ವಿಚ್ಛೇದನ ಅರ್ಜಿ (Divorce Proceedings) ವಿಚಾರಣೆಯನ್ನು ನ್ಯಾಯಾಧೀಶರು ಬೇಗ ಬೇಗ ನಡೆಸಲಿಲ್ಲ ಎಂಬ ಕಾರಣಕ್ಕೆ 55 ವರ್ಷದ ವ್ಯಕ್ತಿಯೊಬ್ಬ ನ್ಯಾಯಾಧೀಶರ ಕಾರನ್ನೇ ಹಾಳು ಮಾಡಿದ್ದಾನೆ. ಕೇರಳದ ತಿರುವಲ್ಲ ಕೌಟುಂಬಿಕ ಕೋರ್ಟ್ನ ಆವರಣದಲ್ಲಿ ನಿಂತಿದ್ದ ಕಾರಿನ ನಂಬರ್ ಪ್ಲೇಟ್ ಕಿತ್ತು ಹಾಕಲು ಯತ್ನಿಸಿದ್ದಾನೆ. ಅವನ ಈ ಕೆಲಸವನ್ನು ಕೆಲವರು ತಮ್ಮ ಮೊಬೈಲ್ನಲ್ಲಿ ಸೆರೆ ಹಿಡಿದಿದ್ದಾರೆ. ಈ ವ್ಯಕ್ತಿಯನ್ನು ಇ.ಪಿ ಜಯಪ್ರಕಾಶ್ ಎಂದು ಗುರುತಿಸಲಾಗಿದೆ. ಸದ್ಯ ಪೊಲೀಸ್ ಕಸ್ಟಡಿಯಲ್ಲಿ ಇದ್ದಾನೆ.
ಬುಧವಾರ ಸಂಜೆ 4.30ರ ಹೊತ್ತಿಗೆ ಘಟನೆ ನಡೆದಿದೆ. ಈ ವ್ಯಕ್ತಿ ತನಗೆ ಪತ್ನಿಯಿಂದ ವಿಚ್ಛೇದನ ಬೇಕು ಎಂದು ಕೌಟುಂಬಿಕ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದ್ದ. ಆದರೆ ಆ ಅರ್ಜಿ ವಿಚಾರಣೆ ವಿಳಂಬ ಆಗುತ್ತಿತ್ತು. ಅವನಿಗೆ ಅರ್ಜೆಂಟ್ ಆಗಿ ಡಿವೋರ್ಸ್ ಬೇಕಿತ್ತು. ಬುಧವಾರ ಕೂಡ ವಿಚಾರಣೆ ಇತ್ತು. ಅಂದೂ ಕೂಡ ತುಂಬ ಬೆಳವಣಿಗೆ ಆಗಲಿಲ್ಲ. ಕೋರ್ಟ್ನಿಂದ ಕೋಪದಿಂದಲೇ ಹೊರಬಂದ ಜಯಪ್ರಕಾಶ್, ಸಮೀಪದ ಮಾರ್ಕೆಟ್ಗೆ ಹೋಗಿ ಒಂದು ಗುದ್ದಲಿಯನ್ನು ತಂದ. ಆ ಗುದ್ದಲಿಯಿಂದ ಕಾರಿನ ನಾಲ್ಕೂ ಕಿಟಕಿಗಳನ್ನು ಒಡೆದಿದ್ದಾನೆ. ನಂಬರ್ ಪ್ಲೇಟ್ನ್ನು ಕಿತ್ತು ಹಾಕಿದ್ದಾನೆ.
ಇದನ್ನೂ ಓದಿ: Viral Video: ಹೆದ್ದಾರಿಯ ಸ್ವಾಗತ ಕಮಾನಿನ ಮೇಲೆ ಪುಶ್ ಅಪ್ಸ್; ಇವನು ಕುಡುಕನೋ? ಸಾಹಸಿಯೋ!
ಆತನ ಹತಾಶೆ ಮಿತಿಮೀರಿತ್ತು. ಗುದ್ದಲಿಯನ್ನು ಹಿಡಿದುಕೊಂಡು ಇಡೀ ಕಾರನ್ನು ಸುತ್ತುತ್ತಿದ್ದ. ವಿಚಾರಣೆ ನಡೆಸುತ್ತಿರುವ ಜಡ್ಜ್ಗೆ ನಿಂದಿಸುತ್ತಿದ್ದ. ಕೂಡಲೇ ಅಲ್ಲಿಯೇ ಇದ್ದ ಪೊಲೀಸರು ಅವನನ್ನು ಬಂಧಿಸಿದ್ದಾರೆ. ನ್ಯಾಯಾಲಯದ ಕೆಲಸಕ್ಕೆ ತಡೆ ಉಂಟು ಮಾಡಿದ, ಸಾರ್ವಜನಿಕ ಆಸ್ತಿಪಾಸ್ತಿಯನ್ನು ಹಾನಿ ಮಾಡಿದ ಆರೋಪದಡಿ ಜಯಪ್ರಕಾಶ್ ವಿರುದ್ಧ ಎಫ್ಐಆರ್ ದಾಖಲಾಗಿದೆ. ಡಿವೋರ್ಸ್ ಅರ್ಜಿಯನ್ನು ನ್ಯಾಯಾಧೀಶರು ಬೇಗಬೇಗ ವಿಚಾರಣೆ ನಡೆಸುತ್ತಿಲ್ಲ ಎಂದೇ ಹೀಗೆ ಕಾರು ಧ್ವಂಸ ಗೊಳಿಸಿದ್ದಾಗಿ ಆತ ಪೊಲೀಸರ ಎದುರು ಹೇಳಿಕೊಂಡಿದ್ದಾನೆ.
ದೇಶದ ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ