ಈಗೀಗ ವಿಡಿಯೊ ಮಾಡುವುದು, ಫೋಟೋ ತೆಗೆಯುವುದು, ಬಳಿಕ ಅದನ್ನು ಸೋಷಿಯಲ್ ಮೀಡಿಯಾಗಳಿಗೆ ಅಪ್ಲೋಡ್ ಮಾಡುವುದೇ ಒಂದು ಟ್ರೆಂಡ್ ಆಗಿಬಿಟ್ಟಿದೆ. ಒಂದು ಮದುವೆ ಇರಲಿ, ಎಂಥದ್ದೇ ಸಮಾರಂಭ-ವಿಶೇಷ ಸನ್ನಿವೇಶ ಇರಲಿ ಅಲ್ಲಿ ಅದೆಷ್ಟೋ ಮಂದಿ ತಮ್ಮ ಮೊಬೈಲ್ಗಳಲ್ಲಿ ಕ್ಯಾಮರಾ ಆನ್ ಮಾಡಿಕೊಂಡು ಹಿಡಿದಿರುತ್ತಾರೆ. ಹಾಗೇ, ಈ ಮಹಿಳೆ ಕೂಡ ಮದುವೆ ಮನೆಯೊಂದರಲ್ಲಿ ವಧು-ವರರ ಫೋಟೋವನ್ನು ತೆಗೆಯುತ್ತಿದ್ದರು. ಆದರೆ ಅದೇ ಎಡವಟ್ಟಾಯ್ತು. ಫೋಟೋ ಸೆರೆಹಿಡಿಯುತ್ತ ಹಿಮ್ಮುಖವಾಗಿ ಬಂದ ಮಹಿಳೆ, ಚರಂಡಿಯಲ್ಲಿ ಬಿದ್ದುಹೋದರು. ನೋವಿನಿಂದ ಮುಖ ಕಿವುಚಿದರು. ಈ ವಿಡಿಯೊ ಎಲ್ಲ ಕಡೆ ವೈರಲ್ ಆಗುತ್ತಿದೆ.
ನವ ದಂಪತಿಗಳು ಬರುತ್ತಿದ್ದಾರೆ. ಅವರ ಸುತ್ತಲೂ ಒಂದಷ್ಟು ಜನ ಬಂಧುಗಳು ಇದ್ದಾರೆ. ಹಾಗೆ ಕಪ್ಪು ಬಣ್ಣದ ಉಡುಪು ತೊಟ್ಟ ಮಹಿಳೆಯೊಬ್ಬರು ಆ ಜೋಡಿಯ ಫೋಟೋಗಳನ್ನು ತೆಗೆಯುತ್ತಲೋ, ವಿಡಿಯೊ ಮಾಡುತ್ತಲೋ ಹಿಮ್ಮುಖವಾಗಿ ಬರುತ್ತಿದ್ದರು. ಆದರೆ ಅಲ್ಲೇ ಎಡವಿದರು. ಅಡ್ಡಡ್ಡ ಚಲಿಸಿದ ಅವರು, ಚರಂಡಿಗೆ ಬಿದ್ದಿದ್ದಾರೆ. ಕೂಡಲೇ ಒಂದಷ್ಟು ಜನ ಬಂದು ಅವರನ್ನು ಎತ್ತುವ ಪ್ರಯತ್ನ ಮಾಡಿದ್ದನ್ನು ವಿಡಿಯೊದಲ್ಲಿ ನೋಡಬಹುದು.
ಇದನ್ನೂ ಓದಿ: Viral Video: ಎದ್ದು ನಿಂತಿತು ಮಾರುದ್ದದ ಕಾಳಿಂಗ ಸರ್ಪ; ಭಯ ಹುಟ್ಟಿಸುವ ವಿಡಿಯೊ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್
ಮಹಿಳೆ ಬಿದ್ದಾಕ್ಷಣ ಎಲ್ಲರೂ ಆತಂಕಗೊಂಡಿಲ್ಲ. ವಧು-ವರರ ಮೆರವಣಿಗೆ ಅದರ ಪಾಡಿಗೆ ಅದು ಮುಂದೆ ಸಾಗಿತು. hyderabadi__jaan ಎಂಬ ಇನ್ಸ್ಟಾಗ್ರಾಂನಲ್ಲಿ ಶೇರ್ ಆಗಿರುವ ವಿಡಿಯೊಕ್ಕೆ 10.4 ಮಿಲಿಯನ್ಗೂ (100 ಲಕ್ಷ) ಅಧಿಕ ವೀವ್ಸ್ ಬಂದಿದೆ. ಮಹಿಳೆ ಕೆಳಗೆ ಬಿದ್ದಿರುವುದು ಆಕೆಗೆ ಭಾವನಾತ್ಮಕವಾಗಿ ಮತ್ತು ದೈಹಿಕವಾಗಿ ನೋವು ತಂದ ಕ್ಷಣ ಎಂದು ಒಬ್ಬರು ಕಮೆಂಟ್ ಮಾಡಿದ್ದಾರೆ, ಹಾಗೇ, ಆಕೆಗೆ ಇದು ಎಂದಿಗೂ ಮರೆಯಲಾಗದ ದಿನ ಎಂದು ಇನ್ನೊಬ್ಬರು ಹೇಳಿದ್ದಾರೆ.