ರಾಜ್ಕೋಟ್: ಇಂಗ್ಲೆಂಡ್(IND vs ENG) ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಶತಕ ಬಾರಿಸಿ ಮಿಂಚಿದ ಭಾರತ ತಂಡ ಆಲ್‌ರೌಂಡರ್ ರವೀಂದ್ರ ಜಡೇಜಾ(Ravindra Jadeja) ಅವರು ಮಾಜಿ ನಾಯಕ ಸೌರವ್ ಗಂಗೂಲಿ (Sourav Ganguly) ಅವರ ದಾಖಲೆಯೊಂದನ್ನು ಹಿಂದಿಕ್ಕಿದ್ದಾರೆ. ಇಂಗ್ಲೆಂಡ್ ವಿರುದ್ಧ 1000 ಟೆಸ್ಟ್ ರನ್ ಗಳಿಸಿದ 15ನೇ ಭಾರತೀಯ ಆಟಗಾರ ಎನಿಸಿಕೊಂಡಿದ್ದಾರೆ.
110 ರನ್‌ಗಳಿಂದ 2ನೇ ದಿನದಾಟ ಆರಂಭಿಸಿದ ಜಡೇಜಾ 2 ರನ್ ಗಳಿಸಿ ಜೋ ರೂಟ್‌ಗೆ ವಿಕೆಟ್ ಒಪ್ಪಿಸಿದರು. 225 ಎಸೆತಗಳಲ್ಲಿ ಒಂಬತ್ತು ಬೌಂಡರಿ ಮತ್ತು ಎರಡು ಸಿಕ್ಸರ್‌ಗಳನ್ನು ಸಿಡಿಸುವ ಮೂಲಕ 112 ರನ್ ಗಳಿಸಿ ನಿರ್ಗಮಿಸಿದರು.
ಇದನ್ನೂ ಓದಿ IND vs ENG: ಭಾರತಕ್ಕೆ ಐದು ರನ್ ದಂಡ ವಿಧಿಸಿದ ಅಂಪೈರ್; ಕಾರಣವೇನು?
𝗜. 𝗖. 𝗬. 𝗠. 𝗜
— BCCI (@BCCI) February 16, 2024
Talk about making it count on your homeground! 👌 👌
Relive Ravindra Jadeja's solid 💯 🎥 🔽 #TeamIndia | #INDvENG | @imjadeja | @IDFCFIRSTBank
ಇಂಗ್ಲೆಂಡ್ ವಿರುದ್ಧ 1000ಕ್ಕೂ ಹೆಚ್ಚು ಟೆಸ್ಟ್ ರನ್ ಗಳಿಸಿದ ಭಾರತೀಯ ಬ್ಯಾಟರ್ಗಳು
| ಆಟಗಾರ | ರನ್ |
| ಸಚಿನ್ ತೆಂಡೂಲ್ಕರ್ | 2,535 |
| ಸುನಿಲ್ ಗವಾಸ್ಕರ್ | 2,483 |
| ವಿರಾಟ್ ಕೊಹ್ಲಿ | 1,991 |
| ರಾಹುಲ್ ದ್ರಾವಿಡ್ | 1,950 |
| ಗುಂಡಪ್ಪ ವಿಶ್ವನಾಥ್ | 1,880 |
| ಚೇತೇಶ್ವರ ಪೂಜಾರ | 1,778 |
| ದಿಲೀಪ್ ವೆಂಗ್ ಸರ್ಕಾರ್ | 1,589 |
| ಕಪಿಲ್ ದೇವ್ | 1,355 |
| ಮೊಹಮ್ಮದ್ ಅಜರುದ್ದೀನ್ | 1,278 |
| ವಿಜಯ್ ಮಂಜ್ರೇಕರ್ | 1,181 |
| ಎಂಎಸ್ ಧೋನಿ | 1,157 |
| ಫಾರೂಖ್‌ ಎಂಜಿನಿಯರ್‌ | 1,113 |
| ರವಿಚಂದ್ರನ್ ಅಶ್ವಿನ್ | 1,048* |
| ರವಿಶಾಸ್ತ್ರಿ | 1,026 |
ಟೆಸ್ಟ್‌ನಲ್ಲಿ 250 ವಿಕೆಟ್, 3000 ರನ್
ಟೆಸ್ಟ್ ಕ್ರಿಕೆಟ್‌ನಲ್ಲಿ ಜಡೇಜಾ 3000 ರನ್ ಹಾಗೂ 250 ವಿಕೆಟ್ ಸಾಧನೆ ಮಾಡಿದ ಭಾರತದ ಕೇವಲ 3ನೇ ಹಾಗೂ ವಿಶ್ವದ 12ನೇ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಭಾರತದ ಪರ ಈ ಮೊದಲು ಕಪಿಲ್ ದೇವ್(5248 ರನ್, 434 ವಿಕೆಟ್), ಆರ್.ಅಶ್ವಿನ್(3271 ರನ್, 499 ವಿಕೆಟ್) ಈ ಸಾಧನೆ ಮಾಡಿದ್ದಾರೆ.
𝑹𝒂𝒋𝒌𝒐𝒕 𝒌𝒂 𝑹𝒂𝑱𝒂 👑
— JioCinema (@JioCinema) February 15, 2024
Jadeja slams his fourth Test 💯 to keep #TeamIndia on the front foot ⚡#INDvENG #BazBowled #JioCinemaSports #TeamIndia #IDFCFirstBankTestSeries pic.twitter.com/RSHDu8MMAD
ಆಸ್ಟ್ರೇಲಿಯಾದ ಶೇನ್‌ ವಾರ್ನ್‌, ಇಂಗ್ಲೆಂಡ್‌ನ ಸ್ಟುವರ್ಟ್‌ ಬ್ರಾಡ್‌, ನ್ಯೂಜಿಲ್ಯಾಂಡ್ನ ರಿಚರ್ಡ್‌ ಹಾರ್ಡ್ಲೀ, ದಕ್ಷಿಣ ಆಫ್ರಿಕಾದ ಶಾನ್‌ ಪೊಲಾಕ್‌, ಇಂಗ್ಲೆಂಡ್‌ನ ಇಯಾನ್‌ ಬೋಥಂ, ಪಾಕಿಸ್ತಾನದ ಇಮ್ರಾನ್ ಖಾನ್‌, ನ್ಯೂಜಿಲ್ಯಾಂಡ್ನ ವೆಟೋರಿ, ಶ್ರೀಲಂಕಾದ ಚಾಮಿಂಡಾ ವಾಸ್‌, ದಕ್ಷಿಣಆಫ್ರಿಕಾದ ಜ್ಯಾಕ್‌ ಕಾಲೀಸ್‌ ಈ ಸಾಧನೆ ಮಾಡಿದ ವಿಶ್ವ ಕ್ರಿಕೆಟಿಗರು.
ಭಾರತಕ್ಕೆ ಐದು ರನ್ ದಂಡ
ಎರಡನೇ ದಿನದಾಟದಲ್ಲಿ ಭಾರತಕ್ಕೆ ಐದು(India handed five-run penalty) ರನ್‌ಗಳ ದಂಡ ವಿಧಿಸಲಾಗಿದೆ. ಇದಕ್ಕೆ ಕಾರಣ ಆರ್.ಅಶ್ವಿನ್ ಅವರು(Ravichandran Ashwin) ಪಿಚ್ನಲ್ಲಿ ಅಡ್ಡಾದಿಡ್ಡಿ ಓಡಾಡಿದ್ದು. ಭಾರತದ ಮೊದಲ ಇನಿಂಗ್ಸ್‌ನ 102 ನೇ ಓವರ್‌ನಲ್ಲಿ ಲೆಗ್ ಸ್ಪಿನ್ನರ್ ರೆಹಾನ್ ಅಹ್ಮದ್ ಬೌಲಿಂಗ್ ಮಾಡುವಾಗ ಈ ಘಟನೆ ಸಂಭವಿಸಿದೆ. ಇಂಗ್ಲೆಂಡ್ ತಂಡಕ್ಕೆ ಬ್ಯಾಟಿಂಗ್ ಇನಿಂಗ್ಸ್ ಆರಂಭಿಸುವ ಮುನ್ನವೇ 5 ರನ್ಗಳು ಲಭಿಸಿದೆ. ಎಂಸಿಸಿಯ ಕಾನೂನು 41.14.1 ಪ್ರಕಾರ ಉದ್ದೇಶಪೂರ್ವಕ ಪ್ರಕರಣ ಇದಾಗಿದೆ.