ಮುಂಬಯಿ: ಉದ್ಘಾಟನಾ ಆವೃತ್ತಿಯ ಮಹಿಳೆಯರ ಪ್ರೀಮಿಯರ್ ಲೀಗ್ (WPL 2023) ಮಸ್ಕಾಟ್ ಅನ್ನು ಬಿಸಿಸಿಐ ಗುರುವಾರ (ಫೆಬ್ರವರಿ 2ರಂದು) ಬಿಡುಗಡೆ ಮಾಡಿದೆ. ಮಾರ್ಚ್4ರಂದು ಗುಜರಾತ್ ಜಯಂಟ್ಸ್ ಹಾಗೂ ಮುಂಬಯಿ ಇಂಡಿಯನ್ಸ್ ತಂಡಗಳ ನಡುವೆ ಮೊದಲ ಪಂದ್ಯ ನಡೆಯಲಿದೆ. ಹೀಗಾಗಿ ಎಲ್ಲ ತಂಡಗಳು ಅಭ್ಯಾಸ ಆರಂಭಿಸಿವೆ. ಇದೇ ಅವಧಿಯಲ್ಲಿ ಟೂರ್ನಿ ಆಯೋಜನೆಗೆ ಸಿದ್ಧತೆ ಮಾಡಿಕೊಂಡಿರುವ ಬಿಸಿಸಿಐ ಮಸ್ಕಾಟ್ ಹಾಗೂ ಗೀತೆಯನ್ನು ಬಿಡುಗಡೆ ಮಾಡಿದೆ. ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ ಅವರು ಟ್ವಿಟರ್ ಖಾತೆಯಲ್ಲಿ ಮಸ್ಕಾಟ್ ಬಿಡುಗಡೆ ಮಾಡಿದ್ದಾರೆ. ಇದರಲ್ಲಿ ಗೀತೆ ದೇವಿಯ ಶ್ಲೋಕದೊಂದಿಗೆ ಆರಂಭವಾಗುತ್ತದೆ.
ಜಯ್ ಶಾ ಶೇರ್ ಮಾಡಿರುವ ಟ್ವೀಟ್ ಇಲ್ಲಿದೆ
ಮಹಿಳೆಯ ಪ್ರೀಮಿಯರ್ ಲೀಗ್ನ ಮಸ್ಕಾಟ್ ಹೆಸರು ಶಕ್ತಿ. ನೀಲಿ ಬಣ್ಣದ ಜೆರ್ಸಿ ಧರಿಸಿಕೊಂಡಿರುವ ಹೆಣ್ಣು ಹುಲಿ ಅದಾಗಿದೆ. ಈ ಮಸ್ಕಾಟ್ ಕ್ರಿಕೆಟ್ ಆಡಿ ತನ್ನ ಸಾಮರ್ಥ್ಯ ಪ್ರದರ್ಶಿಸುವ ವಿಡಿಯೊವನ್ನು ಬಿಡುಗಡೆ ಮಾಡಲಾಗಿದೆ. ಇದೇ ವೇಳೆ ಟೂರ್ನಿಯ ಗೀತೆಯನ್ನೂ ಪ್ರಕಟಿಸಲಾಗಿದೆ. ಅದರಲ್ಲಿ ಎಲ್ಲ ಸವಾಲುಗಳನ್ನು ಮೀರಿ ಕ್ರಿಕೆಟ್ ಆಡಿದ ಮಹಿಳೆಯರನ್ನು ಶ್ಲಾಘಿಸಲಾಗಿದೆ. ದೇವಿ ದುರ್ಗೆಯನ್ನು ಪೂಜಿಸುವ ಯಾ ದೇವಿ ಸರ್ವಭೂತೇಶು ಶ್ಲೋಕದೊಂದಿಗೆ ಈ ಹಾಡು ಆರಂಭಗೊಳ್ಳುತ್ತದೆ. ಶಕ್ತಿ ಎಂದರೆ ದುರ್ಗೆಯ ರೂಪವೂ ಹೌದು. ಹೀಗಾಗಿ
ಇದನ್ನೂ ಓದಿ : WPL 2023 : ಜನಪ್ರಿಯ ಹಾಡೊಂದಕ್ಕೆ ಸ್ಟೆಪ್ಸ್ ಹಾಕಿದ ಗುಜರಾತ್ ಜಯಂಟ್ಸ್ ತಂಡದ ಮೆಂಟರ್ ಮಿಥಾಲಿ ರಾಜ್
ಆರು ತಂಡಗಳನ್ನು ಒಳಗೊಂಡಿರುವ ಮಹಿಳೆಯರ ಪ್ರೀಮಿಯರ್ ಲೀಗ್ ದೊಡ್ಡ ಮಟ್ಟದ ಜನಪ್ರಿಯತೆ ಗಳಿಸುವ ಎಲ್ಲ ಸಾಧ್ಯತೆಗಳಿವೆ. ಈಗಾಗಲೇ ಆಟಗಾರ್ತಿಯರು ಫ್ರಾಂಚೈಸಿಗಳಿಂದ ದೊಡ್ಡ ಮೊತ್ತದ ಸಂಭಾವನೆ ಪಡೆದುಕೊಂಡಿದ್ದು, ಮೈದಾನದಲ್ಲಿ ತಮ್ಮ ಪ್ರದರ್ಶನ ನೀಡಲಿದ್ದಾರೆ.