ಮುಂಬಯಿ: ಭಾರತ ಕ್ರಿಕೆಟ್ ತಂಡದ ಆಟಗಾರರೆಲ್ಲರೂ ಸದ್ಯ ಐಪಿಎಲ್ನಲ್ಲಿ ಬ್ಯುಸಿಯಾಗಿದ್ದಾರೆ. ಕೋಚಿಂಗ್ ವಿಭಾಗವನ್ನು ಹೊರತುಪಡಿಸಿ ಉಳಿದೆಲ್ಲರೂ ತಮ್ಮ ತಮ್ಮ ಫ್ರಾಂಚೈಸಿಗಳಿಗಾಗಿ ಆಡುತ್ತಿದ್ದಾರೆ. ಏತನ್ಮಧ್ಯೆ, ಮುಂದಿನ ಸೆಪ್ಟೆಂಬರ್ನಲ್ಲಿ ನಡೆಯಲಿರುವ ಏಷ್ಯನ್ ಗೇಮ್ಸ್ಗೆ ತಂಡಗಳನ್ನು ಕಳುಹಿಸಲು ಬಿಸಿಸಿಐ ಒಪ್ಪಿಲ್ಲ ಎಂಬ ಆರೋಪ ಕೇಳಿ ಬಂದಿದೆ. ಆದರೆ, ಇದರಲ್ಲಿ ನಮ್ಮದೇನೂ ತಪ್ಪಿಲ್ಲ ಕೊನೇ ಹಂತದಲ್ಲಿ ಮಾಹಿತಿ ನೀಡಿದ ಕಾರಣ ತಂಡವನ್ನು ಕಳುಹಿಸಲು ಸಾಧ್ಯವಾಗಿಲ್ಲ ಎಂಬುದಾಗಿ ಬಿಸಿಸಿಐ ಪ್ರತಿಕ್ರಿಯೆ ಕೊಟ್ಟಿದೆ.
ಚೀನಾದ ಆತಿಥ್ಯದಲ್ಲಿ ಹ್ಯಾಗ್ಜೊದಲ್ಲಿ ಸೆಪ್ಟೆಂಬರ್ 23ರಿಂದ ಅಕ್ಟೋಬರ್ 8ರವರೆಗೆ ಏಷ್ಯಾಡ್ ನಡೆಯಲಿದೆ. ಈ ಕ್ರೀಡಾಕೂಟಕ್ಕೆ ಕ್ರಿಕೆಟ್ ಕೂಡ ಸೇರಿಸಬೇಕು ಎಂಬುದು ಒತ್ತಾಯವಾಗಿತ್ತು. ಅಂತೆಯೇ ತಂಡವನ್ನು ಕಳುಹಿಸುವಂತೆ ಏಷ್ಯಾ ಕ್ರೀಡಾಕೂಟಕ್ಕೆ ಭಾರತದಿಂದ ನೇಮಕಗೊಂಡಿರುವ ವಿಶೇಷ ಅಧಿಕಾರಿ ಬಿಸಿಸಿಐಗೆ ಮೇಲ್ ಮಾಡಿತ್ತು. ಅದಕ್ಕೆ ಉತ್ತರ ನೀಡಿರುವ ಬಿಸಿಸಿಐ, ತಂಡ ಕಳುಹಿಸಲು ನಿರಾಕರಿಸಿದೆ ಎಂದು ಹೇಳಲಾಗಿದೆ.
ವಿಶೇಷ ಅಧಿಕಾರಿ ಭೂಪೇಂದರ್ ಭಾಜ್ವಾ ಅವರು ಏಷ್ಯಾ ಗೇಮ್ಸ್ಗೆ ಭಾರತದ ವಿಶೇಷ ಅಧಿಕಾರಿಯಾಗಿದ್ದಾರೆ. (ಚೆಪ್ ಡಿ ಮಿಷನ್). ಅವರು ಬಿಸಿಸಿಐಗೆ ಮನವಿ ಕಳುಹಿಸಿ ಎಲ್ಲ ಕ್ರೀಡಾ ಕ್ಷೇತ್ರಗಳಿಂದ ತಂಡವನ್ನು ಪ್ರಕಟಿಸಲಾಗಿದೆ. ಅಂತೆಯೇ ಕ್ರಿಕೆಟ್ ತಂಡವನ್ನೂ ಪ್ರಕಟಿಸಬೇಕು ಎಂದು ಕೋರಿದ್ದರು. ಅದಕ್ಕೆ ಉತ್ತರ ನೀಡಿರುವ ಬಿಸಿಸಿಐ ಸದ್ಯ ಅದು ಸಾಧ್ಯವಿಲ್ಲ ಎಂದು ಹೇಳಿದೆ.
ಏಷ್ಯಾ ಗೇಮ್ಸ್ಗೆ ಕ್ರಿಕೆಟ್ ಒಂದನ್ನು ಹೊರತುಪಡಿಸಿ ಮತ್ತೆಲ್ಲ ಕ್ರೀಡೆಗಳಿಗೆ ಹೆಸರು ನೋಂದಾಯಿಸಲಾಗಿದೆ. ನಮ್ಮ ಯೋಜನೆಗಳು ಸಿದ್ಧಗೊಂಡಿವೆ ಎಂದು ಬಿಸಿಸಿಐ ಪ್ರತಿಕ್ರಿಯೆ ಕೊಟ್ಟಿದೆ. ತಂಡವನ್ನು ಕಳುಹಿಸಿ ಎಂದು ಮೂರರಿಂದ ನಾಲ್ಕು ಇಮೇಲ್ಗಳನ್ನು ರವಾನಿಸಿದ್ದೇವು. ಕೊನೇ ಕ್ಷಣದಲ್ಲಿ ತಂಡವನ್ನು ಕಳುಹಿಸುವುದಿಲ್ಲ ಎಂದು ಅಲ್ಲಿಂದ ಪ್ರತಿಕ್ರಿಯೆ ಬಂತು ಎಂಬುದಾಗಿ ಭೂಪೆಂದರ್ ಅವರು ಇಂಡಿಯನ್ ಎಕ್ಸ್ಪ್ರೆಸ್ ಜತೆ ಹೇಳಿದ್ದಾರೆ.
ಕೊನೇ ದಿನ ಕಳುಹಿಸಿದರು
ಬಿಸಿಸಿಐ ಈ ಕುರಿತು ಬೇರೆಯದೇ ಉತ್ತರ ನೀಡುತ್ತಿದೆ. ಭಾರತೀಯ ಒಲಿಂಪಿಕ್ ಅಸೋಸಿಯೇಷನ್ ಹೆಸರು ನೋಂದಾಯಿಸಲು ಕೊನೇ ದಿನಕ್ಕಿಂದ ಒಂದು ದಿನ ಮುಂಚಿತವಾಗಿ ಮೇಲ್ ಕಳುಹಿಸಿದ್ದಾರೆ. ನಾವು ಆಗಲೇ ನಮ್ಮ ಫ್ಯೂಚರ್ ಟೂರ್ ಪ್ರೋಗ್ರಾಮ್ ಅನ್ನು ಹಾಕಿಕೊಂಡಿದ್ದೆವು. ಮಹಿಳೆಯರ ತಂಡವು ದಕ್ಷಣ ಆಫ್ರಿಕಾ ಹಾಗೂ ನ್ಯೂಜಿಲ್ಯಾಂಡ್ ತಂಡವನ್ನು ಈ ವೇಳೆ ಎದುರಿಸಲಿದೆ. ಅದೇ ರೀತಿ ಪುರುಷರ ತಂಡ ವಿಶ್ವ ಕಪ್ಗಾಗಿ ಸಿದ್ದತೆ ನಡೆಸಿಕೊಂಡಿರುತ್ತವೆ ಎಂದು ಹೇಳಿದೆ.
ಇದನ್ನೂ ಓದಿ: IPL 2023: ಕೊಹ್ಲಿ ಸೂಚಿಸಿದ ಐಪಿಎಲ್ನ ಸಾರ್ವಕಾಲಿಕ ಅತ್ಯುತ್ತಮ ಆಟಗಾರರು ಯಾರು?
ಬಿಸಿಸಿಐ ಏಷ್ಯಾ ಗೇಮ್ಸ್ಗೆ ತಂಡಗಳನ್ನು ಕಳುಹಿಸದೇ ಇರುವುದು ಇದೇ ಮೊದಲೇನಲ್ಲ. 2010 ಹಾಗೂ 2014ರ ಏಷ್ಯಅ ಕಪ್ ವೇಳೆಯೂ ಬಿಸಿಸಿಐ ತಂಡವನ್ನು ಕಳುಹಿಸಿರಲಿಲ್ಲ. ಆ ವೇಳೆಯೂ ಕ್ರಿಕೆಟ್ ಏಷ್ಯಾ ಕಪ್ನ ಭಾಗವಾಗಿರಲಿಲ್ಲ. ಆದರೆ, 2018ರ ಏಷ್ಯಾ ಕಪ್ನಲ್ಲಿ ಸ್ಪರ್ಧೆಗಳ ಪಟ್ಟಿಯಲ್ಲಿ ಕ್ರಿಕೆಟ್ ಇರಲಿಲ್ಲ. ಇವೆಲ್ಲದರ ನಡುವೆ ಬಿಸಿಸಿಐ 2022ರ ಕಾಮನ್ವೆಲ್ತ್ ಗೇಮ್ಸ್ಗೆ ಮಹಿಳೆಯರ ತಂಡವನ್ನು ಬಿಸಿಸಿಐ ಕಳುಹಿಸಿತ್ತು.