ಬೆಂಗಳೂರು: ಮುಖ್ಯಮಂತ್ರಿ ಸಿಎಂ ಸಿದ್ದರಾಮಯ್ಯ ಅವರು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಆಸ್ಟ್ರೇಲಿಯಾ ಮತ್ತು ಪಾಕಿಸ್ತಾನ ತಂಡಗಳ ನಡುವಿನ ವಿಶ್ವಕಪ್ (ICC World Cup 2023) ಪಂದ್ಯವನ್ನು ಶುಕ್ರವಾರ (ಅಕ್ಟೋಬರ್ 20ರಂದು) ವೀಕ್ಷಿಸಿದರು. ಸಂಜೆಯವರೆಗೆ ನಡೆದ ನಾನಾ ಕಾರ್ಯಕ್ರಮಗಳಲ್ಲಿ ಪಾಲ್ಗೊಂಡಿದ್ದ ಅವರು ಆ ಬಳಿಕ ಚಿನ್ನಸ್ವಾಮಿ ಸ್ಟೇಡಿಯಮ್ಗೆ ತೆರಳಿ ಪಂದ್ಯ ವೀಕ್ಷಿಸಿದರು.
ಡಿಸಿಎಂ ಡಿಕೆ ಶಿವಕುಮಾರ್ ಅವರೂ ಸಿದ್ದರಾಮಯ್ಯ ಅವರ ಜತೆಗಿದ್ದು ಪಂದ್ಯ ವೀಕ್ಷಿಸಿದರು. ಪಂದ್ಯದ ಕೊನೇ ತನಕವೂ ಅವರು ಕ್ರಿಕೆಟ್ನ ನಾನಾ ರೋಮಾಂಚಕ ಕ್ಷಣಗಳನ್ನು ಸವಿದರು.
ಶಾಸಕ ಬೈರತಿ ಸುರೇಶ್, ಸಿಎಂ ಅವರ ರಾಜಕೀಯ ಕಾರ್ಯದರ್ಶಿ ಗೋವಿಂದ ರಾಜು ಅವರು ಸಿದ್ದರಾಮಯ್ಯ ಅವರ ಜತೆಗೆ ಪಂದ್ಯ ವೀಕ್ಷಿಸಲು ತೆರಳಿದ್ದರು. ಇಂಡಿಯನ್ ಪ್ರೀಮಿಯರ್ ಲೀಗ್ ಅಧ್ಯಕ್ಷ ರಾಜೀವ್ ಶುಕ್ಲಾ ಮತ್ತಿತರರು ಈ ವೇಳೆ ಜತೆಗಿದ್ದರು.
ಮುಖ್ಯಮಂತ್ರಿ @siddaramaiah ಅವರು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ – ಪಾಕಿಸ್ತಾನ ನಡುವಿನ ವಿಶ್ವಕಪ್ ಕ್ರಿಕೆಟ್ ಪಂದ್ಯಾಟವನ್ನು ವೀಕ್ಷಿಸಿದರು. #ICCCricketWorldCup #AUSvPAK pic.twitter.com/zKTCjqsBNA
— CM of Karnataka (@CMofKarnataka) October 20, 2023
ದಾಖಲೆ ಬರೆದ ಮಾರ್ಷ್- ವಾರ್ನರ್
ಇಲ್ಲಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಪಾಕಿಸ್ತಾನ ವಿರುದ್ಧದ ವಿಶ್ವ ಕಪ್ (ICC World Cup 2023) ಪಂದ್ಯದಲ್ಲಿ ಡೇವಿಡ್ ವಾರ್ನರ್ ಮತ್ತು ಮಿಚೆಲ್ ಮಾರ್ಷ್ ಏಕದಿನ ವಿಶ್ವಕಪ್ ಇತಿಹಾಸದಲ್ಲಿ ಆಸ್ಟ್ರೇಲಿಯಾ ಪರ ಅತ್ಯಧಿಕ ಆರಂಭಿಕ ಜೊತೆಯಾಟವನ್ನು (259) ದಾಖಲಿಸಿದರು. 2011ರ ಮಾರ್ಚ್ 16ರಂದು ಇದೇ ಮೈದಾನದಲ್ಲಿ ಕೆನಡಾ ವಿರುದ್ಧ ಬ್ರಾಡ್ ಹ್ಯಾಡಿನ್ ಹಾಗೂ ಶೇನ್ ವ್ಯಾಟ್ಸನ್ 183 ರನ್ ಗಳಿಸಿದ್ದರು. ಆ ದಾಖಲೆಯನ್ನು ಮಾರ್ಷ್ ಮತ್ತು ವಾರ್ನರ್ ಮುರಿದಿದ್ದಾರೆ.
ಇದು ಏಕದಿನ ವಿಶ್ವಕಪ್ನಲ್ಲಿ ಯಾವುದೇ ತಂಡದ ಎರಡನೇ ಅತಿ ಹೆಚ್ಚು ಆರಂಭಿಕ ಜೊತೆಯಾಟವಾಗಿದೆ. ತಿಲಕರತ್ನೆ ದಿಲ್ಶಾನ್ ಮತ್ತು ಉಪುಲ್ ತರಂಗ 2011ರ ಮಾರ್ಚ್ 10ರಂದು ಪಲ್ಲೆಕೆಲೆಯಲ್ಲಿ ಜಿಂಬಾಬ್ವೆ ವಿರುದ್ಧ 282 ರನ್ ಗಳಿಸಿದ್ದರು.
ಪಂದ್ಯದಲ್ಲಿ ಟಾಸ್ ಗೆದ್ದ ಪಾಕಿಸ್ತಾನವು ಮಾರ್ಷ್ ಹಾಗೂ ವಾರ್ನರ್ ಜೋಡಿಗೆ ಹೆಚ್ಚು ತೊಂದರೆ ಕೊಡಲಿಲ್ಲ. ಹೀಗಾಗಿ ಆಸ್ಟ್ರೇಲಿಯಾ ತಂಡ ಸತತವಾಗಿ ರನ್ ಗಳಿಸುತ್ತಲೇ ಹೋಯಿತು. ಐದನೇ ಓವರ್ನಲ್ಲಿ ಉಸಾಮಾ ಮಿರ್ ವಾರ್ನರ್ ಅವರ ಕ್ಯಾಚ್ ಬಿಟ್ಟು ಸುಲಭ ಅವಕಾಶವೊಂದನ್ನು ಕೈಚೆಲ್ಲಿದರು. ಈ ವೇಳೆ ವಾರ್ನರ್ 10 ರನ್ ಮಾಡಿದ್ದರು. ವಾರ್ನರ್ ಮಾತ್ರವಲ್ಲ, ಬರ್ತ್ಡೇ ಬಾಯ್ ಹುಡುಗ ಮಾರ್ಷ್ ಕೂಡ ಸತತ ಎಸೆತಗಳಲ್ಲಿ ಶತಕಗಳನ್ನು ಗಳಿಸಿದ್ದರಿಂದ ಪಾಕಿಸ್ತಾನಿಗಳು ಅವಕಾಶವನ್ನು ಕಳೆದುಕೊಂಡಿತು.
ಬ್ಯಾಟರ್ಗಳ ಸ್ವರ್ಗ
ಚಿನ್ನಸ್ವಾಮಿ ಅತ್ಯುತ್ತಮ ಬ್ಯಾಟಿಂಗ್ ಟ್ರ್ಯಾಕ್ ಹೊಂದಿದೆ. ಅತ್ಯಂತ ಕಡಿಮೆ ಅಂತರ ಬೌಂಡರಿಗಳು ಬ್ಯಾಟರ್ಗಳಿಗೆ ಹೆಚ್ಚು ಅನುಕೂಲಕರವಾಗುತ್ತವೆ. ವಾರ್ನರ್ ಮತ್ತು ಮಾರ್ಷ್ ಇಬ್ಬರೂ ಪರಿಸ್ಥಿತಿಗಳನ್ನು ಉತ್ತಮವಾಗಿ ಬಳಸಿಕೊಂಡರು, ಆದರೆ ಆರಂಭದಲ್ಲಿ ಅವರು ನಿಧಾನಗತಿಯ ಆರಂಭವನ್ನು ಪಡೆದರು. ಬಳಿಕ ವೇಗ ಹೆಚ್ಚು ಮಾಡಿದರು.
ಅವರು ಕ್ರೀಸ್ಗೆ ಅಂಟಿಕೊಂಡು ಆಡುತ್ತಿರುವಂತೆಯೇರನ್ಗಳು ಹರಿಯಲು ಪ್ರಾರಂಭಿಸಿದವು. ಒಂಬತ್ತನೇ ಓವರ್ನಲ್ಲಿ ಹ್ಯಾರಿಸ್ ರೌಫ್ ಅವರನ್ನು ದಾಳಿಗೆ ಇಳಿಸಿದಾಗ ರನ್ ಗಳಿಕೆ ಹೆಚ್ಚಿದವು. ನಾಯಕ ಬಾಬರ್ ಅಜಮ್ ಮಧ್ಯಮ ವಿಕೆಟ್ ಮತ್ತು ಕವರ್ನಲ್ಲಿ ಆಟಗಾರರನ್ನು ಫೀಲ್ಡರ್ಗಳನ್ನು ನಿಲ್ಲಿಸಿದರೂ. ರವೂಫ್ ಅವರ ಎಸೆತಗಳಿಗೆ ಚೆನ್ನಾಗಿ ಚಚ್ಚಿದರು.