ಪರ್ತ್: ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಯುವ ಆಟಗಾರ್ತಿ ಅನಾಬೆಲ್ ಸುದರ್ಲ್ಯಾಂಡ್(Annabel Sutherland) ಮಹಿಳೆಯರ ಟೆಸ್ಟ್ ಕ್ರಿಕೆಟ್(women’s Test cricket) ಇತಿಹಾಸದಲ್ಲಿ ಅತ್ಯಂತ ವೇಗದ ದ್ವಿಶತಕವನ್ನು ಬಾರಿಸಿದ ದಾಖಲೆ ಬರೆದಿದ್ದಾರೆ. ದಕ್ಷಿಣ ಆಫ್ರಿಕಾ ವಿರುದ್ಧದ(Australia Women vs South Africa Women) ಏಕೈಕ ಟೆಸ್ಟ್ನಲ್ಲಿ ಅವರು ಈ ಸಾಧನೆ ಮಾಡಿದರು.
22 ವರ್ಷದ ಸುದರ್ಲ್ಯಾಂಡ್ ಆರಂಭದಿಂದಲೇ ಬಿರುಸಿನ ಆಟಕ್ಕೆ ಒತ್ತು ನೀಡಿ 248 ಎಸೆತಗಳಲ್ಲಿ ತಮ್ಮ ದ್ವಿಶತಕವನ್ನು ಪೂರ್ತಿಗೊಳಿಸಿದರು. ಈ ವೇಳೆ ಅತ್ಯಂತ ವೇಗದ ದ್ವಿಶತಕ ದಾಖಲಿಸಿದ ಸಾಧನೆ ಮಾಡಿದರು. ಇದಕ್ಕೂ ಮೊದಲು, ಈ ದಾಖಲೆಯು ಆಸ್ಟ್ರೇಲಿಯದವರೇ ಆಗಿರುವ ಕ್ಯಾರನ್ ರೋಲ್ಟನ್ ಅವರ ಹೆಸರಿನಲ್ಲಿತ್ತು. ಅವರು 2001ರಲ್ಲಿ ಇಂಗ್ಲೆಂಡ್ ವಿರುದ್ಧ 306 ಎಸೆತಗಳಲ್ಲಿ ದ್ವಿಶತಕ ಬಾರಿಸಿದ್ದರು. ಇದೀಗ 21 ವರ್ಷಗಳ ಬಳಿಕ ಈ ದಾಖಲೆ ಪತನಗೊಂಡಿದೆ.
🚨 ANNABEL SUTHERLAND DOUBLE CENTURY! 🚨
— 7Cricket (@7Cricket) February 16, 2024
From the last ball of the session, Sutherland thumps it over mid-on to bring up the milestone in style!#AUSvSA pic.twitter.com/x9ybnlAdLp
ಈ ಪಂದ್ಯದಲ್ಲಿ ಒಟ್ಟು 256 ಎಸೆತ ಎದುರಿಸಿದ ಸುದರ್ಲ್ಯಾಂಡ್ 210 ರನ್ ಗಳಿಸಿ ನಿರ್ಗಮಿಸಿದರು. 4 ರನ್ ಬಾರಿಸುತ್ತಿದ್ದರೆ ಟೆಸ್ಟ್ನಲ್ಲಿ ವೈಯಕ್ತಿಕ ಗರಿಷ್ಠ ಮೊತ್ತ ಗಳಿಸಿದ ಆಟಗಾರ್ತಿಯರ ಪಟ್ಟಿಯಲ್ಲಿ ತನ್ನದೆ ದೇಶದ ಎಲ್ಲಿಸ್ ಪೆರ್ರಿ ದಾಖಲೆಯನ್ನು ಹಿಂದಿಕ್ಕಿ ಭಾರತದ ಮಾಜಿ ಆಟಗಾರ್ತಿ ಮಿಥಾಲಿ ರಾಜ್ ದಾಖಲೆಯನ್ನು ಸರಿಗಟ್ಟಬಹುದಿತ್ತು. ಎಲ್ಲಿಸ್ ಪೆರ್ರಿ 2017ರಲ್ಲಿ 213 ರನ್ ಗಳನ್ನು ಗಳಿಸಿದ್ದರು.
ಇದನ್ನೂ ಓದಿ Yuvraj Singh: ಯುವರಾಜ್ ಸಿಂಗ್ ಮನೆಯಿಂದ ನಗದು, ಚಿನ್ನಾಭರಣ ಕಳವು; ದೂರು ದಾಖಲಿಸಿದ ತಾಯಿ
ಸುದರ್ಲ್ಯಾಂಡ್ ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ಆಸ್ಟ್ರೇಲಿಯಾ ತಂಡ ತನ್ನ ಮೊದಲ ಇನಿಂಗ್ಸ್ನಲ್ಲಿ 9 ವಿಕೆಟ್ ಗಳ ನಷ್ಟಕ್ಕೆ 575 ರನ್ ಗಳಿಗೆ ಡಿಕ್ಲೇರ್ ಮಾಡಿತು. ಇದು ಮಹಿಳಾ ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲೇ ಗರಿಷ್ಠ ಮೊತ್ತವಾಗಿದೆ. ಮೊದಲ ಇನಿಂಗ್ಸ್ ಆರಂಭಿಸಿದ ದಕ್ಷಿಣ ಆಫ್ರಿಕಾ 76 ರನ್ಗೆ ಸರ್ವಪತನ ಕಂಡು ಇನಿಂಗ್ಸ್ ಹಿನ್ನಡೆಯೊಂದಿಗೆ ದ್ವಿತೀಯ ಇನಿಂಗ್ಸ್ ಆರಂಭಿಸಿದ್ದು 4 ವಿಕೆಟ್ ಕಳೆದುಕೊಂಡು ಸೋಲು ಖಚಿತಪಡಿಸಿದೆ.
Annabel Sutherland wrote her name into the history books ✨https://t.co/sECFcVvadK | #AUSvSA pic.twitter.com/FIPLoKRyn8
— ESPNcricinfo (@ESPNcricinfo) February 16, 2024
ಮಹಿಳಾ ಟೆಸ್ಟ್ನಲ್ಲಿ ಗರಿಷ್ಠ ವೈಯಕ್ತಿಕ ರನ್ ಗಳಿಸಿದ ಆಟಗಾರ್ತಿಯರು
1. ಕಿರಣ್ ಬಲೂಚ್ (ಪಾಕಿಸ್ತಾನ)-242 ರನ್, ವೆಸ್ಟ್ ಇಂಡೀಸ್ ವಿರುದ್ಧ (2004)
2. ಮಿಥಾಲಿ ರಾಜ್(ಭಾರತ)-214 ರನ್, ಇಂಗ್ಲೆಂಡ್ ವಿರುದ್ಧ (2002)
3. ಎಲ್ಲಿಸ್ ಪೆರ್ರಿ(ಆಸ್ಟ್ರೇಲಿಯಾ)- 213*ರನ್, ಇಂಗ್ಲೆಂಡ್ ವಿರುದ್ಧ (2017)
4. ಅನಾಬೆಲ್ ಸುದರ್ಲ್ಯಾಂಡ್(ಆಸ್ಟ್ರೇಲಿಯಾ)-210 ರನ್, ದಕ್ಷಿಣ ಆಫ್ರಿಕಾ ವಿರುದ್ಧ (2024)
5.ಕ್ಯಾರನ್ ರೋಲ್ಟನ್(ಆಸ್ಟ್ರೇಲಿಯಾ)-209 ರನ್, ಇಂಗ್ಲೆಂಡ್ ವಿರುದ್ಧ (2001)