ಬೆಂಗಳೂರು: ಪಾಕಿಸ್ತಾನ ಮತ್ತು ಶ್ರೀಲಂಕಾದಲ್ಲಿ ಹೈಬ್ರಿಡ್ ಮಾದರಿಯಲ್ಲಿ ನಡೆಯುವ ಏಷ್ಯಾಕಪ್ ಟೂರ್ನಿಗೆ(Asia Cup 2023) ಈಗಾಗಲೇ ಆತಿಥೇಯ ಪಾಕ್ ಮತ್ತು ಬಾಂಗ್ಲಾ ತಂಡಗಳು ಪ್ರಕಟಗೊಂಡಿದೆ. ಭಾರತ ತನ್ನ ತಂಡವನ್ನು(team india) ಆಗಸ್ಟ್ 15ರಂದು(August 15) ಪ್ರಕಟಿಸಲಿದೆ ಎಂದು ಬಿಸಿಸಿಐ(BCCI) ಮೂಲವೊಂದು ತಿಳಿಸಿರುವುದಾಗಿ ವರದಿಯಾಗಿದೆ.
ಏಷ್ಯಾಕಪ್ ಆಗಸ್ಟ್ 31ರಿಂದ ಸೆಪ್ಟಂಬರ್ 17ರ ತನಕ ನಡೆಯಲಿದೆ. ತಂಡ ಪ್ರಕಟಕ್ಕೆ ಆಗಸ್ಟ್ 15 ಕೊನೆಯ ದಿನವಾಗಿದೆ. ಇದೇ ದಿನ ಜಸ್ಪ್ರೀತ್ ಬುಮ್ರಾ(Jasprit Bumrah) ಸಾರಥ್ಯದ ಭಾರತ ತಂಡ ಟ್ವಿ20 ಸರಣಿಯನ್ನಾಡಲು ಐರ್ಲೆಂಡ್ಗೆ ತೆರಳಲಿದೆ. ಜತೆಗೆ ಸ್ವಾತಂತ್ರ್ಯದಿನವೂ ಆಗಿರುವುದರಿಂದ ಈ ಮಹತ್ವದ ದಿನದಂದು ಏಷ್ಯಾಕಪ್ಗೆ ತಂಡ ಪ್ರಕಟಗೊಳ್ಳಲಿದೆ ಎನ್ನಲಾಗಿದೆ.
ಗೊಂದಲದಲ್ಲಿ ಆಯ್ಕೆ ಸಮಿತಿ
ಈ ಟೂರ್ನಿಗೆ ಯಾವ ಆಟಗಾರರನ್ನು ಆಯ್ಕೆ ಮಾಡಬೇಕು ಎನ್ನುವ ವಿಚಾರದಲ್ಲಿ ಬಿಸಿಸಿಐ ಮತ್ತು ಆಯ್ಕೆ ಸಮಿತಿ ಇನ್ನೂ ಕೂಡ ಗೊಂದಲದಲ್ಲಿದೆ. ಇದಕ್ಕೆ ಕಾರಣ ಕೆ.ಎಲ್ ರಾಹುಲ್(KL Rahul) ಮತ್ತು ಶ್ರೇಯಸ್ ಅಯ್ಯರ್(Shreyas Iyer) ಅವರ ಗಾಯದ ಸಮಸ್ಯೆ. ಸದ್ಯ ಉಭಯ ಆಟಗಾರರು ಬೆಂಗಳೂರಿನ ಎನ್ಸಿಎಯಲ್ಲಿ ಪುನಶ್ಚೇತನ ಶಿಭಿರದಲ್ಲಿ ಪಾಲ್ಗೊಂಡು ಬ್ಯಾಟಿಂಗ್ ಮತ್ತು ಫೀಲಿಂಡ್ ಅಭ್ಯಾಸ ನಡೆಸುತ್ತಿದ್ದರೆ. ಆದರೆ ಅವರ ಫಿಟ್ನೆಸ್ಗೆ ಇನ್ನೂ ಕೆಲ ದಿನಗಳು ಬೇಕು ಎಂದು ಎನ್ಸಿಎ ಅಧಿಕಾರಿಗಳು ಕಳೆದ ವಾರ ಹೇಳಿದ್ದರು. ಇದರಿಂದ ಈ ಇಬ್ಬರು ಆಟಗಾರರನ್ನು ಆಯ್ಕೆ ಮಾಡುವುದೋ ಅಥವಾ ಈ ಟೂರ್ನಿಯಿಂದ ಕೈಬಿಡಬೇಕೋ ಎನ್ನುವ ಗೊಂದಲದಲ್ಲಿದೆ.
ಬುಮ್ರಾ ಫಿಟ್ನೆಸ್ ಕೂಡ ಮುಖ್ಯ
ತೀವ್ರ ಸ್ವರೂಪದ ಬೆನ್ನು ನೋವಿನ ಸಮಸ್ಯೆಗೆ ಸಿಲುಕಿ 11 ತಿಂಗಳ ಬಳಿಕ ಕ್ರಿಕೆಟ್ ಆಡಲು ಸಿದ್ಧರಾಗಿರುವ ಪ್ರಧಾನ ವೇಗು ಜಸ್ಪ್ರೀತ್ ಬುಮ್ರಾ ಅವರ ಪ್ರದರ್ಶನ ಮತ್ತು ಫಿಟ್ನೆಸ್ ಕೂಡ ಚಿಂತೆಗೀಡು ಮಾಡಿದೆ. ಐರ್ಲೆಂಡ್ ಸರಣಿಯಲ್ಲಿ ಬುಮ್ರಾ ಆಡಲಿದ್ದರೂ ಇದಕ್ಕು ಮುನ್ನ ತಂಡ ಪ್ರಕಟಿಸಬೇಕಿದೆ. ಒಂದೊಮ್ಮೆ ಬುಮ್ರಾ ಅವರನ್ನು ಆಯ್ಕೆ ಮಾಡಿ ಅವರಿಗೆ ಐರ್ಲೆಂಡ್ ವಿರುದ್ಧದ ಸರಣಿಯಲ್ಲಿ ಮತ್ತೆ ನೋವಿನ ಸಮಸ್ಯೆ ಕಂಡುಬಂದರೆ ಓರ್ವ ಆಟಗಾರ ಸೇವೆಯನ್ನೂ ಕಳೆದುಕೊಳ್ಳಬೇಕಿದೆ. ಒಟ್ಟಾರೆ ಆಯ್ಕೆ ಸಮಿತಿಗೆ ತಲೆನೋವೊಂದು ತಪ್ಪಿದ್ದಲ್ಲ.
ಇದನ್ನೂ ಓದಿ Asia Cup 2023 : ಏಷ್ಯಾ ಕಪ್, ವಿಶ್ವ ಕಪ್ನಲ್ಲಿ ಬಾಂಗ್ಲಾ ತಂಡವನ್ನು ಮುನ್ನಡೆಸಲಿದ್ದಾರೆ ಸ್ಟಾರ್ ಆಲ್ರೌಂಡರ್
ವಿಶ್ವಕಪ್ಗೂ ಮುನ್ನ ಭಾರತಕ್ಕೆ ಅಗ್ನಿ ಪರೀಕ್ಷೆ
ಏಷ್ಯಾಕಪ್ನಲ್ಲಿ 7 ಬಾರಿಯ ಚಾಂಪಿಯನ್ ಆಗಿರುವ ಭಾರತ ತಂಡಕ್ಕೆ 2023ರ ನಿರ್ಣಾಯಕ ವಿಶ್ವಕಪ್ಗೆ ಮುಂಚಿತವಾಗಿ ನಡೆಯುವ ಅಗ್ನಿಪರೀಕ್ಷೆ ಇದಾಗಿದೆ. ಇಲ್ಲಿ ತಂಡ ಯಾವ ರೀತಿ ಪ್ರದರ್ಶನ ತೋರಲಿದೆ ಎನ್ನುವುದ ಮೇಲೆ ವಿಶ್ವಕಪ್ ಭವಿಷ್ಯ ನಿರ್ಧರವಾಗಲಿದೆ. ರೋಹಿತ್ ಶರ್ಮಾ(Rohit Sharma) ಈಗಾಗಲೇ ಭಾರತ ತಂಡಕ್ಕೆ ಏಷ್ಯಾಕಪ್ ಪ್ರಶಸ್ತಿ ತಂದುಕೊಟ್ಟಿದ್ದಾರೆ. ಈ ಬಾರಿ ಗೆದ್ದರೆ ಎರಡನೇ ಪ್ರಶಸ್ತಿಯಾಗಲಿದೆ. 2018ರಲ್ಲಿ ಯುಎಇಯಲ್ಲಿ ಬಾಂಗ್ಲಾದೇಶವನ್ನು 3 ವಿಕೆಟ್ಗಳಿಂದ ಸೋಲಿಸಿ ಪ್ರಶಸ್ತಿ ಎತ್ತಿ ಹಿಡಿದಿತ್ತು. ಚೊಚ್ಚಲ ಆವೃತ್ತಿಯಲ್ಲೇ ಚಾಂಪಿಯನ್ ಪಟ್ಟ ಅಲಂಕರಿಸಿದ ಹಿರಿಮೆಯೂ ಭಾರತ ತಂಡದ್ದಾಗಿದೆ. ಈ ಬಾರಿಯೂ ಗೆದ್ದರೆ ವಿಶ್ವ ಕಪ್ನಲ್ಲಿ ಭಾರತ ತಂಡದ ಮೇಲೆ ನಿರಿಕ್ಷೆಯೊಂದನ್ನು ಮಾಡಬಹುದಾಗಿದೆ.