ಅಹ್ಮದಾಬಾದ್: ನ್ಯೂಜಿಲೆಂಡ್ ವಿರುದ್ಧ ಭಾರತ ಭರ್ಜರಿ ಗೆಲುವು ಸಾಧಿಸಿದ ಬಳಿಕ ಕ್ರಿಕೆಟ್ ಅಭಿಮಾನಿಗಳು ನವೆಂಬರ್ 19ರಂದು ಅಹ್ಮದಾಬಾದ್ನಲ್ಲಿ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯಲಿರುವ ಐಸಿಸಿ ವಿಶ್ವಕಪ್ 2023ರ (ICC World Cup 2023) ಫೈನಲ್ ಪಂದ್ಯಕ್ಕಾಗಿ ಕಾತುರದಿಂದ ಕಾಯುತ್ತಿದ್ದಾರೆ. ಅಹ್ಮದಾಬಾದ್ನಲ್ಲಿ ನಡೆಯಲಿರುವ ಐಸಿಸಿ ವಿಶ್ವಕಪ್ ಫೈನಲ್ನಲ್ಲಿ ಭಾರತವನ್ನು ಹುರಿದುಂಬಿಸಲು ಹೆಚ್ಚಿನ ಸಂಖ್ಯೆಯ ಕ್ರಿಕೆಟ್ ಅಭಿಮಾನಿಗಳು ಪ್ರಯಾಣಕ್ಕೆ ಯೋಜಿಸುತ್ತಿದ್ದಾರೆ. ಹೀಗಾಗಿ ಹೋಟೆಲ್ ದರಗಳು ಮತ್ತು ಪ್ರಯಾಣದ ಟಿಕೆಟ್ ದರಗಳಲ್ಲಿ ಅಸಾಧಾರಣ ಏರಿಕೆಯಾಗಿದೆ.
ಫೈನಲ್ಗೆ ಕೆಲವೇ ದಿನಗಳು ಇರುವುದರಿಂದ, ಸಾಮಾನ್ಯ ಹೋಟೆಲ್ ಕೊಣೆಗಳ ಬೆಲೆ ಸರಾಸರಿ ವೆಚ್ಚವು ಒಂದು ರಾತ್ರಿಗೆ ಸುಮಾರು 10,000 ರೂಪಾಯಿಯಾಗಿದೆ. ಅಹ್ಮದಾಬಾದ್ನಲ್ಲಿ 4 ಸ್ಟಾರ್ ಮತ್ತು ಫೈವ್ಸ್ಟಾರ್ ಹೋಟೆಲ್ನಲ್ಲಿ ಒಂದು ರಾತ್ರಿ ಕಳೆಯಲು 1 ಲಕ್ಷ ರೂಪಾಯಿ ನಿಗದಿಯಾಗಿದೆ.
ಹಠಾತ್ ಏರಿಕೆ
ಪಂದ್ಯ ಘೋಷಣೆಯಾದಾಗಿನಿಂದ, ನಗರದಲ್ಲಿ ವಸತಿ ಸೌಕರ್ಯಗಳ ಬೆಲೆಯಲ್ಲಿ ಹಠಾತ್ ಏರಿಕೆ ಕಂಡುಬಂದಿದೆ. ಇದಲ್ಲದೆ, ವಿಶ್ವಕಪ್ ಫೈನಲ್ ದಿನಾಂಕಗಳಿಗೆ ಅಹಮದಾಬಾದ್ಗೆ ಹೋಗುವ ವಿಮಾನ ಟಿಕೆಟ್ಗಳ ಬೆಲೆಯೂ 100 ಪಟ್ಟು ಹೆಚ್ಚಾಗಿದೆ.
ಐಸಿಸಿ ವಿಶ್ವಕಪ್ 2023 ರ ಫೈನಲ್ನಲ್ಲಿ ಭಾರತವು ತನ್ನ ಸ್ಥಾನವನ್ನು ಭದ್ರಪಡಿಸಿಕೊಳ್ಳುವ ಮೊದಲೇ ಸುಮಾರು ಒಂದು ತಿಂಗಳ ಹಿಂದೆ ಈ ಪಂದ್ಯದಲ್ಲಿ ತಮ್ಮ ಟಿಕೆಟ್ಗಳನ್ನು ಖಾತರಿಪಡಿಸಿಕೊಳ್ಳುವುದು ಭಾರತೀಯರಿಗೆ ಸವಾಲಿನ ಕೆಲಸವಾಯಿತು. ಭಾರತ ಪಾಕ್ ಪಂದ್ಯ ನಡೆದ ಅಕ್ಟೋಬರ್ನಲ್ಲಿ ಹೋಟೆಲ್ಗಳ ಬೆಲೆಯು ಒಂದು ರಾತ್ರಿಗೆ 24,000 ರೂ.ಗಳಿಂದ ರಾತ್ರಿಗೆ 2,15,000 ರೂ.ಗೆ ಏರಿಕೆಯಾಗಿತ್ತು.
ಒಂದು ರಾತ್ರಿಗೆ 10 ಸಾವಿರ
ಅಹಮದಾಬಾದ್ನಲ್ಲಿ ಸಾಮಾನ್ಯ ಹೋಟೆಲ್ ಕೊಠಡಿಯನ್ನು ಕಾಯ್ದಿರಿಸಲು, ಒಬ್ಬ ವ್ಯಕ್ತಿಯು ಒಂದು ರಾತ್ರಿಗೆ ಸುಮಾರು 10,000 ರೂ.ಗಳನ್ನು ಪಾವತಿಸಬೇಕಾಗುತ್ತದೆ. ಆದಾಗ್ಯೂ, ಫೋರ್ ಮತ್ತು 5 ಸ್ಟಾರ್ ಹೋಟೆಲ್ಗೆ ಜನರು ನಗರದಲ್ಲಿ ಒಂದು ರಾತ್ರಿಗೆ 1 ಲಕ್ಷ ರೂ.ಗಳನ್ನು ಪಾವತಿ ಮಾಡಬೇಕಾಗುತ್ತದೆ ಎಂದು ವರದಿ ಮಾಡಲಾಗಿದೆ.
ಇದನ್ನೂ ಓದಿ : MS Dhoni : ಅಜ್ಜಿ ಮನೆಗೆ ಹೋದ ಧೋನಿ ಸಿಕ್ಕಿತು ವಿಶೇಷ ಸ್ವಾಗತ, ಯಾವ ಊರು ಅದು?
ಅಹಮದಾಬಾದ್ನಲ್ಲಿ ನಡೆದ ಭಾರತ ಮತ್ತು ಪಾಕಿಸ್ತಾನ ಪಂದ್ಯದ ಸಮಯದಲ್ಲಿ ಹೋಟೆಲ್ಗಳಲ್ಲಿ ಬೆಲೆ ಏರಿಕೆ ಮತ್ತು ಬೆಲೆಗಳು ಕಂಡುಬಂದವು. ಆ ಸಮಯದಲ್ಲಿ, ಹೋಟೆಲ್ಗಳು ಮತ್ತು ಟಿಕೆಟ್ ಬೆಲೆಗಳು ಗಮನಾರ್ಹವಾಗಿ ಏರಿತು. ಬುಕ್ಮೈ ಶೋ, ಮೇಕ್ ಮೈಟ್ರಿಪ್ ಮತ್ತು ಅಗೋಡಾದಂತಹ ಹೋಟೆಲ್ ಬುಕಿಂಗ್ ಪ್ಲಾಟ್ ಫಾರ್ಮ್ ಗಳಲ್ಲಿ ಹೋಟೆಲ್ ದರದಲ್ಲಿ ಭಾರಿ ಹೆಚ್ಚಳ ಕಂಡುಬಂದಿವೆ ಎಂದು ವರದಿ ಹೇಳಿದೆ.
ಹಾಟ್ಸ್ಟಾರ್ನಲ್ಲಿ ದಾಖಲೆ ಬರೆದ ಭಾರತ-ನ್ಯೂಜಿಲ್ಯಾಂಡ್ ಸೆಮಿ ಪಂದ್ಯ
ಹಾಟ್ಸ್ಟಾರ್ನಲ್ಲಿ ದಾಖಲೆ ಬರೆದ ಭಾರತ-ನ್ಯೂಜಿಲ್ಯಾಂಡ್ ಸೆಮಿ ಪಂದ್ಯಮುಂಬಯಿ: ಭಾರತ ಮತ್ತು ನ್ಯೂಜಿಲ್ಯಾಂಡ್ ನಡುವೆ ಬುಧವಾರ ನಡೆದ ವಿಶ್ವಕಪ್ನ ಸೆಮಿಫೈನಲ್ ಪಂದ್ಯ ಡಿಜಿಟಲ್ ಲೋಕದಲ್ಲಿ ದಾಖಲೆಯೊಂದನ್ನು ಬರೆದಿದೆ. ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ನಲ್ಲಿ(Disney+ Hotstar) ಈ ಪಂದ್ಯವನ್ನು ಏಕಕಾಲಕ್ಕೆ 5.5 ಕೋಟಿ ಮಂದಿ ವೀಕ್ಷಣೆ ಮಾಡಿದ್ದಾರೆ.
ನ್ಯೂಜಿಲ್ಯಾಂಡ್ ತಂಡದ ಬ್ಯಾಟಿಂಗ್ ಸರದಿಯ ಮಧ್ಯಮ ಹಂತದಲ್ಲಿ ಈ ದಾಖಲೆ ನಿರ್ಮಾಣವಾಯಿತು. ಇದಕ್ಕೂ ಮುನ್ನ ಭಾರತದ ಅಂತಿಮ ಹಂತದ ಬ್ಯಾಟಿಂಗ್ ಅವಧಿಯಲ್ಲಿ 5.1 ಮಂದಿ ವೀಕ್ಷಿಸಿದ್ದು ದಾಖಲೆ ಎನಿಸಿತ್ತು. ಬಳಿಕ ಪಂದ್ಯ ರೋಚಕವಾಗಿ ಸಾಗಿದ ಪರಿಣಾಮ ವೀಕ್ಷಕರ ಸಂಖ್ಯೆಯಲ್ಲೂ ಹೆಚ್ಚಳವಾಗುತ್ತಾ ಸಾಗಿತು.
ಅಕ್ಟೋಬರ್ 14ರಂದು ನಡೆದಿದ್ದ ಭಾರತ ಮತ್ತು ಪಾಕಿಸ್ತಾನ ನಡುವಣ ಪಂದ್ಯ ಏಕಕಾಲಕ್ಕೆ 3.5 ಕೋಟಿ ಮಂದಿ ವೀಕ್ಷಿಸಿದ್ದರು. ಆದರೆ ಆ ಬಳಿಕ ನಡೆದ ನ್ಯೂಜಿಲ್ಯಾಂಡ್ ನಡುವಣ ಲೀಗ್ ಪಂದ್ಯ 4.3ಕೋಟಿ ವೀಕ್ಷಿಸಿ ದಾಖಲೆ ನಿಮಾರ್ಣವಾಗಿತ್ತು. ಆದರೆ ಇದೀಗ ಈ ದಾಖಲೆಯೂ ಪತನಗೊಂಡಿದೆ. ಫೈನಲ್ ಪಂದ್ಯದ ವೀಕ್ಷಣೆ ಇನ್ನೂ ಹೆಚ್ಚು ಕೋಟಿ ವೀಕ್ಷಣೆ ಕಾಣುವ ನಿರೀಕ್ಷೆ ಇದೆ.