ಬೂಸಾನ್‌ (ರಿಪಬ್ಲಿಕ್‌ ಆಫ್ ಕೊರಿಯಾ): ಇಲ್ಲಿ ನಡೆಯುತ್ತಿರುವ ಏಷ್ಯನ್‌ ಕಬಡ್ಡಿ ಚಾಂಪಿಯನ್‌ಶಿಪ್‌ನಲ್ಲಿ(Asian Kabaddi Championship) ಹಾಲಿ ಚಾಂಪಿಯನ್‌ ಭಾರತ ಮೂರನೇ ಗೆಲುವು ದಾಖಲಿಸಿದೆ. ಬುಧವಾರ ರಾತ್ರಿ ನಡೆದೆ ಪಂದ್ಯದಲ್ಲಿ ಭಾರತ ತಂಡ ಜಪಾನ್(India vs Japan) ವಿರುದ್ಧ 62-17 ಅಂಕಗಳ ಭಾರೀ ಅಂತರದಿಂದ ಗೆಲುವು ಸಾಧಿಸಿದೆ. ಮೂಲಕ ಕೂಟದಲ್ಲಿ ಸತತ ಮೂರನೇ ಗೆಲುವು ಸಾಧಿಸಿದೆ. ಮೊದಲ ಪಂದ್ಯದಲ್ಲಿ ಕೊರಿಯಾವನ್ನು 76-13ರಿಂದ, ಬಳಿಕ ಚೈನೀಸ್‌ ತೈಪೆಯನ್ನು 53-19 ಅಂಕಗಳಿಂದ ಸೋಲಿಸಿತ್ತು.
ಆರು ವರ್ಷಗಳ ಬಳಿಕ ನಡೆಯುತ್ತಿರುವ ಈ ಏಷ್ಯನ್‌ ಕಬಡ್ಡಿ ಚಾಂಪಿಯನ್‌ಶಿಪ್‌ನಲ್ಲಿ ಒಟ್ಟು 6 ತಂಡಗಳು ಸೆಣಸಾಟ ನಡೆಸುತ್ತಿವೆ. ರೌಂಡ್‌ ರಾಬಿನ್‌ ಮಾದರಿಯ ಮುಖಾಮುಖೀಯಾಗಿದ್ದು, ಎಲ್ಲ ತಂಡಗಳು ಒಮ್ಮೆ ಎದುರಾಗುತ್ತವೆ. ಅಗ್ರ ತಂಡಗಳೆರಡು ಶುಕ್ರವಾರದ ಫೈನಲ್‌ನಲ್ಲಿ ಎದುರಾಗಲಿವೆ. ಸದ್ಯ ಭಾರತ ಅಗ್ರಸ್ಥಾನದಲ್ಲಿ ಕಾಣಿಸಿಕೊಂಡಿದ್ದು ಫೈನಲ್ ಪ್ರವೇಶ ಖಚಿತಗೊಂಡಿದೆ.
ಕೊರಿಯಾ ವಿರುದ್ಧ ಅಮೋಘ ಪ್ರದರ್ಶನ ನೀಡಿದ್ದ ಸ್ಟಾರ್ ರೈಡರ್ ಅಸ್ಲಾಮ್‌ ಇನಾಮಾದಾರ್(Aslam Inamdar) ಜಪಾನ್ ವಿರುದ್ಧವು ಉತ್ತಮ ಪ್ರದರ್ಶನ ತೋರುವ ಮೂಲಕ ತಂಡ ಗೆಲುವಿನಲ್ಲಿ ಮಹತ್ವದ ಪಾತ್ರವಹಿಸಿದರು. 10 ಅಂಕ ಕಲೆಹಾಕಿ ಮಿಂಚಿದರು. ಕಳೆದ ಪಂದ್ಯದಲ್ಲಿಯೂ ಅವರು ಸೂಪರ್ ಟೆನ್ ಸಂಪಾದಿಸಿದ್ದರು. ಭಾರತದ ರಕ್ಷಣಾ ವಿಭಾಗವೂ ಕೂಡ ಅತ್ಯಂತ ಬಲಿಷ್ಠವಾಗಿತ್ತು. ಆ್ಯಂಕಲ್ ಹೋಲ್ಡ್ಗಳ ಮೂಲಕ ಎದುರಾಳಿಗನ್ನು ಕಟ್ಟಿಹಾಕುವಲ್ಲಿ ಯಶಸ್ಸು ಸಾಧಿಸಿದರು.
ಇದನ್ನೂ ಓದಿ Kabaddi : ಹಾಕಿ ತವರೂರಲ್ಲಿ ಕಬಡ್ಡಿ ಕಲರವ; ಅಭಿಮಾನಿಗಳಿಗೆ ರಸದೌತಣ
Team 🇮🇳 registers it's 3⃣rd win at the Asian Kabaddi Championship 2023!!
— SAI Media (@Media_SAI) June 28, 2023
With a remarkable one-sided win of 62-17, Team 🇮🇳 dominated against 🇯🇵 on the field.
🆙⏭️: 🇮🇳 VS 🇮🇷
All the best folks💪🏻
Congratulations on your win against 🇯🇵🥳👏 pic.twitter.com/tyhTwUr9wo
ಪಂದ್ಯದ ಆರಂಭದಿಂದಲೇ ಭಾರತದ ಆಟಗಾರರು ಆಕ್ರಮಣಕಾರಿ ಆಟಕ್ಕೆ ಒತ್ತ ನೀಡಿದರು. ಹೀಗಾಗಿ ಮೊದಲಾರ್ಧದಲ್ಲಿ ಭಾರತ 32-6 ಅಂಕಗಳ ಮುನ್ನಡೆ ಸಾಧಿಸಿತ್ತು. ಈ ಅವಧಿಯಲ್ಲಿ ಪವನ್‌ ಸೆಹ್ರಾವತ್‌ ಸರ್ವಾಧಿಕ 6 ಅಂಕ ಗಳಿಸಿದ್ದರು. ಭಾರತ ಎದುರಾಳಿಯನ್ನು ಒಟ್ಟು 6 ಸಲ ಆಲೌಟ್‌ ಮಾಡಿತು. ಉಭಯ ತಂಡಗಳು ಸತತ 2 ಪಂದ್ಯಗಳನ್ನು ಗೆದ್ದು ಕಣಕ್ಕಿಳಿದಿದ್ದವು ಆದರೆ ಭಾರತದ ಮುಂದೆ ಜಪಾನ್ ಆಟ ನಡೆಯಲಿಲ್ಲ. ಗುರುವಾರ ನಡೆಯುವ ನಾಲ್ಕನೇ ಪಂದ್ಯದಲ್ಲಿ ಭಾರತ ಬಲಿಷ್ಠ ತಂಡವಾದ ಇರಾನ್‌ ವಿರುದ್ಧ ಅದೃಷ್ಟ ಪರೀಕ್ಷೆಗೆ ಇಳಿಯಲಿದೆ. ಈ ಸವಾಲು ಅಷ್ಟು ಸುಲಭದಿಂದ ಕೂಡಿಲ್ಲ. ಕಾರಣ ಇರಾನ್‌ ತಂಡದಲ್ಲಿ ಅನೇಕ ಸ್ಟಾರ್ ಆಟಗಾರರು ಕಾಣಿಸಿಕೊಂಡಿದ್ದಾರೆ.