ಮಕ್ಕಳೊಂದಿಗೆ ಹಳ್ಳಿಯಲ್ಲಿದ್ದ ಮಹಿಳೆ, ಪತಿಯ ಬರ್ತ್ ಡೇ ದಿನ ಆತನಿಗೆ ವಿಶ್ ಮಾಡಲೆಂದು ಪಟ್ಟಣದ ಮನೆಗೆ ಬಂದು, ಕೆಲವೇ ಹೊತ್ತಲ್ಲಿ ಇಬ್ಬರೂ ಮಕ್ಕಳೊಂದಿಗೆ ಆತ್ಮಹತ್ಯೆ (Woman Suicide) ಮಾಡಿಕೊಂಡಿದ್ದಾರೆ. ರಾಜಸ್ಥಾನದ ಜೋಧ್ಪುರದಲ್ಲಿ ಮಹಿಳೆ ತನ್ನಿಬ್ಬರು ಮಕ್ಕಳೊಂದಿಗೆ ಗೂಡ್ಸ್ ರೈಲಿನ ಎದುರು ಹಾರಿ ಮೃತಪಟ್ಟಿದ್ದಾರೆ. ಪತಿ ಇನ್ನೊಬ್ಬಳು ಮಹಿಳೆಯ ಸಹವಾಸಕ್ಕೆ (Illicit relationship) ಬಿದ್ದಿದ್ದೇ ಪತ್ನಿಯ ದುಃಖ-ಹತಾಶೆ ಮತ್ತು ಸಾವಿಗೆ ಕಾರಣ.
ಇಲ್ಲಿ ಮಹಿಳೆಯ ಪತಿ ಕೆಲಸದ ಕಾರಣಕ್ಕೆ ಜೋಧ್ಪುರದಲ್ಲಿ ಮನೆ ಮಾಡಿಕೊಂಡು ಇದ್ದ. ಪತ್ನಿ ಮಕ್ಕಳನ್ನು ಇಟ್ಟುಕೊಂಡು ಊರಲ್ಲೇ ಇದ್ದಳು. ಈಗೆರಡು ದಿನಗಳ ಹಿಂದೆ ಆತನ ಬರ್ತ್ ಡೇ ಇತ್ತು. ಈಕೆ ತನ್ನ ಗಂಡನಿಗೆ ಹುಟ್ಟುಹಬ್ಬಕ್ಕೆ ವಿಶ್ ಮಾಡಲೆಂದು ಫೋನ್ ಮಾಡಿದ್ದಾರೆ. ಆದರೆ ಎರಡು ಮೂರು ಬಾರಿ ಕರೆ ಮಾಡಿದರೂ ಅವನು ಸ್ವೀಕರಿಸಲಿಲ್ಲ. ಹೀಗಾಗಿ ಆಕೆ ಮಕ್ಕಳನ್ನು ಕರೆದುಕೊಂಡು ಸೀದಾ ತನ್ನ ಪತಿಯಿದ್ದಲ್ಲಿಗೇ ಬಂದಿದ್ದಾರೆ. ಹಾಗೆ ಬಂದಾಗ ಅಕ್ಷರಶಃ ಶಾಕ್ ಕಾದಿತ್ತು. ಪತಿಯಾದವನು ಪರಸ್ತ್ರೀ ಸಂಗದಲ್ಲಿ ಇದ್ದ. ಅವನ ಬರ್ತ್ ಡೇ ಆಚರಣೆಗಾಗಿ ಮನೆಯೆಲ್ಲ ಸಿಂಗರಿಸಲ್ಪಟ್ಟಿತ್ತು.
ಇದನ್ನೂ ಓದಿ: Suicide Case: ಪತಿಯ ಅನೈತಿಕ ಸಂಬಂಧದಿಂದ ಮನನೊಂದು ಡೆತ್‌ನೋಟ್‌ ಬರೆದಿಟ್ಟು ಆತ್ಮಹತ್ಯೆ ಮಾಡಿಕೊಂಡ ಪತ್ನಿ
ಪತ್ನಿ ಮೊಬೈಲ್ ಫೋನ್ ತೆಗೆದು ಇಬ್ಬರನ್ನೂ ವಿಡಿಯೊ ಮಾಡಿದ್ದಾಳೆ. ಬಾಯಿಗೆ ಬಂದಂತೆ ಬೈದಿದ್ದಾಳೆ. ತಕ್ಷಣವೇ ವಿಡಿಯೊವನ್ನು ಪತಿಯ ಕಡೆಯ ಎಲ್ಲ ಸಂಬಂಧಿಗಳಿಗೂ, ತನ್ನ ಮನೆಯವರಿಗೂ ಕಳಿಸಿದ್ದಾಳೆ. ಸಿಟ್ಟು-ಬೇಸರ-ನೋವಿನಿಂದ ಅಲ್ಲಿಂದ ಹೊರಟು, ಬಸ್ ಹತ್ತಿದ್ದಾಳೆ. ಹೀಗೆ ಹೋದವಳು ಮಾರ್ಗ ಮಧ್ಯೆಯೇ ಒಂದು ಕಡೆ ಬಸ್ನಿಂದ ಇಳಿದು, ಸಮೀಪದಲ್ಲಿರುವ ರೈಲ್ವೆ ಹಳಿ ಬಳಿ ಹೋಗಿ, ಅಲ್ಲಿ ಬರುತ್ತಿದ್ದ ಗೂಡ್ಸ್ ರೈಲಿನ ಎದುರು, ಇಬ್ಬರು ಮಕ್ಕಳ ಕೈ ಹಿಡಿದುಕೊಂಡು ಜಂಪ್ ಮಾಡಿದ್ದಾಳೆ. ಆ ಮೂವರ ಪ್ರಾಣವೂ ಹೋಗಿದೆ. ಪೊಲೀಸರು ಪ್ರಕರಣ ದಾಖಲು ಮಾಡಿಕೊಂಡು, ತನಿಖೆ ನಡೆಸುತ್ತಿದ್ದಾರೆ.
Sad kalesh fr: Wife came to wish husband on his birthday, found husband locked in room with another girl
— Ghar Ke Kalesh (@gharkekalesh) July 7, 2023
◆ Woman commits suicide by jumping in front of train with 2 sons cryingpic.twitter.com/L5ERhjrSVZ