ಮುಂಬೈ: ಅಭಿಮಾನಿಗಳ ಜತೆಗೆ ಸೌಜನ್ಯದಿಂದಲೇ ವರ್ತಿಸುವ ಬಾಲಿವುಡ್ ನಟ ರಣಬೀರ್ ಕಪೂರ್ (Ranbir Kapoor) ಮೊನ್ನೆ ವ್ಯಗ್ರವಾಗಿ ವರ್ತಿಸಿದ್ದು ಸುದ್ದಿಗೆ ಗ್ರಾಸವಾಗಿದೆ. ಶನಿವಾರ ರಣಬೀರ್ ಕಪೂರ್ ಅವರು ಸ್ಟಡಿಯೋದಿಂದ ಹೊರ ಬಂದಾಗ ಅಭಿಮಾನಿಗಳು ಅವರನ್ನು ಮುತ್ತಿಕೊಂಡಿದ್ದಾರೆ. ಈ ಪೈಕಿ ಒಬ್ಬ ಅಭಿಮಾನಿ ಸೆಲ್ಫಿಗೆ ಅವಕಾಶ ಕೇಳಿದ್ದಾನೆ. ಸೆಲ್ಫಿ ಕ್ಲಿಕ್ಕಿಸಲು ಪ್ರಯತ್ನಿಸಿದಾಗ ಮತ್ತು ಅವರ ಫೋನ್‌ನಲ್ಲಿನ ಕೆಲವು ತಾಂತ್ರಿಕ ಸಮಸ್ಯೆಗಳಿಂದ ಸಾಧ್ಯವಾಗಲಿಲ್ಲ. ಆಗ ರಣಬೀರ್ ಇದ್ದಕ್ಕಿದ್ದಂತೆ ಸಿಟ್ಟಿಗೆದ್ದು ಅಭಿಮಾನಿಯ ಫೋನ್ ಕಸಿದುಕೊಂಡು, ಹಿಂದಕ್ಕೆ ಎಸೆದಿದ್ದಾರೆ. ರಣಬೀರ್ ಅವರ ಈ ವರ್ತನೆ ಸಖತ್ ಸದ್ದು ಮಾಡುತ್ತಿದೆ.
ರಣಬೀರ್ ಕಪೂರ್ ಅವರ ಈ ವರ್ತನೆ ಸೋಷಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ. ವಾಸ್ತವದಲ್ಲಿ ಅಭಿಮಾನಿಗಳ ಜತೆಗೆ ಕೂಲ್ ಆಗಿ ವರ್ತಿಸುವ ರಣಬೀರ್ ಹೀಗೇಕೆ ಆವೇಶದಿಂದ ವರ್ತಿಸಿದರು ಎಂದು ಸೋಷಿಯಲ್ ಮೀಡಿಯಾದಲ್ಲಿ ಚರ್ಚಿಸಲಾಗುತ್ತಿದೆ.
ಇದನ್ನೂ ಓದಿ: ರಣಬೀರ್ ಕಪೂರ್-ಆಲಿಯಾ ಭಟ್ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಸುಮಧುರ ಕ್ಷಣಗಳು…
ರಣಬೀರ್ ಅವರು ಅಭಿಮಾನಿಯ ಫೋನ್ ಎಸೆದ ಘಟನೆ ಸಖತ್ ವೈರಲ್ ಆಗಿದೆ. ಹಲವು ಸ್ಟಾರ್ ನಟರಿಗೆ ಈ ರೀತಿಯಾಗಿ ಅಭಿಮಾನಿಗಳು ಕಿರಿಕಿರಿ ಉಂಟು ಮಾಡಿರುವುದು ಅದಕ್ಕೆ ಅವರು ಅತಿರೇಕದಿಂದ ವರ್ತಿಸಿದ ಘಟನೆಗಳು ಆಗಾಗ ಬಾಲಿವುಡ್‌ನಲ್ಲಿ ನಡೆಯುತ್ತಲೇ ಇರುತ್ತವೆ. ಪಾಪರಾಜಿಗಳ ಜತೆ ನಟ-ನಟಿಯರು ವಾಗ್ವಾದದಲ್ಲಿ ತೊಡಗಿದ ಘಟನೆಗಳು ಆಗಾಗ ನಡೆಯುತ್ತಲೇ ಇರುತ್ತವೆ.