ಇಟಾಹ್: ಎರಡೂವರೆ ತಿಂಗಳ ಪುಟ್ಟ ಮಗುವಿಗೆ ವೈದ್ಯನೊಬ್ಬ ಚಿಕ್ಕದಾದ ಸರ್ಜರಿ ಮಾಡಿದ. ಆದರೆ ಅದಾಗಿ ಕೆಲವೇ ಹೊತ್ತಲ್ಲಿ ಮಗು ತೀರಿಕೊಂಡಿದೆ. ವೈದ್ಯ ಎನ್ನಿಸಿಕೊಂಡವ ನಾಪತ್ತೆಯಾಗಿದ್ದಾನೆ. ಕುಟುಂಬದವರು ಆ ವೈದ್ಯನ ವಿರುದ್ಧ ದೂರು ಕೊಟ್ಟಿದ್ದು, ಆತನೊಬ್ಬ ನಕಲಿ ಡಾಕ್ಟರ್ ಎಂದಿದ್ದಾರೆ. ಪೊಲೀಸರು ಪ್ರಕರಣ ದಾಖಲು ಮಾಡಿಕೊಂಡು, ಆರೋಪಿಯ ಪತ್ತೆಗೆ ಬಲೆಬೀಸಿದ್ದಾರೆ.
ಉತ್ತರ ಪ್ರದೇಶದ ಇಟಾಹ್ನಲ್ಲಿ ದಂಪತಿ ತಮ್ಮ ಗಂಡು ಮಗುವಿಗೆ ಅನಾರೋಗ್ಯವೆಂದು ತಿಲಕ್ ಸಿಂಗ್ ಎಂಬ ವೈದ್ಯನ ಬಳಿ ಕರೆದುಕೊಂಡು ಹೋಗಿದ್ದರು. ಮಗುವನ್ನು ಒಳಗೆ ವೈದ್ಯರ ಬಳಿ ಬಿಟ್ಟಿದ್ದಾರೆ. ಆದರೆ ತಿಲಕ್ ಸಿಂಗ್ ಅದಕ್ಕೆ ಸರ್ಜರಿ ಮಾಡಿದ್ದಾನೆ. ಮಗುವಿಗೆ ಸರ್ಜರಿ ಮಾಡುವುದಾಗಿ ನಮಗೆ ಒಂದು ಮಾತು ಕೂಡ ಹೇಳಿಲ್ಲ ಎಂದು ಪಾಲಕರು ಆರೋಪಿಸಿದ್ದಾರೆ. ಮಗುವಿಗೆ ಅದೇನು ಆಪರೇಶನ್ ಮಾಡಿದನೋ ಗೊತ್ತಿಲ್ಲ, ಬಳಿಕ ಅದಕ್ಕೆ ತೀವ್ರ ರಕ್ತಸ್ರಾವ ಆಯಿತು ಎಂದೂ ದೂರಿನಲ್ಲಿ ತಿಳಿಸಿದ್ದಾರೆ.
ಇದನ್ನೂ ಓದಿ: Child fell from Balcony : ಎರಡನೇ ಮಹಡಿಯ ಬಾಲ್ಕನಿಯಿಂದ ಬಿದ್ದು ಗಾಯಗೊಂಡಿದ್ದ 3 ವರ್ಷದ ಮಗು ಸಾವು