ಅಡಿಲೇಡ್ : ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ ಸರಣಿಯ ವೇಳೆ ತಂಡದ ನೇತೃತ್ವ ವಹಿಸಿದ್ದ ಸ್ಟೀವ್ ಸ್ಮಿತ್ (Steve Smith) ಅವರು ಹರಿದ ಟೋಪಿ ಧರಿಸಿಕೊಂಡು ಮೈದಾನಕ್ಕೆ ಬಂದ ವಿಷಯ ಚರ್ಚೆಗೆ ಕಾರಣವಾಗಿತ್ತು. ಆದರೆ, ತಮ್ಮ ಪರಿಸ್ಥಿತಿಗೆ ಇಲಿಯೇ ಕಾರಣ ಎಂಬುದಾಗಿ ಅವರು ಹೇಳಿಕೊಂಡಿದ್ದಾರೆ.
ಕಾಯಂ ನಾಯಕ ಪ್ಯಾಟ್ ಕಮಿನ್ಸ್ ಗಾಯಗೊಂಡ ಹಿನ್ನೆಲೆಯಲ್ಲಿ ಸ್ಮಿತ್ ಎರಡನೇ ಟೆಸ್ಟ್ ಪಂದ್ಯದಲ್ಲಿ ತಂಡವನ್ನು ಮುನ್ನಡೆಸಿದ್ದರು. ಈ ವೇಳೆ ಅವರ ಬ್ಯಾಗಿ ಗ್ರೀನ್ ಟೋಪಿ ಹರಿದು ಹೋಗಿತ್ತು. ಬ್ಯಾಗಿ ಗ್ರೀನ್ ಟೋಫಿ ಆಸ್ಟ್ರೇಲಿಯಾ ಕ್ರಿಕೆಟಿಗರಿಗೆ ಲಭಿಸುವ ಅತ್ಯಂತ ದೊಡ್ಡ ಗೌರವ ಎಂದು ಹೇಳಲಾಗುತ್ತದೆ. ಅದಕ್ಕೆ ಸ್ಮಿತ್ ಅಗೌರವ ತೋರಿದ್ದಾರೆ ಎಂದು ಆರೋಪ ಮಾಡಲಾಗಿತ್ತು.
ಇದರಲ್ಲಿ ನಮ್ಮದೇನೂ ತಪ್ಪು ಇಲ್ಲ ಎಂಬುದಾಗಿ ಸ್ಟೀವ್ ಸ್ಮಿತ್ ಹೇಳಿದ್ದಾರೆ. ಶ್ರೀಲಂಕಾ ಪ್ರವಾಸದಲ್ಲಿರುವಾಗ ಡ್ರೆಸಿಂಗ್ ರೂಮ್ನಲ್ಲಿ ಕ್ಯಾಪ್ ಬಿಟ್ಟು ಹೋಗಿದ್ದೆ. ಇಲಿ ಅದನ್ನು ಕಡಿದು ಹಾಕಿತ್ತು. ಈ ರೀತಿಯಾಗಿ ಅದು ಹಾಳಾಗಿದೆ ಎಂಬುದಾಗಿ ಸ್ವೀಟ್ ಸ್ಮಿತ್ ಹೇಳಿದ್ದಾರೆ.
ಆಸ್ಟ್ರೇಲಿಯಾ ತಂಡ ಪ್ರವಾಸ ವಿದೇಶಕ್ಕೆ ಪ್ರವಾಸ ಹೋಗುವ ಹೊಸ ಬ್ಯಾಗಿ ಕ್ಯಾಪ್ ಅನ್ನು ಕ್ರಿಕೆಟ್ ಆಸ್ಟ್ರೇಲಿಯಾ ನೀಡುತ್ತದೆ. ಮುಂದಿನ ಪ್ರವಾಸ ತನಕ ಅದನ್ನು ಉಳಿಸಿಕೊಳ್ಳಬೇಕಾಗುತ್ತದೆ.
ಇದನ್ನೂ ಓದಿ| 18 ತಿಂಗಳ ಬಳಿಕ ಶತಕ ಬಾರಿಸಿದ ಸ್ಟೀವ್ ಸ್ಮಿತ್, ಕೊಹ್ಲಿ ಶತಕ ಎಂದು?