ಹ್ಯಾಂಗ್ಝೌ: ಪ್ಯಾರಾ ಏಷ್ಯನ್ ಗೇಮ್ಸ್ನಲ್ಲಿ(Asian Para Games) ಭಾರತ ದಾಖಲೆಯೊಂದನ್ನು ನಿರ್ಮಿಸಿದೆ. ಟೂರ್ನಿಯಲ್ಲಿ ಇದೇ ಮೊದಲ ಬಾರಿಗೆ ಒಟ್ಟು 74 ಪದಕಗಳನ್ನು ಗೆಲ್ಲುವ ಮೂಲಕ ಹಳೆ ದಾಖಲೆಯನ್ನು ಮುರಿದಿದೆ. ಸದ್ಯ 17 ಚಿನ್ನ, 22 ಬೆಳ್ಳಿ ಮತ್ತು 33 ಕಂಚಿನ ಪದಕಗಳು ಗೆದ್ದ ಭಾರತ ಪದಕ ಪಟ್ಟಿಯಲ್ಲಿ 5ನೇ ಸ್ಥಾನದಲ್ಲಿದೆ. ಬರೋಬ್ಬರಿ 300ಕ್ಕೂ ಅಧಿಕ ಪದಕ ಗೆದ್ದಿರುವ ಚೀನಾ ಅಗ್ರಸ್ಥಾನದಲ್ಲಿದೆ.
🥇🥈🥉 History Created at the Asian Para Games! 🥉🥈🥇
— SAI Media (@Media_SAI) October 26, 2023
Witnessing India's most remarkable performance ever at the #AsianParaGames, with an astonishing 7⃣3⃣medals and still counting!
🏆💪✌️ Our incredible athletes are making our nation proud, and the Indian flag is soaring high!… pic.twitter.com/E3Hkh1d2pZ
2018ರಲ್ಲಿ ನಡೆದ ಪ್ಯಾರಾ ಏಷ್ಯನ್ ಗೇಮ್ಸ್ನಲ್ಲಿ ಭಾರತ ಒಟ್ಟು 72 ಪದಕಗಳನ್ನು ಜಯಿಸಿದ್ದು ಇದುವರೆಗೆ ದಾಖಲೆಯಾಗಿತ್ತು. ಈ ಕೂಟದಲ್ಲಿ ಭಾರತ 15 ಚಿನ್ನ, 24 ಬೆಳ್ಳಿ, 33 ಕಂಚು ಗೆದ್ದು. ಅಂಕಪಟ್ಟಿಯಲ್ಲಿ 9ನೇ ಸ್ಥಾನ ಪಡೆದಿತ್ತು.
A glorious double podium finish for 🇮🇳at the #AsianParaGames2022 🥇🥉
— SAI Media (@Media_SAI) October 26, 2023
In Men's Shot Put-F46, India secures 2 remarkable medals. Sachin Khilari strikes gold and a Games Record with a massive throw of 16.03, while @RohitHo45912288 at his Personal Best the bronze with a throw of… pic.twitter.com/pAzlu6EoXO
ಕೂಟದ ನಾಲ್ಕನೇ ದಿನವಾದ ಗುರುವಾರ ಭಾರತ ಮಿಶ್ರ 50 ಮೀ ರೈಫಲ್ಸ್ ಪ್ರೋನ್ SH-1 ಶೂಟಿಂಗ್ನಲ್ಲಿ ಚಿನ್ನ ಗೆದ್ದ ಸಾಧನೆ ಮಾಡಿತು. ಈ ಸ್ಪರ್ಧೆಯಲ್ಲಿ 247.7 ಗಮನಾರ್ಹ ಸ್ಕೋರ್‌ ಗಳಿಸಿದ ಸಿದ್ಧಾರ್ಥ ಬಾಬು ದಾಖಲೆಯನ್ನು ಬರೆದರು. ಶಾಟ್ ಪುಟ್ನಲ್ಲಿ ಭಾರತದ ಪ್ಯಾರಾ ಅಥ್ಲೀಟಿಗಳು ಅಮೋಘ ಪ್ರದರ್ಶನ ತೋರುವ ಮೂಲಕ ಚಿನ್ನ ಮತ್ತು ಕಂಚಿನ ಪದಕವನ್ನು ಜಯಿಸಿದ್ದಾರೆ. ಪುರುಷರ ಶಾಟ್ ಪುಟ್-ಎಫ್46ನಲ್ಲಿ ಸಚಿನ್ ಖಿಲಾರಿ 16.03 ಮೀ ಎಸೆತದೊಂದಿಗೆ ಚಿನ್ನ ಗೆದ್ದರೆ, ಇದೇ ವಿಭಾಗದಲ್ಲಿ ರೋಹಿತ್ ಕುಮಾರ್ 14.56 ಮೀ ಎಸೆತದೊಂದಿಗೆ ಕಂಚಿನ ಪದಕಕ್ಕೆ ಕೊರಳೊಡ್ಡಿದರು.
Indian Shooter Sidhartha Babu strikes GOLD with a scintillating performance at #AsianParaGames! 🥇🇮🇳
— SAI Media (@Media_SAI) October 26, 2023
@sid6666 secures a dazzling Gold in R6 Mixed 50m Rifles Prone SH-1, setting new Asian Para Games Record with a remarkable score of 247.7.✌️👏🔫
With this, the ace Shooter also… pic.twitter.com/QAMDfmvvmm
ಮಹಿಳಾ ಶಾಟ್ ಪುಟ್ ಎಫ್34 ವಿಭಾಗದಲ್ಲಿ ಭಾಗ್ಯಶ್ರೀ ಮಾಧವ್ರಾವ್ ಜಾಧವ್ 7.54 ಮೀ ಎಸೆತದೊಂದಿಗೆ ಬೆಳ್ಳಿ ಪದಕ ಗೆದ್ದದರು. ಪುರುಷರ ಆರ್ಚರಿ ಡಬಲ್ಸ್ – ಡಬ್ಲೂ1 ಈವೆಂಟ್ನಲ್ಲಿ ಆದಿಲ್ ಮೊಹ್ಮದ್ ಮತ್ತು ನವೀನ್ ದಲಾಲ್ ಜೋಡಿ ಕಂಚಿನ ಪದಕ ಜಯಸಿದರು.
ಇದನ್ನೂ ಓದಿ Asian Games 2023 : ಕ್ರೀಡಾಪಟುಗಳಿಗೆ ಎಲ್ಲ ಇಲಾಖೆಗಳ ಉದ್ಯೋಗದಲ್ಲಿ ಮೀಸಲು; ಸಿಎಂ ಭರವಸೆ
ಬ್ಯಾಡ್ಮಿಂಟನ್ನಲ್ಲಿ ಕಂಚು
ಪುರುಷರ ಬ್ಯಾಡ್ಮಿಂಟನ್ ಸಿಂಗಲ್ಸ್ SL – 4ನಲ್ಲಿ ಸುಕಾಂತ್ ಕದಮ್ ಶ್ರೇಷ್ಠ ಪ್ರದರ್ಶನದೊಂದಿಗೆ ಕಂಚಿನ ಪದಕವನ್ನು ಪಡೆದರು. ಮಹಿಳೆಯರ ಸಿಂಗಲ್ಸ್ ಪ್ಯಾರಾ ಬ್ಯಾಡ್ಮಿಂಟನ್ – ಎಸ್ಹೆಚ್ – 6 ಈವೆಂಟ್ನಲ್ಲಿ ನಿತ್ಯಶ್ರೀ ಕಂಚಿನ ಪದಕ ಗೆದ್ದಿದ್ದಾರೆ.
ಪುರುಷರ 100 ಮೀ ಟಿ-37 ಓಟದ ಸ್ಫರ್ಧೆಯಲ್ಲಿ ಶ್ರೇಯಾಂಶ್ ತ್ರಿವೇದಿ(12.24 ಸೆಕೆಂಡ್ಗಳಲ್ಲಿ) ಕಂಚು ಗೆದ್ದಿದರೆ, ಪುರುಷರ ಟಿ-35 100 ಮೀ ಓಟದ ಸ್ಪರ್ಧೆಯಲ್ಲಿ ನಾರಾಯಣ ಠಾಕೂರ್(14.37 ಸೆಕೆಂಡ್) ಕಂಚಿನ ಪದಕ ಜಯಿಸಿದರು. ಪ್ಯಾರಾ ಏಷ್ಯನ್ ಗೇಮ್ಸ್ ನಲ್ಲಿ ಭಾರತ ಬುಧವಾರ 6 ಚಿನ್ನ, 8 ಬೆಳ್ಳಿ, 16 ಕಂಚು ಸೇರಿ ಬರೋಬ್ಬರಿ 30 ಪದಕ ಗೆದ್ದ ಸಾಧನೆ ಮಾಡಿತ್ತು.