ಮೊಹಾಲಿ : ಐಪಿಎಲ್‌ ಮುಂದಿನ ಆವೃತ್ತಿಗೆ ಪಂಜಾಬ್ ಕಿಂಗ್ಸ್‌ ತಂಡದ ಹೆಡ್ ಕೋಚ್ ಆಗಿ ಟ್ರೆವರ್‌ ಬೇಲಿಸ್‌ ನೇಮಕಗೊಂಡಿದ್ದಾರೆ. ಅನಿಲ್‌ ಕುಂಬ್ಳೆ ಅವರ ಗುತ್ತಿಗೆ ಅವಧಿ ಮುಕ್ತಾಯಗೊಂಡ ಹಿನ್ನೆಲೆಯಲ್ಲಿ ಹೊಸ ತರಬೇತುದಾರರನ್ನು ಫ್ರಾಂಚೈಸಿ ಘೋಷಣೆ ಮಾಡಿದೆ.
“ಪಂಜಾಬ್ ಕಿಂಗ್ಸ್‌ ತಂಡದ ಹೆಡ್ ಕೋಚ್ ಅಗಿ ನೇಮಕಗೊಂಡಿರುವುದಕ್ಕೆ ಹೆಮ್ಮೆಯಿದೆ. ಪ್ರತಿಭಾನ್ವಿತ ಆಟಗಾರರನ್ನು ಹೊಂದಿರುವ ತಂಡದಲ್ಲಿ ದೊಡ್ಡ ಮಟ್ಟದ ಯಶಸ್ಸು ಸಾಧಿಸಲು ಪಯತ್ನಿಸಲಾಗುವುದು,” ಎಂದು ಟ್ರೆವರ್‌ ತಮ್ಮ ಆಯ್ಕೆ ಕುರಿತು ಪ್ರತಿಕ್ರಿಯಿಸಿದ್ದಾರೆ.
ಟ್ರೆವರ್‌ ಬೇಲಿಸ್‌ ಅನುಭವಿ ಕೋಚ್ ಆಗಿದ್ದು ೨೦೧೯ರ ಏಕ ದಿನ ವಿಶ್ವ ಕಪ್‌ ಗೆದ್ದ ಇಂಗ್ಲೆಂಡ್ ತಂಡದ ಹೆಡ್ ಕೋಚ್ ಆಗಿದ್ದರು. ಅಂತೆಯೇ ೨೦೧೨ ಹಾಗೂ ೨೦೧೪ರಲ್ಲಿ ಐಪಿಎಲ್‌ ಗೆದ್ದ ಕೋಲ್ಕೊತಾ ನೈಟ್‌ ರೈಡರ್ಸ್‌ ತಂಡದ ಕೋಚ್ ಆಗಿಯೂ ಕಾರ್ಯನಿರ್ವಹಿಸಿದ್ದರು. ಅದೂ ಅಲ್ಲದೆ, ಅವರ ತರಬೇತಿಯಲ್ಲಿ ಪಳಗಿದ್ದ ಸಿಡ್ನಿ ಸಿಕ್ಸರ್ ತಂಡವೂ ಚಾಂಪಿಯನ್‌ ಪಟ್ಟ ಅಲಂಕರಿಸಿತ್ತು.
ಬೇಲಿಸ್‌ ಅವರು ೨೦೨೦, ೨೦೨೧ರ ಆವೃತ್ತಿಯಲ್ಲಿ ಸನ್‌ ರೈಸರ್ಸ್‌ ಹೈದರಾಬಾದ್‌ ತಂಡದ ಹೆಡ್ ಕೋಚ್ ಆಗಿಯೂ ಕಾರ್ಯನಿರ್ವಹಿಸಿದ್ದರು. ಆದರೆ ಹೆಚ್ಚಿನ ಯಶಸ್ಸು ಗಳಿಸಿರಲಿಲ್ಲ. ಅತ್ತ ಅನಿಲ್‌ ಕುಂಬ್ಳೆ ಕೋಚಿಂಗ್‌ನಲ್ಲಿ ಪಂಜಾಬ್ ಕಿಂಗ್ಸ್‌ ತಂಡ ಸತತ ಮೂರು ಬಾರಿ ಪ್ಲೇ ಆಫ್‌ ಹಂತಕ್ಕೇರಲು ವಿಫಲಗೊಂಡಿತ್ತು.
ಇದನ್ನೂ ಓದಿ | Mumbai Indians | ಮುಂದಿನ ಆವೃತ್ತಿಯ ಐಪಿಎಲ್‌ಗೆ ಮುಂಬಯಿ ಇಂಡಿಯನ್ಸ್‌ ತಂಡಕ್ಕೆ ಬೌಷರ್‌ ಕೋಚ್