ಮುಂಬಯಿ: ಆಸ್ಟ್ರೇಲಿಯಾ ವನಿತಾ ತಂಡ 5 ಪಂದ್ಯಗಳ ಟಿ20 ಸರಣಿಯನ್ನಾಡಲು ಸದ್ಯ ಭಾರತ ಪ್ರವಾಸದಲ್ಲಿದೆ. ಈಗಾಗಲೇ ಸರಣಿಯಲ್ಲಿ ಮೂರು ಪಂದ್ಯಗಳು ಮುಕ್ತಾಯ ಕಂಡಿದ್ದು ಆಸೀಸ್ 2-1 ಮುನ್ನಡೆಯಲ್ಲಿದೆ. ನಾಲ್ಕನೇ ಪಂದ್ಯ ಇಂದು (ಶನಿವಾರ ಡಿ.17) ನಡೆಯಲಿದೆ. ಈ ಮಧ್ಯೆ ಆಸ್ಟ್ರೇಲಿಯಾದ ಆಟಗಾರ್ತಿ ಅಮಾಂಡ ವೆಲ್ಲಿಂಗ್ಟನ್(Amanda Wellington) ಮೆಹಂದಿ ಹಾಕಿ ಸಂಭ್ರಮಿಸಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಭಾರತೀಯ ಸಂಸ್ಕೃತಿಯಲ್ಲಿ ಯಾವದೇ ಹಬ್ಬ ಹರಿದಿನಗಳ ಆಚರಣೆಗಳಿರಲಿ ಎಲ್ಲ ಧರ್ಮಗಳಲ್ಲೂ ಮೆಹಂದಿ ಹಚ್ಚುವುದು ಕಂಡು ಬರುತ್ತದೆ. ಇದಕ್ಕೆ ಇಂತಹದ್ದೇ ಆದ ಸೀಮಿತ ಧರ್ಮದ ಚೌಕಟ್ಟಿಲ್ಲ. ಎಲ್ಲ ಧರ್ಮಿಯರು ಮೆಹಂದಿ ತೊಡುತ್ತಾರೆ. ಈ ಮೂಲಕ ತಮ್ಮ ಆಚರಣೆಗೆ ಇನ್ನಷ್ಟು ರಂಗು ಕಲ್ಪಿಸುತ್ತಾರೆ.
ಮೆಹಂದಿ ತೊಟ್ಟ ಬಳಿಕವಂತೂ ಕೆಲವರ ಸಂಭ್ರಮವನ್ನು ವರ್ಣಿಸಲು ಸಾಧ್ಯವಿಲ್ಲ. ಆಗಸದಲ್ಲಿ ಹಾರಾಡಿದ ಹಕ್ಕಿಯಂತೆ ಎಲ್ಲರ ಬಳಿಯೂ ತಾವು ಹಚ್ಚಿದ ಮೆಹಂದಿಯ ಅಭಿಪ್ರಾಯವನ್ನು ಕೇಳಬಯಸುತ್ತಾರೆ. ಇದೀಗ ಆಸ್ಟ್ರೇಲಿಯಾದ ಮಹಿಳಾ ತಂಡದ ಆಟಗಾರ್ತಿ ಅಮಾಂಡ ವೆಲ್ಲಿಂಗ್ಟನ್ ಕೂಡ ಭಾರತದ ಪ್ರವಾಸದ ವೇಳೆ ಮುಂಬಯಿಯಲ್ಲಿ ತಮ್ಮ ಕೈಗಳಿಗೆ ಮೆಹಂದಿ ತೊಟ್ಟಿದ್ದಾರೆ.
ಅಮಾಂಡ ವೆಲ್ಲಿಂಗ್ಟನ್ ತಮ್ಮ ಕೈಗಳಿಗೆ ಮೆಹಂದಿ ಹಚ್ಚಿದ ಬಳಿಕ ತಮ್ಮ ಫೋಟೊ ಮತ್ತು ವಿಡಿಯೊವನ್ನು ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದು. “ನನ್ನ ಈ ಸಂಭ್ರಮ ಉತ್ತುಂಗದ ಹಂತದಲ್ಲಿದೆ. ಈ ಸುಂದರ ಕ್ಷಣದಲ್ಲಿ ನಾನು ನಿಮಗೆ ಹೇಗೆ ತೋರುತ್ತಿದ್ದೇನೆ” ಎಂದು ಟ್ವೀಟ್ ಮಾಡಿದ್ದಾರೆ.
ಇದನ್ನೂ ಓದಿ | INDW VS AUSW | ವನಿತಾ ಟಿ20 ; ಆಸ್ಟ್ರೇಲಿಯಾ ವಿರುದ್ಧ ಸೋತ ಭಾರತ, ಸರಣಿಯಲ್ಲಿ 2-1 ಹಿನ್ನಡೆ