ಮೆಲ್ಬೋರ್ನ್: ಆಸ್ಟ್ರೇಲಿಯಾ ಹಾಗೂ ದಕ್ಷಿಣ ಆಫ್ರಿಕಾ(AUS VS SA) ವಿರುದ್ಧ ಎಂಸಿಜಿಯಲ್ಲಿ ನಡೆಯುತ್ತಿರುವ ದ್ವಿತೀಯ ಟೆಸ್ಟ್ ಪಂದ್ಯದ ವೇಳೆ ಕ್ಯಾಮೆರಮನ್ ದೊಡ್ಡ ಎಡವಟ್ಟೊಂದನ್ನು ಮಾಡಿದ್ದಾರೆ. ಈ ತಪ್ಪಿಗೆ ಅವರಿಗೆ ಗೇಟ್ ಪಾಸ್ ನೀಡಲಾಗಿದೆ.
ದ್ವಿತೀಯ ಟೆಸ್ಟ್ ಪಂದ್ಯದ ಮೂರನೇ ದಿನ ದಕ್ಷಿಣ ಆಫ್ರಿಕಾ ತಂಡದ ಅನ್ರಿಚ್ ನೋರ್ಜೆ ಫೀಲ್ಡಿಂಗ್ ನಡೆಸುತಿದ್ದರು. ಇದೇ ವೇಳೆ ವೇಗವಾಗಿ ಬಂದ ಸ್ಪೈಡರ್ ಕ್ಯಾಮ್ ನೋರ್ಜೆಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಅವರು ಮೈದಾನದಲ್ಲೇ ಕುಸಿದು ಬಿದ್ದಿದ್ದಾರೆ. ಈ ಪ್ರಮಾದಕ್ಕೆ ಕ್ಯಾಮೆರಮನ್ಗೆ ಪಂದ್ಯದಿಂದ ಗೇಟ್ ಪಾಸ್ ನೀಡಲಾಗಿದೆ.
ಈ ಘಟನೆ ಬಳಿಕ ಪಂದ್ಯದ ಅಧಿಕೃತ ಪ್ರಸಾರಕರು ನೋರ್ಜೆ ಹಾಗೂ ದಕ್ಷಿಣ ಆಫ್ರಿಕಾ ತಂಡದ ಜತೆ ಕ್ಷಮೆಯಾಚಿಸಿದ್ದಾರೆ. “ಇದು ಅಪರೇಟರ್ ನಿಂದ ಆಗಿರುವ ಪ್ರಮಾದವಾಗಿದ್ದು, ಈ ತಪ್ಪಿಗೆ ಕ್ಷಮೆಯಾಚಿಸುತ್ತೇವೆ” ಎಂದು ಅಧಿಕೃತ ಪ್ರಸಾರಕ ಫಾಕ್ಸ್ ಸ್ಪೋಟ್ಸ್ ತಿಳಿಸಿದೆ.
ಕ್ಯಾಮೆರಾ ಬಡಿದ ಬಳಿಕ ಪ್ರತಿಕ್ರಿಕೆ ನೀಡಿದ ನೋರ್ಜೆ, ನನ್ನ ಬಲ ಭುಜ ಹಾಗೂ ಮೊಣಕೈಗೆ ಕ್ಯಾಮೆರ ಡಿಕ್ಕಿ ಹೊಡೆದರೂ ನಾನು ಆರೋಗ್ಯವಾಗಿದ್ದೇನೆ. ಇದು ಆಕಸ್ಮಿಕವಾಗಿ ಸಂಭವಿಸಿದ ಘಟನೆಯಾಗಿದೆ. ಈ ಬಗ್ಗೆ ಯಾವುದೇ ಬೇಸರವಿಲ್ಲ ಎಂದು ನೋರ್ಜೆ ಖಚಿತಪಡಿಸಿದ್ದಾರೆ.
ಇದನ್ನೂ ಓದಿ | AUS VS SA | ದ್ವಿಶತಕ ಬಾರಿಸಿ ನೂರನೇ ಪಂದ್ಯವನ್ನು ಸ್ಮರಣೀಯಗೊಳಿಸಿದ ಡೇವಿಡ್ ವಾರ್ನರ್