಖಾನ್ ಬಂದಿದ್ದಾರೆ. ಸಲ್ಮಾನ್ ಖಾನ್ ಅವರು ಟಿವಿಯಲ್ಲಿ ಪ್ರಸಾರವಾಗುವ ಬಿಗ್ ಬಾಸ್ ಶೋವನ್ನು ನಿರಂತರವಾಗಿ ಹಾಸ್ಟ್ ಮಾಡುತ್ತಾ ಬಂದಿದ್ದಾರೆ. ಇದೀಗ ಹೊಸ ಚಾಲೆಂಜ್ ಎದುರಿಸಲು ಸಜ್ಜಾಗಿದ್ದಾರೆ.
ಸಿನಿಮಾದ ಇನ್ನಷ್ಟು ಕುತೂಹಲಕರ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.