AUS vs WI: ವಿಂಡೀಸ್​ ಆಟಗಾರನ ಕಾಲಿನ ಬೆರಳು ಮುರಿದ ಮಿಚೆಲ್ ಸ್ಟಾರ್ಕ್; ವಿಡಿಯೊ ವೈರಲ್​

ಬ್ರಿಸ್ಬೇನ್: ಇಲ್ಲಿ ನಡೆಯುತ್ತಿರುವ ಟೆಸ್ಟ್​ ಪಂದ್ಯದಲ್ಲಿ ಆಸ್ಟ್ರೇಲಿಯಾದ(AUS vs WI) ಘಾತಕ ವೇಗಿ ಮಿಚೆಲ್ ಸ್ಟಾರ್ಕ್(Mitchell Starc) ಅವರು ವೆಸ್ಟ್​ ಇಂಡೀಸ್​ ತಂಡದ ಆಟಗಾರನ ಕಾಲಿನ ಬೆರಳನ್ನು ಮುರಿದ ಘಟನೆ ನಡೆದಿದೆ. ಶಮರ್ ಜೋಸೆಫ್(Shamar Joseph)​ ಬೆರಳು ಮುರಿತಕ್ಕೊಳಗಾದ ಆಟಗಾರ.

ಗಾಬಾದಲ್ಲಿ ನಡೆಯುತ್ತಿರುವ ಈ ಟೆಸ್ಟ್​ ಪಂದ್ಯ ವೆಸ್ಟ್ ಇಂಡೀಸ್‌ನ ಎರಡನೇ ಇನ್ನಿಂಗ್ಸ್‌ನ 73ನೇ ಓವರ್‌ನಲ್ಲಿ ಈ ಘಟನೆ ನಡೆದಿದೆ. ಕೊನೆಯ ಕ್ರಮಾಂಕದಲ್ಲಿ ಆಡಲಿಳಿದ ಶಮರ್ ಜೋಸೆಫ್ ಮೂರು ರನ್​ ಗಳಿಸಿ ಬ್ಯಾಟಿಂಗ್​ ನಡೆಸುತ್ತಿದ್ದರು. ಈ ವೇಳೆ ಸ್ಟಾರ್ಕ್ ಯಾರ್ಕರ್​ ಎಸೆತವೊಂದನ್ನು ಎಸೆದರು. ಇದು ನೇರವಾಗಿ ಶಮರ್ ಜೋಸೆಫ್ ಕಾಲಿಗೆ ಬಡಿಯಿತು. ತಕ್ಷಣ​ ನೋವಿನಿಂದ ನರಳಿದ ಅವರು ಶೂಗಳನ್ನು ತೆಗೆದು ಮೈದಾನದಲ್ಲೇ ಮಲಗಿದರು.

ಗಾಯಗೊಂಡ ಜೋಸೆಫ್​ಗೆ ಫಿಸಿಯೋ ಪ್ರಥಮ ಚಿಕಿತ್ಸೆ ನೀಡಿದರು. ಆದರೆ, ಗಾಯದ ಪರಿಣಾಮ ಗಂಭೀರವಾಗಿ ಎದು ನಿಲ್ಲಲಾಗ ಕಾರಣ ಜೋಸೆಫ್ ರಿಟೈರ್ಡ್​ ಹರ್ಟ್​ ಆಗಿ ಕುಂಟುತಾ ಮೈದಾನ ತೊರೆದರು. ಅವರನ್ನು ಸಹ ಆಟಗಾರರು ಭುಜದ ಬಲದಿಂದ ಮೈದಾನದಿಂದ ಡ್ರೆಸ್ಸಿಂಗ್​ ರೂಮ್​ಗೆ ಕರೆ ತಂದರು.

ಇದನ್ನೂ ಓದಿ IND vs ENG: ಬೆನ್ ಸ್ಟೋಕ್ಸ್ ಕ್ಲೀನ್​ ಬೌಲ್ಡ್​ ಮಾಡಿ ಕಪಿಲ್​ ದೇವ್ ದಾಖಲೆ ಸರಿಗಟ್ಟಿದ ಅಶ್ವಿನ್

See more

Shamar Joseph has to retire hurt after this toe-crusher from Mitch Starc!

Australia need 216 to win #AUSvWI pic.twitter.com/3gAucaEfwg

— cricket.com.au (@cricketcomau) January 27, 2024

ನೋಬಾಲ್​ ಎಸೆದ ಸ್ಟಾರ್ಕ್​

ಸ್ಟಾರ್ಕ್​ ಅವರ ಈ ಎಸೆತ ನೋ ಬಾಲ್​ ಆಗಿತ್ತು. ಆಸ್ಟ್ರೇಲಿಯಾ ತಂಡ ಎಲ್‌ಬಿಡಬ್ಲ್ಯುಗಾಗಿ ಮನವಿ ಮಾಡಿದ ವೇಳೆ ಅಂಪೈರ್​ ನೋ ಬಾಲ್​ ನೀಡಿದರು. ಔಟ್​ನಿಂದ ಪಾರಾದ ಜೋಸೆಫ್ ಗಾಯದಿಂದ ಪಾರಾಗಲು ಸಾಧ್ಯವಾಗಲಿಲ್ಲ. ಅವರ ಬೆರಳು ಮುರಿತಗೊಂಡಿದೆ ಎಂದು ವಿಂಡೀಸ್​ನ ಫಿಸಿಯೊ ತಿಳಿಸಿದ್ದಾರೆ.

ಆಸ್ಟ್ರೇಲಿಯಾ ತಂಡಕ್ಕೆ ಈ ಪಂದ್ಯ ಗೆಲ್ಲಲು ಇನ್ನು 156 ರನ್​ಗಳ ಅತ್ಯವಿದೆ. ಸದ್ಯ ಆಸ್ಟ್ರೇಲಿಯಾ ದ್ವಿತೀಯ ಇನಿಂಗ್ಸ್​ನಲ್ಲಿ 60 ರನ್​ಗೆ 2 ವಿಕೆಟ್​ ಕಳೆದುಕೊಂಡು ನಾಲ್ಕನೇ ದಿನಕ್ಕೆ ಬ್ಯಾಟಿಂಗ್​ ಕಾಯ್ದುಕೊಂಡಿದೆ. ಸ್ಟೀವನ್​ ಸ್ಮಿತ್​(33) ಮತ್ತು ಕ್ಯಾಮರೂನ್​ ಗ್ರೀನ್​(9) ರನ್​ ಗಳಿಸಿ ಕ್ರೀಸ್​ನಲ್ಲಿದ್ದಾರೆ. ಮೊದಲ ಇನಿಂಗ್ಸ್​ನಲ್ಲಿ 311 ರನ್​ಗಳಿಸಿದ್ದ ವಿಂಡೀಸ್​ ದ್ವಿತೀಯ ಇನಿಂಗ್ಸ್​ನಲ್ಲಿ ಬ್ಯಾಟಿಂಗ್​ ಮರೆತವರಂತೆ ಆಡಿ 193ರನ್​ಗೆ ಸರ್ವಪತನ ಕಂಡಿತು.

ಅಡಿಲೇಡ್ ಓವಲ್​ನಲ್ಲಿ ನಡೆದ ಮೊದಲ ಟೆಸ್ಟ್​ನಲ್ಲಿ ಪ್ಯಾಟ್ ಕಮಿನ್ಸ್ ನೇತೃತ್ವದ ತಂಡವು ವೆಸ್ಟ್ ಇಂಡೀಸ್ ವಿರುದ್ಧ 10 ವಿಕೆಟ್​ಗಳ ಭರ್ಜರಿ ಗೆಲುವು ಸಾಧಿಸಿತು. ತವರು ತಂಡವು 2 ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿ ಇದೀಗ ದ್ವಿತೀಯ ಪಂದ್ಯವನ್ನು ಗೆದ್ದು ಸರಣಿಯನ್ನು ಕ್ಲೀನ್​ ಸ್ವೀಪ್​ ಮಾಡುವ ಹಂತದಲ್ಲಿದೆ. ಪ್ರಸ್ತುತ ಡಬ್ಲ್ಯುಟಿಸಿ ಪಾಯಿಂಟ್ಸ್ ಟೇಬಲ್​ನಲ್ಲಿ ಅಗ್ರಸ್ಥಾನದಲ್ಲಿರುವ ಆಸೀಸ್​ ಅಂತಿಮ ಪಂದ್ಯ ಗೆದ್ದರೆ ತನ್ನ ಅಗ್ರಸ್ಥಾನವನ್ನು ಮತ್ತಷ್ಟು ಗಟ್ಟಿಗೊಳಿಸಲಿದೆ. ಟೆಸ್ಟ್​ ಮುಗಿದ ಬಳಿಕ ಉಭಯ ತಂಡಗಳು ತಲಾ ಮೂರು ಪಂದ್ಯಗಳ ಏಕದಿನ ಮತ್ತು ಟಿ20 ಸರಣಿಯಲ್ಲಿ ಪಾಲ್ಗೊಳ್ಳಲಿವೆ.