ಶ್ರೀನಗರ: ಅಯೋಧ್ಯೆಯಲ್ಲಿ ನಡೆಯಲಿರುವ ರಾಮ ಲಲ್ಲಾನ ಪ್ರಾಣಪ್ರತಿಷ್ಠೆ (Ram Mandir) ಕಾರ್ಯಕ್ರಮಕ್ಕೆ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿರುವ ಶಾರದಾ ಪೀಠ ಕುಂಡದಿಂದ ತೀರ್ಥವನ್ನು ಸಂಗ್ರಹಿಸಿದ್ದು ಇಸ್ಲಾಂ ಧರ್ಮಕ್ಕೆ ಸೇರಿರುವ ವ್ಯಕ್ತಿ. ಈ ಕಾರ್ಯಕ್ಕೆ ಕನ್ನಡಿಗ ಮಂಜುನಾಥ್ ಶರ್ಮಾ ಅವರು ಸಾಥ್ ಕೊಟ್ಟಿದ್ದು, ಬ್ರಿಟನ್ ಮೂಲಕ ಅದನ್ನು ಭಾರತಕ್ಕೆ ತರಲಾಗಿದೆ.
Our Manjunath Sharma ji is in Ayodhya to handover holy water of Sharda kund from Sharda peeth PoK and many rivers of J&K in pran pratishtha of Ram mandir Ayodhya. Earlier we had sent pious soil & shila for shilanyas during foundation ceremony 3 years ago to Ram mandir.
— Ravinder Pandita(Save Sharda) (@panditaAPMCC63) January 18, 2024
Jai Siya… pic.twitter.com/3ftDu9opJD
ರಾಮಮಂದಿರ ಉದ್ಘಾಟನೆಗೆ ನಾನಾ ಕ್ಷೇತ್ರಗಳ ಪವಿತ್ರ ತೀರ್ಥವನ್ನು ತರಲಾಗಿದೆ. ಆದರೆ, ಪಾಕಿಸ್ತಾನ ಆಕ್ರಮಿಸಿಕೊಂಡಿರುವ ಕಾಶ್ಮೀರದಿಂದ ತರುವುದು ಸುಲಭವಾಗಿರಲಿಲ್ಲ. 2019 ರ ಪುಲ್ವಾಮಾ ಭಯೋತ್ಪಾದಕ ದಾಳಿಯ ಬಳಿಕ ಭಾರತ ನಡೆಸಿದ ಬಾಲಕೋಟ್ ವೈಮಾನಿಕ ದಾಳಿಯ ನಂತರ ಭಾರತ ಮತ್ತು ಪಾಕಿಸ್ತಾನದ ನಡುವಿನ ಅಂಚೆ ಸೇವೆಗಳನ್ನು ಸ್ಥಗಿತಗೊಳಿಸಲಾಗಿದೆ. ಹೀಗಾಗಿ ತೀರ್ಥವನ್ನು ಸರ್ಕೀಟ್ ಮಾರ್ಗದ ತೆಗೆದುಕೊಳ್ಳಬೇಕಾಯಿತು ಎಂದು ಸೇವ್ ಶಾರದಾ ಕಮಿಟಿ ಕಾಶ್ಮೀರ (ಎಸ್ಎಸ್ಸಿಕೆ) ಸಂಸ್ಥಾಪಕ ರವೀಂದರ್ ಪಂಡಿತಾ ಹೇಳಿಕೊಂಡಿದ್ದಾರೆ.
ಪಿಒಕೆಯ ಶಾರದಾ ಪೀಠದ ಪವಿತ್ರ ನೀರನ್ನು ತನ್ವೀರ್ ಅಹ್ಮದ್ ಮತ್ತು ಅವರ ತಂಡ ಸಂಗ್ರಹಿಸಿದೆ. ಎಲ್ಒಸಿ (ನಿಯಂತ್ರಣ ರೇಖೆ) ಉದ್ದಕ್ಕೂ ನಮ್ಮ ನಾಗರಿಕ ಸಮಾಜದ ಸದಸ್ಯರು ಅದನ್ನು ಇಸ್ಲಾಮಾಬಾದ್ಗೆ ಕೊಂಡೊಯ್ದಿದ್ದಾರೆ. ಅಲ್ಲಿಂದ ಅದನ್ನು ಯುಕೆಯಲ್ಲಿರುವ ಅವರ ಮಗಳು ಮಗ್ರಿಬಿಗೆ ಕಳುಹಿಸಲಾಗಿತ್ತು. ಮಗ್ರಿಬಿ ಅವರು ಆಗಸ್ಟ್ 2023 ರಲ್ಲಿ ಅಹಮದಾಬಾದ್ಗೆ ಬಂದ ಕಾಶ್ಮೀರಿ ಪಂಡಿತ್ ಕಾರ್ಯಕರ್ತೆ ಸೋನಾಲ್ ಶೇರ್ ಅವರಿಗೆ ಹಸ್ತಾಂತರಿಸಿದ್ದರು. ಅಲ್ಲಿಂದ ಅದು ದೆಹಲಿಯಲ್ಲಿ ನನ್ನನ್ನು ತಲುಪಿತು ಎಂದು ಪಂಡಿತ ಅವರು ಹೇಳಿಕೊಂಡಿದ್ದಾರೆ.
ಭಾರತ ಮತ್ತು ಪಾಕಿಸ್ತಾನದ ನಡುವಿನ ಅಂಚೆ ಸೇವೆಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿರುವುದರಿಂದ ಪವಿತ್ರ ನೀರು ಯುರೋಪ್ ಮತ್ತು ಉಪಖಂಡಕ್ಕೆ ಪ್ರಯಾಣಿಸಬೇಕಾಯಿತು ಎಂದು ಅವರು ಹೇಳಿದರು. ಬಾಲಾಕೋಟ್ ಕಾರ್ಯಾಚರಣೆಯ ನಂತರ. ಶಾರದಾ ಸರ್ವಜ್ಞ ಪೀಠವು 1948ರಿಂದ ತೆರೆದಿಲ್ಲ ಮತ್ತು ಎಸ್ಎಸ್ಸಿಕೆ ಪಿಒಕೆಯ ನಿಯಂತ್ರಣ ರೇಖೆಯ ಉದ್ದಕ್ಕೂ ನಾಗರಿಕ ಸಮಾಜವನ್ನು ರಚಿಸಿಕೊಂಡಿದೆ.
ಇದನ್ನೂ ಓದಿ : Ram Mandir : ಅಯೋಧ್ಯೆ ಮಂದಿರ ಉದ್ಘಾಟನೆ ದಿನ ಮೀನು, ಮಾಂಸದಂಗಡಿಗಳು ಬಂದ್
ಅವರು ನಮಗೆ ಮಣ್ಣು, ಶಿಲೆಗಳನ್ನು ಕಳುಹಿಸಿಕೊಟ್ಟಿದ್ದರು. ಈಗ ಕುಂಡದಿಂದ ನೀರನ್ನು ಕಳುಹಿಸಿದ್ದಾರೆ. ಜನವರಿ 22, 2024 ರಂದು ರಾಮ ಮಂದಿರ ಪ್ರಾಣ ಪ್ರತಿಷ್ಠಾಪನೆ ಕಾರ್ಯದಲ್ಲಿ ಇದನ್ನು ಬಳಸಲಾಗುತ್ತಿದೆ ಎಂಬುದು ಹೆಮ್ಮೆಯ ವಿಷಯವಾಗಿದೆ. ಎಂದು ಅವರು ಹೇಳಿದ್ದಾರೆ.
ಎಸ್ಎಚ್ಸಿ ಸದಸ್ಯ ಹಾಗೂ ಕನ್ನಡಿಗ ಮಂಜುನಾಥ್ ಶರ್ಮಾ ಅವರು ಪವಿತ್ರ ನೀರನ್ನು ವಿಶ್ವ ಹಿಂದೂ ಪರಿಷತ್ (ವಿಎಚ್ಪಿ ) ಮುಖಂಡರಿಗೆ ಹಸ್ತಾಂತರಿಸಿದ್ದರು. ಅವರು ಅದನ್ನು ಶನಿವಾರ ಅಯೋಧ್ಯೆಯಲ್ಲಿ ಹಿರಿಯ ಕಾರ್ಯಕರ್ತ ಕೋಟೇಶ್ವರ ರಾವ್ ಅವರಿಗೆ ನೀಡಿದ್ದಾರೆ. ಪ್ರತಿಷ್ಠಾಪನಾ ಸಮಾರಂಭವನ್ನು ಆಚರಿಸಲು ಎಸ್ಎಸ್ಸಿಕೆ ಸದಸ್ಯರು ಜನವರಿ 22 ರಂದು ಕುಪ್ವಾರಾ ಜಿಲ್ಲೆಯ ತೀತ್ವಾಲ್ನ ಎಲ್ಒಸಿ ಬಳಿಯ ಶಾರದಾ ದೇವಸ್ಥಾನದಲ್ಲಿ ದೀಪಗಳನ್ನು ಬೆಳಗಿಸಲಿದ್ದಾರೆ ಎಂದು ಅವರು ಹೇಳಿದರು.