ಕೊಚ್ಚಿ : ಐಪಿಎಲ್ 16ನೇ (IPL 2023 ) ಆವೃತ್ತಿಗಾಗಿ ನಡೆದ ಆಟಗಾರರ ಹರಾಜು ಪ್ರಕ್ರಿಯೆಲ್ಲಿ ಆಸ್ಟ್ರೇಲಿಯಾದ ಆಲ್ರೌಂಡರ್ ಕ್ಯಾಮೆರಾನ್ ಗ್ರೀನ್ ಅವರನ್ನು ತಮ್ಮ ತೆಕ್ಕೆಗೆ ತೆಗೆದುಕೊಳ್ಳುವುದಕ್ಕೆ ಫ್ರಾಂಚೈಸಿಗಳು ಮುಗಿ ಬಿದ್ದಿದ್ದವು. ಕೊನೆಯಲ್ಲಿ ಅವರು 17.5 ಕೋಟಿ ರೂಪಾಯಿಗೆ ಮುಂಬಯಿ ಇಂಡಿಯನ್ಸ್ ತಂಡದ ಪಾಲಾಗಿದ್ದಾರೆ. ಈ ಮೂಲಕ 23 ವರ್ಷದ ಯುವ ಆಟಗಾರ ದೊಡ್ಡ ಮೊತ್ತವನ್ನು ಜೇಬಿಗೆ ಇಳಿಸಿಕೊಂಡು ಸಾಧನೆ ಮಾಡಿದ್ದಾರೆ. ಆದರೆ ತಮಗೆ ಸಿಕ್ಕಿರುವ ದುಡ್ಡು ಜಾಸ್ತಿಯಾಯಿತು ಎಂಬುದಾಗಿ ಯುವ ಆಟಗಾರ ಈಗ ಹೇಳಿಕೊಂಡಿದ್ದಾರೆ.
ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಆಡುತ್ತಿರುವ ಅವರು ಈ ಕುರಿತು ಮಾತನಾಡಿ ”ಅಷ್ಟೊಂದು ದೊಡ್ಡ ಮೊತ್ತವನ್ನು ಪಡೆಯುವಷ್ಟು ಮಹಾನ್ ಸಾಧನೆ ನಾನು ಮಾಡಿಲ್ಲ. ಹೀಗಾಗಿ ಸಿಕ್ಕಿರುವ ಹಣ ಹೆಚ್ಚಾಯಿತು ಎಂದು ಅನಿಸುತ್ತಿದೆ,” ಎಂದು ಹೇಳಿದ್ದಾರೆ.
“ನಾನು ಐಪಿಎಲ್ ಹರಾಜು ಪಟ್ಟಿಯಲ್ಲಿ ನನ್ನ ಹೆಸರನ್ನು ಸುಮ್ಮನೆ ಸೇರಿಸಿದ್ದೆ. ದೊಡ್ಡ ಮೊತ್ತವೂ ಬಂದಿದೆ. ಹಾಗೆಂದು ನನ್ನ ಪ್ರದರ್ಶನದಲ್ಲಿ ಯಾವುದೇ ಬದಲಾವಣೆ ಉಂಟಾಗದು. ನನಗೆ ನನ್ನ ಕ್ರಿಕೆಟ್ ಬಗ್ಗೆ ಹಚ್ಚು ಆಸಕ್ತಿಯಿದೆ. ಹೀಗಾಗಿ ದೊಡ್ಡ ಗಳಿಕೆಯಿಂದ ನನ್ನಲ್ಲಿ ಯಾವುದೇ ಬದಲಾವಣೆ ಉಂಟಾಗದು,” ಎಂದು ಅವರು ಹೇಳಿದ್ದಾರೆ.
“ಆಲ್ರೌಂಡರ್ಗಳಿಗೆ ಪ್ರದರ್ಶನದ ಒತ್ತಡ ಹೆಚ್ಚಿರುತ್ತದೆ. ಬೆನ್ನು ನೋವಿನ ಸಮಸ್ಯೆಯಿಂದಾಗಿ ಬೌಲಿಂಗ್ ಹೊರೆಯನ್ನು ಇಳಿಸಿಕೊಳ್ಳುತ್ತಿದ್ದೇನೆ. ಆದರೂ ಬ್ಯಾಟಿಂಗ್ ಹಾಗೂ ಬೌಲಿಂಗ್ಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡಬೇಕಾಗಿದೆ,” ಎಂದು ಗ್ರೀನ್ ನುಡಿದಿದ್ದಾರೆ.
ಇದನ್ನೂ ಓದಿ | IPL 2023 | ಐಪಿಎಲ್ ಆಡುವುದಕ್ಕೆ ಹೋಗಬೇಡ; ಕ್ಯಾಮೆರಾನ್‌ಗೆ ಆಸ್ಟ್ರೇಲಿಯಾದ ಕ್ರಿಕೆಟಿಗನ ಕಿವಿಮಾತು!