ಗುರುಗ್ರಾಮ: ಹರಿಯಾಣದ ಗೃಹ ಸಚಿವ ಅನಿಲ್ ವಿಜ್ ಅವರು ಕೂದಲೆಳೆ ಅಂತರದಲ್ಲಿ ಬಹುದೊಡ್ಡ ಅಪಾಯದಿಂದ ಪಾರಾಗಿದ್ದಾರೆ. ಅಂಬಾಲಾ ಕಂಟೋನ್ಮೆಂಟ್ನಿಂದ ಗುರುಗ್ರಾಮಕ್ಕೆ ಪ್ರಯಾಣಿಸುತ್ತಿದ್ದಾಗ ಅವರ ಮರ್ಸಿಡಿಸ್ ಬೆಂಜ್ ಕಾರು ಅಪಘಾತಕ್ಕೀಡಾಗಿದೆ.
ಅನಿಲ್ ವಿಜ್ ಅವರ ಕಾರು ಕುಂಡ್ಲಿ-ಮನೇಸರ್-ಪಲ್ವಾಲ್ ಎಕ್ಸ್‌ಪ್ರೆಸ್‌ವೇ (ವೆಸ್ಟರ್ನ್ ಪೆರಿಫೆರಲ್ ಎಕ್ಸ್‌ಪ್ರೆಸ್‌ ವೇ)ದಲ್ಲಿ ಸಂಚಾರ ಮಾಡುತ್ತಿದ್ದಾಗ, ಏಕಾಏಕಿ ಅದರ ಶಾಕ್ ಅಬ್ಸರ್ವರ್ ಮುರಿದು ಎರಡು ಚೂರಾಗಿಬಿದ್ದಿದೆ. ಕಾರು ನಿಧಾನಕ್ಕೆ ಚಲಿಸುತ್ತಿದ್ದುದರಿಂದ ಅಪಾಯವೇನೂ ಆಗಿಲ್ಲ. ಅದೇನಾದರೂ ವೇಗದಲ್ಲಿ ಇದ್ದಿದ್ದರೆ, ಖಂಡಿತ ದೊಡ್ಡಮಟ್ಟದ ಅಪಘಾತ ಆಗುತ್ತಿತ್ತು. ಇನ್ನು ಕಾರಿನ ಶಾಕ್ ಅಬ್ಸರ್ವರ್ ಮುರಿದ ಫೋಟೋವನ್ನು ಶೇರ್ ಮಾಡಿಕೊಂಡ ಅನಿಲ್ ವಿಜ್, ‘ಅಂಬಾಲಾ ಕಂಟೋನ್ಮೆಂಟ್ನಿಂದ ಗುರುಗ್ರಾಮದತ್ತ ತೆರಳುತ್ತಿದ್ದ ನನ್ನ ಕಾರಿನ ಚಾಲಕನ ಬದಿಯ ಶಾಕ್ ಅಬ್ಸರ್ವರ್ ಮುರಿದು, ಎರಡು ಚೂರಾಗಿ ಬಿತ್ತು. ಕಾರು ಏನೂ ಅಪಘಾತಕ್ಕೀಡಾಗದೆ ಇರುವುದು, ನಾನು ಉಳಿದಿದ್ದು ಪವಾಡವರೇ ಸರಿ’ ಎಂದು ಕ್ಯಾಪ್ಷನ್ ಬರೆದುಕೊಂಡಿದ್ದಾರೆ. ಸದ್ಯ ಕಾರನ್ನು ರಿಪೇರಿಗೆ ಬಿಡಲಾಗಿದೆ.
ಇದನ್ನೂ ಓದಿ: Viral Video | ಸೂಕ್ಷ್ಮತೆ ಅರ್ಥ ಮಾಡಿಕೊಳ್ಳದ ಹರ್ಯಾಣ ಗೃಹ ಸಚಿವರನ್ನು ಮುಜುಗರಕ್ಕೀಡು ಮಾಡಿದ ಗೃಹ ಸಚಿವ ಅಮಿತ್ ಶಾ