ಬ್ಯಾಂಕಾಕ್: ಭಾರತದ ಶಾಟ್ಪುಟ್ ತಾರೆ ತಜಿಂದರ್ ಪಾಲ್ ಸಿಂಗ್ ತೂರ್ ಅವರು ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್ಷಿಪ್ (Asian Athletics Championships) ಪ್ರಶಸ್ತಿಯನ್ನು ಉಳಿಸಿಕೊಳ್ಳುವ ಮೂಲಕ ಕಾಂಟಿನೆಂಟಲ್ ಸರ್ಕೀಟ್ನಲ್ಲಿ ತಮ್ಮ ಪಾರಮ್ಯ ಹೆಚ್ಚಿಸಿಕೊಂಡರು. ಏಷ್ಯಾ ಮಟ್ಟದ ದಾಖಲೆ ಹೊಂದಿರುವ ತೂರ್ ತಮ್ಮ ಎರಡನೇ ಎಸೆತದಲ್ಲಿ ಗುಂಡನ್ನು 20.23 ಮೀಟರ್ ದೂರಕ್ಕೆ ಎಸೆದು ಮೊದಲ ಸ್ಥಾನ ಪಡೆದುಕೊಂಡರು. ಆದರೆ ಈ ವೇಳೆ ಅವರು ನೋವಿಗೆ ಒಳಗಾಗಿ ಕುಂಟುತ್ತಾ ಹೊರ ನಡೆದರು.
Congratulations to Asian Gold Medalist Tajinder Pal Singh Toor who has qualified for Tokyo Olympics in shot put event. He achieved it with 21.49 meters throw which is an Asian record and a new National record. Our best wishes are with you. pic.twitter.com/rXZ3nOiYkr
— Capt.Amarinder Singh (@capt_amarinder) June 22, 2021
ಇರಾನ್ನ ಸಬೆರಿ ಮೆಹ್ದಿ (19.98 ಮೀ) ಮತ್ತು ಕಜಕಿಸ್ತಾನದ ಇವಾನ್ ಇವಾನೊವ್ (19.87 ಮೀ) ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕ ಗೆದ್ದುಕೊಂಡರು. 28ರ ಹರೆಯದ ತೂರ್ ಏಷ್ಯನ್ ಚಾಂಪಿಯನ್ಷಿಪ್ ಪ್ರಶಸ್ತಿಯನ್ನು ಉಳಿಸಿಕೊಂಡ ಮೂರನೇ ಶಾಟ್ಪುಟ್ ತಾರೆ ಎನಿಸಿಕೊಂಡರು. ಕತಾರ್ ನ ಬಿಲಾಲ್ ಸಾದ್ ಮುಬಾರಕ್ 1995 ಮತ್ತು 1998ರಲ್ಲಿ ಹಾಗೂ 2002 ಮತ್ತು 2003ರಲ್ಲಿ ಸತತ ಎರಡು ಬಾರಿ ಪ್ರಶಸ್ತಿ ಜಯಿಸಿದ್ದರು. ಕುವೈತ್ನ ಮೊಹಮ್ಮದ್ ಘರೀಬ್ ಅಲ್ ಜಿಂಕಾವಿ 1979, 1981 ಮತ್ತು 1983ರಲ್ಲಿ ಸತತವಾಗಿ ಮೂರು ಬಾರಿ ಪ್ರಶಸ್ತಿ ಗೆದ್ದುಕೊಂಡಿದ್ದರು.
ತೂರ್ ಅವರ ಗಾಯದ ಪ್ರಮಾಣವು ಇನ್ನೂ ತಿಳಿದಿಲ್ಲ ಆದರೆ ವಿಶ್ವ ಚಾಂಪಿಯನ್ಷಿಪ್ (ಆಗಸ್ಟ್ 17ರಿಂದ 27) ಬುಡಾಪೆಸ್ಟ್ನಲ್ಲಿ ನಡೆಯಲಿದೆ. ಅದಕ್ಕಿನ್ನು ಕೆಲವೇ ವಾರಗಳು ಬಾಕಿ ಉಳಿದಿವೆ. ಹೀಗಾಗಿ ಅವರ ಗಾಯದ ಸಮಸ್ಯೆಯು ಆತಂಕ್ಕೆ ಕಾರಣವಾಗಿದೆ. ಅವರು ತಮ್ಮ ಹೊಸ ಏಷ್ಯನ್ ದಾಖಲೆಯ 21 ಎಸೆತದೊಂದಿಗೆ ವಿಶ್ವ ಚಾಂಪಿಯನ್ ಶಿಪ್ ಗೆ ಅರ್ಹತೆ ಪಡೆದಿದ್ದರು.
ಇದನ್ನೂ ಓದಿ : Team India : ಏಷ್ಯನ್ ಗೇಮ್ಸ್ ತಂಡದಲ್ಲಿ ರೋಹಿತ್, ಕೊಹ್ಲಿಇಲ್ಲ; 5 ಪ್ರಮುಖ ಘೋಷಣೆ ಮಾಡಿದ ಬಿಸಿಸಿಐಅ
2022ರ ವಿಶ್ವ ಚಾಂಪಿಯನ್ಷಿಪ್ ಟೂರ್ನಿಯಲ್ಲೂ ತೂರ್ಗೆ ಪಾಲ್ಗೊಳ್ಳಲು ಸಾಧ್ಯವಾಗಿರಲಿಲ್ಲ. ಅವರಿಗೆ ಆ ವೇಳೆ ತೊಡೆ ಸಂದು ನೋವು ಉಂಟಾಗಿತ್ತು. ಅದೇ ಕಾರಣಕ್ಕೆ ಅವರು ಬರ್ಮಿಂಗ್ಹಮ್ ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ಪಾಲ್ಗೊಳ್ಳುವ ಅವಕಾಶವನ್ನೂ ನಷ್ಟ ಮಾಡಿಕೊಂಡಿದ್ದರು. ಟೋಕಿಯೊ ಒಲಿಂಪಿಕ್ಸ್ ಬಳಿಕ ತೂರ್ ತೋಳಿನ ಎಡ ಮಣಿಕಟ್ಟಿಗೆ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಅವರು ಶುಕ್ರವಾರ ಬ್ಯಾಂಡೇಜ್ ಹಾಕಿದ ಎಡ ಮಣಿಕಟ್ಟಿನೊಂದಿಗೆ ಭಾಗವಹಿಸಿದರು.