ಚೆನ್ನೈ: ಈಗಾಗಲೇ ಏಷ್ಯನ್ ಚಾಂಪಿಯನ್ಸ್‌ ಟ್ರೋಫಿ ಹಾಕಿ(Asian Champions Trophy Hockey) ಪಂದ್ಯಾವಳಿಯಲ್ಲಿ ಸೆಮಿಫೈನಲ್ ಪ್ರವೇಶಿಸಿರುವ ಭಾರತ ತಂಡ ಬುಧವಾರ ರಾತ್ರಿ ನಡೆದ ಅಂತಿಮ ಲೀಗ್ ಪಂದ್ಯದಲ್ಲಿ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನವನ್ನು 4-0 ಗೋಲ್ಗಳಿಂದ ಬಗ್ಗುಬಡಿದಿದೆ.(India defeated Pakistan) ಈ ಮೂಲಕ ಅಜೇಯ ಓಟವನ್ನು ಕಾಯ್ದುಕೊಂಡು ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಉಳಿಸಿಕೊಂಡಿತು. ಸೋಲು ಕಂಡ ಪಾಕಿಸ್ತಾನ ಕೂಟದಿಂದ ಹೊರಬಿದ್ದಿದೆ.
ಹರ್ಮನ್ಪ್ರೀತ್ ನಾಯಕನ ಆಟ
ಭಾರತಕ್ಕೆ ತಂಡದ ನಾಯಕ ಹರ್ಮನ್ಪ್ರೀತ್ ಸಿಂಗ್(Harmanpreet Singh) ಅವರು ಅವಳಿ ಗೋಲು ಬಾರಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಮೊದಲ ಗೋಲ್ 15ನೇ ನಿಮಿಷ ಮತ್ತು ದ್ವಿತೀಯ ಗೋಲನ್ನು 23ನೇ ನಿಮಿಷದಲ್ಲಿ ಬಾರಿಸಿದರು. ಎರಡೂ ಗೋಲುಗಳನ್ನು ಪೆನಾಲ್ಟಿ ಕಾರ್ನರ್‌ ಮೂಲಕ ಗೋಲಾಗಿ ಪರಿವರ್ತಿಸುವಲ್ಲಿ ಯಶಸ್ಸು ಕಂಡರು. ಉಳಿದ ಎರಡು ಗೋಲ್ಗಳನ್ನು ಯುವ ಡ್ರ್ಯಾಗ್‌ ಫ್ಲಿಕರ್‌ ಜುಗ್ರಾಜ್‌ ಸಿಂಗ್(36ನೇ ನಿಮಿಷ) ಮತ್ತು ಆಕಾಶ್ ದೀಪ್ ಸಿಂಗ್(55ನೇ ನಿಮಿಷದಲ್ಲಿ) ಬಾರಿಸಿದರು.
ಭಾರತವೇ ಫೇವರಿಟ್
ಭಾರತ ಈ ಟೂರ್ನಿಯಲ್ಲಿ ಇದುವರೆಗೆ ಮೂರು ಬಾರಿ ಚಾಂಪಿಯನ್‌ ಪಟ್ಟ ಅಲಂಕರಿಸಿವೆ. ಈ ಬಾರಿಯೂ ಭಾರತವೇ ಟೂರ್ನಿಯ ಫೇವರಿಟ್ ಆಗಿ ಕಾಣಿಸಿಕೊಂಡಿದೆ. ಇದಕ್ಕೆ ಕಾರಣ ಆಡಿದ ಎಲ್ಲ ಪಂದ್ಯಗಳನ್ನು ಗೆದ್ದಿರುವುದು. ಈ ಕೂಟದಲ್ಲಿ ಆಕ್ರಮಣಕಾರಿ ಆಟವಾಡುತ್ತಲೇ ಬಂದಿದೆ. ಜತೆಗೆ ಪೆನಾಲ್ಟಿ ಕಾರ್ನರ್‌ ಅವಕಾಶಗಳನ್ನು ಗೋಲಾಗಿಸುವ ಪ್ರಯತ್ನಿಸುವಲ್ಲಿ ಎಡವುತ್ತಿದ್ದ ಹರ್ಮನ್ಪ್ರೀತ್ ಸಿಂಗ್ ಪಡೆ ಪಾಕ್ ವಿರುದ್ಧದ ಪಂದ್ಯದಲ್ಲಿ ಇದನ್ನು ಸರಿಪಡಿಸಿಕೊಂಡು ಒಟ್ಟು ಪೆನಾಲ್ಟಿ ಕಾರ್ನರ್‌ ಮೂಲಕ ಮೂರು ಗೋಲ್ ಬಾರಿಸುವಲ್ಲಿ ಯಶಸ್ಸು ಕಂಡಿದೆ. ಹೀಗಾಗಿ ಈ ವಿಭಾಗದಲ್ಲಿಯೂ ಸುಧಾರಣೆ ಕಂಡಿರುವುದು ಸಂತಸದ ವಿಚಾರ.
ಇದನ್ನೂ ಓದಿ ಏಷ್ಯನ್ ಹಾಕಿ; ಕೊರಿಯಾವನ್ನು ಮಣಿಸಿ ಸೆಮಿಗೆ ಲಗ್ಗೆಯಿಟ್ಟ ಭಾರತ
ಆರ್.ಅಶ್ವಿನ್ ಮತ್ತು ಸಿಎಂ ಸ್ಟಾಲಿನ್ ಹಾಜರ್
ಈ ಪಂದ್ಯಕ್ಕೆ ಟೀಮ್ ಇಂಡಿಯಾದ ಅನುಭವಿ ಸ್ಪಿನ್ನರ್ ಆರ್. ಅಶ್ವಿನ್(Ravichandran Ashwin ) ಮತ್ತು ತಮಿಳುನಾಡು ಸಿಎಂ ಎಂ.ಕೆ ಸ್ಟಾಲಿನ್(Tamil Nadu Chief Minister MK Stalin ) ಕೂಡ ಸಾಕ್ಷಿಯಾದರು. ಪಂದ್ಯ ಆರಂಭಕ್ಕೂ ಮುನ್ನ ಉಭಯ ತಂಡಗಳ ಆಟಗಾರರಿಗೆ ಮೈದಾನಕ್ಕೆ ಬಂದು ಶುಭ ಹಾರೈಸಿದರು.
Thumping Victory! 💪
— Royal Challengers Bangalore (@RCBTweets) August 9, 2023
🇮🇳 Hockey team secured a 4⃣-0⃣ win 🆚 🇵🇰 and are table toppers as they advance to the semi-final of the #AsianChampionsTrophy 👏
📸: Hockey India #PlayBold #TeamIndia #INDvPAK pic.twitter.com/IuW1LXbabh
ಭಾರತ ಬಲಿಷ್ಠ ರಕ್ಷಣಾ ಕೋಟೆ
ಭಾರತದ ಈ ಪಂದ್ಯಕ್ಕೆ ಬಲಿಷ್ಠ ಚಕ್ರವ್ಯೂಹವನ್ನೇ ನಿರ್ಮಿಸಿತು. ಪಂದ್ಯ ಆರಂಭಗೊಂಡ ಕೆಲವೇ ನಿಮಿಷಗಳಲ್ಲಿ ಪಾಕ್ಗೆ ಪೆನಾಲ್ಟಿ ಕಾರ್ನರ್‌ ಮೂಲಕ ಗೋಲು ಬಾರಿಸುವ ಸುವರ್ಣ ಅವಕಾಶ ಲಭಿಸಿತು. ಆದರೆ ಇದನ್ನು ಕೃಷ್ಣ ಬಹದ್ದೂರ್ ಪಾಠಕ್ ತಡೆಯುವಲ್ಲಿ ಯಶಸ್ವಿಯಾದರು. ಹೀಗೆ ಹಲವು ಗೋಲು ಬಾರಿಸುವ ಅವಕಾಶ ಲಭಿಸಿದರೂ ಭಾರತದ ಬಲಿಷ್ಠ ರಕ್ಷಣಾ ಕೋಟೆಯ ಮುಂದೆ ಪಾಕ್ ಆಡ ನಡೆಯಲೇ ಇಲ್ಲ. ಕನಿಷ್ಠ ಪಕ್ಷ ಒಂದು ಗೋಲು ಕೂಡ ಬಾರಿಸಲಾಗದೆ ಹೀನಾಯ ಸೋಲು ಕಂಡರು. ಇನ್ನು ಉಭಯ ತಂಡಗಳು ಏಷ್ಯನ್ ಗೇಮ್ಸ್ನಲ್ಲಿ ಮುಖಾಮುಖಿಯಾಗಲಿವೆ.
ಸೆಮಿಯಲ್ಲಿ ಜಪಾನ್ ಎದುರಾಳಿ
ಸೆಮಿಫೈನಲ್ ಪಂದ್ಯದಲ್ಲಿ ಭಾರತ ತಂಡ ಜಪಾನ್ ಸವಾಲು ಎದುರಿಸಿದರೆ, ಮತ್ತೊಂದು ಸೆಮಿಫೈನಲ್ನಲ್ಲಿ ಮಲೇಷ್ಯಾ ಮತ್ತು ಕೊರಿಯಾ ತಂಡಗಳು ಸೆಣಸಾಟ ನಡೆಸಲಿವೆ. ಈ ಎರಡು ಪಂದ್ಯಗಳು ಶುಕ್ರವಾರ ನಡೆಯಲಿದೆ. ಭಾರತ ಲೀಗ್ನಲ್ಲಿ ಜಪಾನ್ ವಿರುದ್ಧ 1-1 ಗೋಲ್ಗಳಿಂದ ಡ್ರಾ ಮಾಡಿಕೊಂಡಿತ್ತು. ಹೀಗಾಗಿ ಸೆಮಿಫೈನಲ್ನಲ್ಲಿಯೂ ಪ್ರಬಲ ಪೈಪೋಟಿ ಏರ್ಪಡುವ ನಿರೀಕ್ಷೆಯೊಂದನ್ನು ಮಾಡಬಹುದು.
ಭಾರತ ತಂಡ
ಮಿಡ್‌ಫೀಲ್ಡರ್‌ಗಳು: ಹರ್ಮನ್ಪ್ರೀತ್ ಸಿಂಗ್(ನಾಯಕ), ಹಾರ್ದಿಕ್ ಸಿಂಗ್ (ಉಪನಾಯಕ), ಜರ್ಮನ್‌ಪ್ರೀತ್ ಸಿಂಗ್, ಸುಮಿತ್, ಜುಗರಾಜ್ ಸಿಂಗ್, ವರುಣ್ ಕುಮಾರ್, ಅಮಿತ್ ರೋಹಿದಾಸ್. ವಿವೇಕ್ ಸಾಗರ್ ಪ್ರಸಾದ್, ಮನ್‌ಪ್ರೀತ್ ಸಿಂಗ್, ನೀಲಕಂಠ ಶರ್ಮಾ ಮತ್ತು ಶಂಶೇರ್ ಸಿಂಗ್. ಫಾರ್ವರ್ಡ್‌ಗಳು: ಆಕಾಶದೀಪ್ ಸಿಂಗ್, ಮನದೀಪ್ ಸಿಂಗ್, ಗುರ್ಜಂತ್ ಸಿಂಗ್, ಸುಖಜೀತ್ ಸಿಂಗ್, ಎಸ್ ಕಾರ್ತಿ. ಗೋಲ್ ಕೀಪರ್: ಪಿ.ಆರ್ ಶ್ರೀಜೇಶ್, ಕ್ರಿಶನ್ ಬಹದ್ದೂರ್ ಪಾಠಕ್.