ಭೋಪಾಲ್: ವ್ಯಕ್ತಿಯೊಬ್ಬನ ಕುತ್ತಿಗೆಗೆ ಹಗ್ಗ ಕಟ್ಟಿ, ಥಳಿಸಿದ್ದಲ್ಲದೆ, ಅವನ ಬಳಿ ‘ನಾಯಿಯಂತೆ ಬೊಗಳು’ ಎಂದು ಹೇಳಿದ ಮೂವರ ವಿರುದ್ಧ ಮಧ್ಯಪ್ರದೇಶ ಸರ್ಕಾರ (Madhya Pradesh Government) ಕಠಿಣ ಕ್ರಮಕ್ಕೆ ಮುಂದಾಗಿದೆ. ಆರೋಪಿಗಳ ವಿರುದ್ಧ ರಾಷ್ಟ್ರೀಯ ಭದ್ರತಾ ಕಾಯ್ದೆ (NSA-National Security Act)ಯಡಿ ಪ್ರಕರಣ ದಾಖಲಿಸಲಾಗಿದೆ. ಅಷ್ಟೇ ಅಲ್ಲ, ಆರೋಪಿಗಳ ಮನೆ ಧ್ವಂಸ (Raze Houses) ಮಾಡಲು ಶೀಘ್ರವೇ ಬುಲ್ಡೋಜರ್ (Bulldozer Action)ಹೋಗಲಿದೆ ಎಂದು ಮಧ್ಯಪ್ರದೇಶ ಗೃಹ ಸಚಿವ ನರೋತ್ತಮ್ ಮಿಶ್ರಾ ಹೇಳಿದ್ದಾರೆ.
ಮೂವರು ಯುವಕರು ಸೇರಿ, ಮತ್ತೊಬ್ಬನಿಗೆ ಕುತ್ತಿಗೆಗೆ ಹಗ್ಗ ಕಟ್ಟಿದ್ದಲ್ಲದೆ, ಅವನ ಬಳಿ ನಾಯಿಯಂತೆ ಬೊಗಳುವಂತೆ ಹೇಳುತ್ತಿದ್ದ ವಿಡಿಯೊ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು. ಈ ಕೃತ್ಯವನ್ನು ತೀಕ್ಷ್ಣವಾಗಿ ಖಂಡಿಸಿರುವ ಗೃಹ ಸಚಿವ ನರೋತ್ತಮ್ ಮಿಶ್ರಾ ‘ನಾನು ವಿಡಿಯೊ ನೋಡಿದೆ. ಮನಸ್ಸಿಗೆ ತುಂಬ ಖೇದವಾಯಿತು. ಮನುಷ್ಯನನ್ನು, ಮನುಷ್ಯರೇ ಹೀಗೆ ನಡೆಸಿಕೊಳ್ಳುವುದು ಎಷ್ಟು ಸರಿ? ಈ ಘಟನೆಯನ್ನು ಗಂಭೀರವಾಗಿ ಪರಿಗಣಿಸಿದ್ದೇವೆ. ಘಟನೆ 4-5 ತಾಸಲ್ಲೇ ಆರೋಪಿಗಳನ್ನು ಅರೆಸ್ಟ್ ಮಾಡಲಾಗಇದೆ. ಇನ್ನು 24ಗಂಟೆಯಲ್ಲಿ ಅವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಭೋಪಾಲ್ ಪೊಲೀಸ್ ಆಯುಕ್ತರಿಗೆ ಸೂಚನೆ ನೀಡಿದ್ದೇನೆ ಎಂದು ತಿಳಿಸಿದ್ದಾರೆ.
Bhopal, MP| I saw that video. I felt like it is a grievous incident. Such a behavior towards a human being is highly condemnable. I have instructed Bhopal Police Commissioner to probe this incident and take action within 24 hours: Narottam Mishra, MP Home Minister, on a viral… pic.twitter.com/wdYk9jMPmF
— ANI MP/CG/Rajasthan (@ANI_MP_CG_RJ) June 19, 2023
ಮಧ್ಯಪ್ರದೇಶದಲ್ಲಿ ನಡೆದ ಈ ಘಟನೆಯ ವಿಡಿಯೊ ನೆಟ್ಟಿಗರಿಂದ ತೀವ್ರ ಟೀಕೆಗೆ ಗುರಿಯಾಗಿತ್ತು. ಅಲ್ಲೊಬ್ಬ ಯುವಕ ರಸ್ತೆ ಮೇಲೆ ಕುಕ್ಕರಗಾಲು ಹಾಕಿ ಕುಳಿತುಕೊಂಡಿದ್ದಾನೆ. ಇನ್ನು ಐವರು ಸೇರಿಕೊಂಡು ಅವನನ್ನು ಹಿಂಸೆ ಮಾಡುತ್ತಿದ್ದಾರೆ. ಅವನ ಕುತ್ತಿಗೆಗೆ ಹಗ್ಗ/ಬೆಲ್ಟ್ ಕಟ್ಟಿದ್ದಲ್ಲದೆ, ನಾಯಿಯಂತೆ ಆಡು, ನಾಯಿಯಂತೆ ಬೊಗಳು ಎಂದು ಅವನನ್ನು ಜೋರಾಗಿ ಬೈಯುತ್ತಿರುವುದು ವಿಡಿಯೊದಲ್ಲಿ ಕಾಣಿಸುತ್ತಿತ್ತು. ಅದರಲ್ಲಿ ಮೂವರು ಪ್ರಮುಖ ಪಾತ್ರ ವಹಿಸಿದ್ದರು. ಇನ್ನು ಆರೋಪಿಗಳನ್ನು ಫೈಜಾನ್, ಬಿಲಾಲ್, ಸಮೀರ್, ಮುಫಿದ್ ಮತ್ತು ಸಾಹಿಲ್ ಎಂದು ಗುರುತಿಸಲಾಗಿದ್ದು, ಇವರಿಂದ ಥಳಿತಕ್ಕೆ ಒಳಗಾದವ ವಿಜಯ್ ರಾಮಚಂದ್ರಾನಿ ಎನ್ನಲಾಗಿದೆ. ಹೀಗೆ ಮುಸ್ಲಿಮ್ ಹುಡುಗರು ಹಿಂದು ಹುಡುಗನನ್ನು ಹಿಂಸಿಸಿದ್ದು ಮತ್ತಷ್ಟು ಆಕ್ರೋಶಕ್ಕೆ ಕಾರಣವಾಗಿದೆ. ತನ್ನನ್ನು ಇಸ್ಲಾಂ ಗೆ ಮತಾಂತರ ಮಾಡಲು ಯತ್ನಿಸಿದ್ದಾರೆ, ನಾನು ಒಪ್ಪದ ಕಾರಣಕ್ಕೆ ಹೀಗೆ ಚಿತ್ರಹಿಂಸೆ ಮಾಡಿದ್ದಾರೆ ಎಂದು ವಿಜಯ್ ಪೊಲೀಸ್ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.
ಇದನ್ನೂ ಓದಿ: NIA Raid: ಮಧ್ಯಪ್ರದೇಶದಲ್ಲಿ ಐಸಿಸ್‌ ಉಗ್ರರ ಜಾಲ ಬಯಲು; ಮಸೀದಿಗಳಲ್ಲೇ ಸಂಚು ರೂಪಿಸುತ್ತಿದ್ದ ಮೂವರ ಬಂಧನ