ದುಬೈ : ಜಗತ್ತಿನ ಅತಿ ಎತ್ತರದ ಬುರ್ಜ್ ಖಲೀಫಾ ಕಟ್ಟಡ ಮೇಲೆ ಬಾಲಿವುಡ್ ಸೂಪರ್ ಸ್ಟಾರ್ ಶಾರುಕ್ ಖಾನ್ (Shah Rukh Khan) ಅವರ ಭಾವಚಿತ್ರವು ಮತ್ತೆ ಬೆಳಗಿತು. ಯುಎಇನ ಆರೋಗ್ಯಸೇವೆಯಲ್ಲಿ ಅತಿದೊಡ್ಡ ಕಂಪನಿಯಾಗಿರುವ ಬುರ್ಜೀಲ್ ಹೋಲ್ಡಿಂಗ್ಸ್, ತನ್ನ ಕ್ಯಾಂಪೇನ್ ಭಾಗವಾಗಿ, ಶಾರುಕ್ ಖಾನ್ ಅವರ ಭಾವ ಚಿತ್ರವು ಮತ್ತೆ ಮಿಂಚುವಂತೆ ಮಾಡಿದೆ.
ಯುಎಇ ಮತ್ತು ಒಮನ್‌ನಲ್ಲಿ ಕಾರ್ಯಾಭಾರ ಹೊಂದಿರುವ ಬುರ್ಜೀಲ್ ಹೋಲ್ಡಿಂಗ್ಸ್, ಬುರ್ಜೀಲ್, ಮೆಡಿಯೋರ್, ಎಲ್ಎಲ್ಎಚ್, ಲೈಫ್ ಕೇರ್, ತಾಜ್ಮೀಲ್ ಬ್ರ್ಯಾಂಡ್ ಸೇರಿದಂತೆ ಒಟ್ಟು 39 ಆಸ್ಪತ್ರೆಗಳನ್ನು ಹೊಂದಿದೆ. ಈ ಒಟ್ಟು ಗ್ರೂಪ್‌ಗೆ ಶಾರುಕ್ ಖಾನ್ ಪ್ರಚಾರಕರ್ತರಾಗಿದ್ದಾರೆ.
ಕ್ಯಾಂಪೇನ್ ವಿಡಿಯೋವನ್ನು ಬುಧವಾರ ಪ್ರದರ್ಶಿಸಲಾಯಿತು. ಶಾರುಕ್ ಖಾನ್ ಅವರು ಹೆಲ್ತ್‌ಗ್ರೂಪ್‌ನ ಸ್ಫೂರ್ತಿದಾಯಕ ಕತೆಯನ್ನು ಅದರಲ್ಲಿ ಹೇಳಿದ್ದಾರೆ. ಯುಎಇನ ಹುತಾತ್ಮರಿಗೆ ಸ್ಮರಣೆ ಸಲ್ಲಿಸುವುದರೊಂದಿಗೆ ಈ ವಿಡಿಯೋ ಆರಂಭವಾಗುತ್ತದೆ. 1.10 ನಿಮಿಷಗಳ ಈ ವಿಡಿಯೋದಲ್ಲಿ ಐಕಾನಿಕ್ ಶೇಖ್ ಝಾಯೇದ್ ಗ್ರ್ಯಾಂಡ್ ಮಾಸ್ಕೋ, ಬುರ್ಜೀಲ್ ಮೆಡಿಕಲ್ ಸಿಟಿಯನ್ನು ತೋರಿಸಲಾಗಿದೆ.
ಬುರ್ಜೀಲ್ ಹೋಲ್ಡಿಂಗ್ಸ್ ಚೇರ್ಮನ್ ಶಮ್ಶೀರ್ ವಯಾಲಿಲ್ ಅವರು ಮಾತನಾಡಿ, ಸೂಪರ್ ಸ್ಟಾರ್ ಶಾರುಕ್ ಖಾನ್ ಜತೆಗೆ ಕ್ಯಾಂಪೇನ್ ಆರಂಭಿಸಲು ಹೆಮ್ಮೆ ಇದೆ. ಇದು ತನ್ನ ಆಕರ್ಷಕ ಬೆಳವಣಿಗೆಯ ಕಥೆಯೊಂದಿಗೆ ಜಗತ್ತನ್ನು ಪ್ರೇರೇಪಿಸಿದ ದೇಶದಿಂದ ಹೊರಗಿರುವ ಆರೋಗ್ಯ ರಕ್ಷಣೆಯಲ್ಲಿ ಜಾಗತಿಕ ನಾಯಕನಾಗುವ ಬುರ್ಜಿಲ್ ಹೋಲ್ಡಿಂಗ್ಸ್ ಮಹತ್ವಾಕಾಂಕ್ಷೆಯನ್ನು ಸಂಕೇತಿಸುತ್ತದೆ ಎಂದು ಅವರು ತಿಳಿಸಿದ್ದಾರೆ.
ಇದನ್ನೂ ಓದಿ | Explainer: ಭಾರತೀಯರ ಫೇವರಿಟ್‌ ಆಗುವತ್ತ ಯುಎಇ, ಏನಿದರ ವಿಶೇಷ?