ಬೆಂಗಳೂರು : ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್ ಸರಣಿಯ ಎರಡನೇ ಪಂದ್ಯದಲ್ಲಿ ಭಾರತ ತಂಡದ ಸೋಲು ತಪ್ಪಿಸಿದ್ದು. ಆಲ್ರೌಂಡರ್ ಆರ್ ಅಶ್ವಿನ್ ಅವರು. 145 ರನ್ಗಳ ಗೆಲುವಿನ ಗುರಿಯೊಂದಿಗೆ ಆಡಿದ ಭಾರತ ತಂಡ 74 ರನ್ಗಳಿಗೆ 7 ವಿಕೆಟ್ ಕಳೆದುಕೊಂಡಾಗ ಭಾರತದ ಪಾಳೆಯದಲ್ಲಿ ಆತಂಕ ಮನೆ ಮಾಡಿತ್ತು. ಆದರೆ, ಈ ವೇಳೆ ಬ್ಯಾಟ್ ಮಾಡಲು ಇಳಿದ ಆರ್. ಅಶ್ವಿನ್ ಚಿತ್ರಣವನ್ನೇ ಬದಲಾಯಿಸಿದರು. ಶ್ರೇಯಸ್ ಅವರ ಜತೆ ಸೇರಿದ ಅವರು ಅಜೇಯ 42 ರನ್ ಬಾರಿಸಿ ಗೆಲುವು ತಂದುಕೊಟ್ಟರು. ಈ ಮೂಲಕ ಅವರು ಪಂದ್ಯಶ್ರೇಷ್ಠ ಪುರಸ್ಕಾರವನ್ನು ತಮ್ಮದಾಗಿಸಿಕೊಂಡರು. ಈ ಗೆಲುವಿನ ರನ್ ಜತೆಗೆ ಆರ್. ಅಶ್ವಿನ್ ಟೆಸ್ಟ್ ಕ್ರಿಕೆಟ್ ವೃತ್ತಿಯಲ್ಲಿ ಹೊಸ ಮೈಲುಗಲ್ಲು ಸ್ಥಾಪಿಸಿದ್ದಾರೆ.
ಆರ್ ಅಶ್ವಿನ್ ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ ಸ್ಮರಣೀಯ ಬ್ಯಾಟಿಂಗ್ ಮಾಡುವ ಮೂಲಕ ಟೆಸ್ಟ್ ಕ್ರಿಕೆಟ್ನಲ್ಲಿ ಒಟ್ಟು 3043 ರನ್ ಬಾರಿಸಿದ ಸಾಧನೆ ಮಾಡಿದರು. ಅವರ ಖಾತೆಯಲ್ಲಿ 449 ವಿಕೆಟ್ಗಳು ಕೂಡ ಇವೆ. ಹೀಗಾಗಿ ಟೆಸ್ಟ್ ಮಾದರಿಯಲ್ಲಿ 400ಕ್ಕಿಂತ ಅಧಿಕ ವಿಕೆಟ್ ಹಾಗೂ 3000ಕ್ಕೂ ಹೆಚ್ಚು ರನ್ ಬಾರಿಸಿದ ವಿಶ್ವದ ಆರನೇ ಆಟಗಾರ ಎಂಬ ಮೈಲುಗಲ್ಲು ಸೃಷ್ಟಿಸಿದರು.
ಆರ್ ಅಶ್ವಿನ್ ಅವರು 88 ಪಂದ್ಯಗಳಲ್ಲಿ ಈ ಸಾಧನೆ ಮಾಡಿದ್ದು, ವಿಶ್ವ ಕ್ರಿಕೆಟ್ನ ಅಮೂಲ್ಯ ಆಲ್ರೌಂಡರ್ ಎನಿಸಿಕೊಂಡರು. ಅಲ್ಲದೇ ಅವರಿನ್ನೂ ಕ್ರಿಕೆಟ್ಗೆ ವಿದಾಯ ಹೇಳದ ಕಾರಣ ಇನ್ನಷ್ಟು ಸಾಧನೆ ಮಾಡಲು ಅವರಿಗೆ ಅವಕಾಶವಿದೆ.
400ಕ್ಕೂ ಅಧಿಕ ವಿಕೆಟ್, 3000ಕ್ಕೂ ಹೆಚ್ಚು ಟೆಸ್ಟ್ ಬಾರಿಸಿದವರ ಪಟ್ಟಿ ಇಂತಿದೆ
| ಆಟಗಾರ | ಪಂದ್ಯ | ರನ್ | ವಿಕೆಟ್ |
| ಸರ್ ರಿಚರ್ಡ್ ಹ್ಯಾಡ್ಲಿ(ನ್ಯೂಜಿಲ್ಯಾಂಡ್) | 86 | 3,121 | 431 |
| ಕಪಿಲ್ ದೇವ್ (ಭಾರತ) | 131 | 5,248 | 434 |
| ಶೇನ್ ವಾರ್ನ್ (ಆಸ್ಟ್ರೇಲಿಯಾ) | 145 | 3,154 | 708 |
| ಶಾನ್ ಪೊಲಾಕ್ (ದಕ್ಷಿಣ ಆಫ್ರಿಕಾ) | 108 | 3,781 | 421 |
| ಸ್ಟುವರ್ಟ್ ಬ್ರಾಡ್ (ಇಂಗ್ಲೆಂಡ್) | 159 | 3,550 | 566 |
| ಆರ್ ಅಶ್ವಿನ್ (ಭಾರತ) | 88 | 3,043 | 449 |
ಇದನ್ನೂ ಓದಿ | Team India | ಮಾಜಿ ಕೋಚ್ ರವಿ ಶಾಸ್ತ್ರಿಗೆ ಪ್ರತ್ಯುತ್ತರ ಕೊಟ್ಟ ಸ್ಪಿನ್ನರ್‌ ಆರ್ ಅಶ್ವಿನ್