ಮುಂಬಯಿ : ಟೀಮ್ ಇಂಡಿಯಾದ ಆರಂಭಿಕ ಬ್ಯಾಟರ್ ಕೆ. ಎಲ್ ರಾಹುಲ್ ಹಾಗೂ ಬಾಲಿವುಡ್ ನಟ ಸುನೀಲ್ ಶೆಟ್ಟಿಯ ಪುತ್ರಿ ಅಥಿಯಾ ಶೆಟ್ಟಿಯ (Athiya Shetty, K L Rahul Wedding) ವಿವಾಹ ಜನವರಿ 23ರಂದು ಅದ್ಧೂರಿಯಾಗಿ ನಡೆಯಿತು. ರಾಹುಲ್ ಹಾಗೂ ಅಥಿಯಾ ಅಭಿಮಾನಿಗಳು ಈ ಮದುವೆಯ ಚಿತ್ರಗಳನ್ನು ನೋಡಿ ಖುಷಿಪಟ್ಟಿದ್ದರು. ಇದೀಗ ಅಥಿಯಾ ತಮ್ಮ ಮದುವೆಗೆ ಮೊದಲ ದಿನ ನಡೆದ ಅರಶಿನ ಶಾಸ್ತ್ರದ ಚಿತ್ರಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಪ್ರಕಟಿಸಿದ್ದಾರೆ.
ಸುನೀಲ್ ಶೆಟ್ಟಿಯ ಖಂಡಲಾ ಫಾರ್ಮ್ಹೌಸ್ನಲ್ಲಿ ಮದುವೆ ನಡೆದಿತ್ತು. ಹತ್ತಿರದ ಬಂಧುಗಳು ಮಾತ್ರ ಮದುವೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. ಅವರಿಬ್ಬರ ವಿವಾಹದ ಚಿತ್ರಗಳು ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ಓಡಾಡುತ್ತಿದ್ದರೂ ಅರಶಿನ ಶಾಸ್ತ್ರದ ಚಿತ್ರಗಳು ಸಿಕ್ಕಿರಲಿಲ್ಲ. ಇದೀಗ ಆ ಚಿತ್ರಗಳೂ ಸಿಕ್ಕಿವೆ.
ಇದನ್ನೂ ಓದಿ : Athiya-KL Rahul Wedding | ಅಥಿಯಾ ಶೆಟ್ಟಿ ಮದುವೆ ಲೆಹೆಂಗಾ ಮಾಡುವುದಕ್ಕೆ ತಗಲಿದ್ದು ಬರೋಬ್ಬರಿ 10,000 ಗಂಟೆಗಳು!
ಅರಶಿನ ಶಾಸ್ತ್ರದ ಚಿತ್ರಗಳೂ ಆಕರ್ಷಕವಾಗಿದ್ದು ಅಥಿಯಾ ಶೆಟ್ಟಿ (Athiya Shetty) ಹಾಗೂ ಕೆ. ಎಲ್ ರಾಹುಲ್ (K L Rahul) ಇಬ್ಬರೂ ಸುಂದರ ನಗುವನ್ನು ಬೀರಿದ್ದಾರೆ. ಮತ್ತೊಂದು ಚಿತ್ರದಲ್ಲಿ ಅಥಿಯಾ ಅರಶಿನವನ್ನು ತನ್ನ ಸಹೋದರ ಅಹಾನ್ ಶೆಟ್ಟಿಯ ಮುಖಕ್ಕೆ ಹಚ್ಚುತ್ತಿದ್ದಾರೆ.