ಚೆನ್ನೈ: ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್(Chennai Super Kings) ವಿರುದ್ಧದ ಮಂಗಳವಾರದ ಐಪಿಎಲ್(IPL 2024) ಪಂದ್ಯದಲ್ಲಿ ವಿಸ್ಫೋಟಕ ಬ್ಯಾಟಿಂಗ್ ನಡೆಸಿ ಅಜೇಯ 124 ರನ್ ಗಳಿಸಿ ಶತಕ ಬಾರಿಸಿದ ಲಕ್ನೋ ಸೂಪರ್ ಜೈಂಟ್ಸ್(Lucknow Super Giants) ತಂಡದ, ಆಸ್ಟ್ರೇಲಿಯಾ ಆಟಗಾರ ಮಾರ್ಕಸ್ ಸ್ಟೋಯಿನಿಸ್(Marcus Stoinis) ಐಪಿಎಲ್ನಲ್ಲಿ ನೂತನ ದಾಖಲೆಯೊಂದನ್ನು ನಿರ್ಮಿಸಿದ್ದಾರೆ. ಈ ಮೂಲಕ ಮಾಜಿ ಆಟಗಾರ ಪಾಲ್ ವಾಲ್ತಾಟಿ ದಾಖಲೆಯನ್ನು ಮುರಿದಿದ್ದಾರೆ.
Marcus Stoinis created history by scoring the highest individual score in a run chase in IPL history 🔥👌#Cricket #Stoinis #CSKvLSG #Sportskeeda pic.twitter.com/k8WxPIby0m
— Sportskeeda (@Sportskeeda) April 24, 2024
ಸ್ಟೋಯಿನಿಸ್ ಅವರು ಅಜೇಯ 124 ರನ್ ಬಾರಿಸುವ ಮೂಲಕ ಚೇಸಿಂಗ್ ವೇಳೆ ಐಪಿಎಲ್ನಲ್ಲಿ ಅ್ಯಧಿಕ ವೈಯಕ್ತಿಕ ರನ್ ಗಳಿಸಿದ ಮೊದಲ ಆಟಗಾರ ಎಂಬ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆದರು. ಇದಕ್ಕೂ ಮುನ್ನ ಈ ದಾಖಲೆ ಪಾಲ್ ವಾಲ್ತಾಟಿ ಹೆಸರಿನಲ್ಲಿತ್ತು. ಕಾಕತಾಳಿಯವೆಂದರೆ ವಾಲ್ತಾಟಿ ಕೂಡ ಚೆನ್ನೈ ವಿರುದ್ಧವೇ ಈ ದಾಖಲೆ ಬರೆದಿದ್ದರು. 2011ರಲ್ಲಿ ಪಂಜಾಬ್ ಪರ ಆಡಿದ ವಾಲ್ತಾಟಿ ಅಜೇಯ 120 ರನ್ ಬಾರಿಸಿದ್ದರು. ಇದೀಗ 13 ವರ್ಷಗಳ ಬಳಿಕ ಈ ದಾಖಲೆಯನ್ನು ಸ್ಟೋಯಿಸಿಸ್ ಮುರಿದಿದ್ದಾರೆ.
ಇದನ್ನೂ ಓದಿ IPL 2024 Points Table: ಚೆನ್ನೈಗೆ ಹೀನಾಯವಾಗಿ ಸೋಲುಣಿಸಿ ಅಂಕಪಟ್ಟಿಯಲ್ಲಿ 4ನೇ ಸ್ಥಾನಕ್ಕೇರಿದ ಲಕ್ನೋ
13-year-old record.
— Lucknow Super Giants (@LucknowIPL) April 24, 2024
1 Marcus Stoinis 🔥 pic.twitter.com/yUTON8ZJUW
ಚೇಸಿಂಗ್ ವೇಳೆ ಅತ್ಯಧಿಕ ರನ್ ಗಳಿಸಿದ ಆಟಗಾರರು
ಮಾರ್ಕಸ್ ಸ್ಟೋಯಿನಿಸ್-124* ರನ್, ಚೆನ್ನೈ ವಿರುದ್ಧ (2024)
ಪಾಲ್ ವಾಲ್ತಾಟಿ-120* ರನ್, ಚೆನ್ನೈ ವಿರುದ್ಧ (2011)
ವೀರೇಂದ್ರ ಸೆಹವಾಗ್-119 ರನ್, ಡೆಕ್ಕನ್ ಚಾರ್ಜಸ್ ವಿರುದ್ಧ (2011)
ಸಂಜು ಸ್ಯಾಮ್ಸನ್-119 ರನ್, ಪಂಜಾಬ್ ವಿರುದ್ಧ (2021)
ಶೇನ್ ವಾಟ್ಸನ್-117* ರನ್, ಸನ್ರೈಸರ್ಸ್ ವಿರುದ್ಧ (2018)
MARCUS STOINIS… THE HULK. 💪
— Mufaddal Vohra (@mufaddal_vohra) April 23, 2024
– The winning celebrations from Stoinis and LSG says everything. 🔥pic.twitter.com/iGBHDNWDSU
ಚಿದಂಬರಂ ಸ್ಟೇಡಿಯಂನಲ್ಲಿ ನಡೆದ ಇತ್ತಂಡಗಳ ನಡುವಿನ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಚೆನ್ನೈ 20 ಓವರ್‌ಗಳಲ್ಲಿ 4 ವಿಕೆಟ್‌ಗಳಿಗೆ 210 ರನ್ ಗಳಿಸಿತು. ಇದನ್ನು ಬೆನ್ನತ್ತಿದ ಲಕ್ನೋ 19.3 ಓವರ್ ಗಳಲ್ಲಿ 4 ವಿಕೆಟ್‌ಗೆ 213 ರನ್ ಗಳಿಸಿ, 6 ವಿಕೆಟ್‌ ಗಳಿಂದ ಜಯಭೇರಿ ಬಾರಿಸಿತು.
ಚೇಸಿಂಗ್ ವೇಳೆ ಸ್ಫೋಟಕ ಬ್ಯಾಟಿಂಗ್ ನಡೆಸಿದ ಮಾರ್ಕಸ್ ಸ್ಟಾಯಿನಿಸ್‌ 63 ಎಸೆತಗಳಲ್ಲಿ 13 ಬೌಂಡರಿ, 6 ಸಿಕ್ಸರ್‌ಗಳ ಸಮೇತ ಅಜೇಯ 124 ರನ್ ಚಚ್ಚಿ ತಂಡಕ್ಕೆ ಸ್ಮರಣೀಯ ಗೆಲುವು ತಂದು ಕೊಟ್ಟರು. ಅಂತಿಮ ಓವರ್ ತನಕ ಪಂದ್ಯ ಚೆನ್ನೈ ತಂಡದ ಕೈಯಲ್ಲಿತ್ತು. ಮುಸ್ತಫಿಜುರ್‌ ಎಸೆದ ಈ ಓವರ್ನಲ್ಲಿ 20 ರನ್ ಹರಿದು ಬಂತು. ಇದು ಚೆನ್ನೈ ಸೋಲಿಗೆ ಪ್ರಮುಖ ಕಾರಣ. ಋತುರಾಜ್‌ 60 ಎಸೆತ ಎದುರಿಸಿ, 12 ಬೌಂಡರಿ , 3 ಸಿಕ್ಸರ್‌ಗಳೊಂದಿಗೆ 108 ರನ್ ಚಚ್ಚಿ ಶತಕ ಬಾರಿಸಿದರು. ಆದರೆ ಸೋಲಿನಿಂದ ಅವರ ಶತಕ ವ್ಯರ್ಥಗೊಂಡಿತು.