ಮುಂಬಯಿ: ದಕ್ಷಿಣ ಆಫಿಕಾದ ಮಾಜಿ ಆಟಗಾರ ಎಬಿ ಡಿ ವಿಲಿಯರ್ಸ್(AB De Villiers) ಮೈದಾನದಲ್ಲಿ ಎಷ್ಟೊಂದು ಸರಳತೆಯ ಆಟಗಾರರೋ ನಿಜ ಜೀವನದಲ್ಲಿಯೂ ಅವರು ತುಂಬಾ ಸರಳ ವ್ಯಕ್ತಿ. ಇದಕ್ಕೆ ಸಾಕ್ಷಿ ಎಂಬಂತೆ ಎಬಿಡಿ ಮುಂಬೈನ ರಸ್ತೆ ಬದಿಯ ಗೂಡಂಗಡಿಯ ಮೆಟ್ಟಿಲಿನ ಮೇಲೆ ಕುಳಿತು ಚಹಾ ಸೇವಿಸಿದ್ದಾರೆ. ಎಬಿಡಿಯ ಈ ಸರಳತೆಗೆ ಇದೀಗ ಮೆಚ್ಚುಗೆ ವ್ಯಕ್ತವಾಗಿದೆ.
2023ರ ಐಪಿಎಲ್ನ ಆರ್ಸಿಬಿ ತಂಡದ ಮುಂದಿನ ಸಿದ್ಧತೆಗಾಗಿ ಬೆಂಗಳೂರಿಗೆ ಆಗಮಿಸಿದ ಎಬಿಡಿ ಕೆಲ ದಿನಗಳ ಹಿಂದೆ ಬೆಂಗಳೂರಿನಲ್ಲಿ ಅಭಿಮಾನಿಗಳ ಜತೆ ಕ್ರಿಕೆಟ್ ಆಡಿ ಸರಳತೆ ಮೆರೆದಿದ್ದರು. ಇದೀಗ ಮುಂಬೈ ಭೇಟಿಯ ಸಮಯದಲ್ಲಿ ರಸ್ತೆ ಬದಿಯ ಗೂಡಂಗಡಿಯ ಮೆಟ್ಟಿಲಲ್ಲಿ ಕುಳಿತು ಟೀ ಮತ್ತು ಬನ್ ತಿಂದು ಸಾಮಾನ್ಯರಲ್ಲಿ ಸಾಮಾನ್ಯರಂತೆ ಸರಳತೆ ಮೆರೆದಿದ್ದಾರೆ. ಎಬಿಡಿ ಟೀ ಮತ್ತು ಬನ್ ತಿನ್ನುವ ಈ ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಎಬಿಡಿಯ ಈ ಫೋಟೊ ಕಂಡ ಅಭಿಮಾನಿಗಳು “ಶ್ರೇಷ್ಠ ಕ್ರಿಕೆಟಿಗನಾದರೂ ನಿಮ್ಮ ಸರಳತೆಗೆ ಒಂದು ಸಲಾಂ” ಎಂದು ಟ್ವೀಟ್ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಸಚಿನ್ ಬೇಟಿಯಾದ ಎಬಿಡಿ
ಎಬಿಡಿ ಮುಂಬೈ ಪ್ರವಾಸದ ಸಂದರ್ಭದಲ್ಲಿ ಭಾರತ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡುಲ್ಕರ್ ಅವರನ್ನು ಭೇಟಿ ಮಾಡಿ ಉಭಯ ಕುಶಲೋಪರಿ ನಡೆಸಿದ್ದಾರೆ. ಬಳಿಕ ಬಾಲಿವುಡ್ ನಟ ರಣವೀರ್ ಸಿಂಗ್ ಅವರನ್ನು ಭೇಟಿ ಮಾಡಿ ಭಾರತ ಮೊದಲ ವಿಶ್ವಕಪ್ ಗೆದ್ದ ಕಥೆಯನ್ನು ಆಧರಿಸಿದ 83 ಚಿತ್ರದ ಕುರಿತಂತೆ ಚರ್ಚೆ ನಡೆಸಿದ್ದಾರೆ.
ಇದನ್ನೂ ಓದಿ | T20 Ranking | ಸೂರ್ಯ ನಂ.1 ಸ್ಥಾನ ಭದ್ರ, ಟಾಪ್ 10ನಿಂದ ಹೊರಬಿದ್ದ ವಿರಾಟ್ ಕೊಹ್ಲಿ