ಬೆಂಗಳೂರು: ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ ಎಂಎಸ್ ಧೋನಿ ಅವರನ್ನು ನಟ ರಾಮ್‌ ಚರಣ್‌ ಭೇಟಿ ಮಾಡಿ ಪೋಸ್ಟ್‌ ಹಂಚಿಕೊಂಡಿದ್ದರು. ಇದರ ಬೆನ್ನಲ್ಲೇ ರಣವೀರ್ ಸಿಂಗ್ (Ranveer Singh) ಅವರು ಧೋನಿ ಅವರೊಂದಿಗೆ ಪೋಸ್‌ ಕೊಟ್ಟಿರುವ ಫೋಟೊವನ್ನು ಇನ್‌ಸ್ಟಾದಲ್ಲಿ ಹಂಚಿಕೊಂಡಿದ್ದಾರೆ. ಪೋಸ್ಟ್‌ಗೆ ಧೋನಿ ಪತ್ನಿ ಸಾಕ್ಷಿ ಸಿಂಗ್ ಕೂಡ ಪ್ರತಿಕ್ರಿಯೆ ನೀಡಿದ್ದಾರೆ.
ರಣವೀರ್ ಫೋಟೊ ಶೇರ್‌ ಮಾಡಿ ʻʻನನ್ನ ಮಹಿʼʼಎಂದು ಕ್ಯಾಪ್ಷನ್‌ ನೀಡಿದ್ದಾರೆ. ಎಂಎಸ್ ಧೋನಿ ಅವರನ್ನು “ಮಹಿ” ಎಂದು ಸಾಕಷ್ಟು ಜನರು ಪ್ರೀತಿಯಿಂದ ಕರೆಯುತ್ತಾರೆ. ರಣವೀರ್ ಹಾರ್ಟ್ ಇಮೋಜಿ ಜತೆಗೆ ಟ್ಯಾಗ್ ಕೂಡ ಮಾಡಿದ್ದಾರೆ. ಫೋಟೊದಲ್ಲಿ ರಣವೀರ್ ಅವರು ಧೋನಿ ಕೆನ್ನೆಗೆ ಕ್ಯೂಟ್‌ ಆಗಿ ಮುತ್ತು ಕೊಟ್ಟಿದ್ದಾರೆ. ರಣವೀರ್ ಕಪ್ಪು ಟೀ ಶರ್ಟ್ ಧರಿಸಿದರೆ, ಧೋನಿ ನೀಲಿ ಶರ್ಟ್‌ನಲ್ಲಿದ್ದಾರೆ. ಈ ಫೋಟೊಗೆ ಲಕ್ಷ ಲಕ್ಷ ಲೈಕ್ಸ್‌ಗಳು ಬಂದಿದ್ದು, ನೆಟ್ಟಿಗರು ಕಮೆಂಟ್‌ ಮೂಲಕ ಮೆಚ್ಚುಗೆ ಸೂಚಿಸಿದ್ದಾರೆ. ಒಬ್ಬರು ʻʻ2 ರತ್ನಗಳು” ಎಂದು ಕಮೆಂಟ್‌ ಮಾಡಿದ್ದಾರೆ. “ಅತ್ಯುತ್ತಮ ವೈಬ್ಸ್ ಹೊಂದಿರುವ ಅತ್ಯುತ್ತಮ ಜನರುʼʼಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: Ram Charan; ಧೋನಿ ಜತೆ ಪೋಸ್‌ ಕೊಟ್ಟ ರಾಮ್‌ ಚರಣ್‌; ಸಿನಿಮಾ ಬಗ್ಗೆ ಮಾತುಕತೆನಾ?
ರಣ್‌ವೀರ್ ಸಿಂಗ್ ಭೇಟಿ ಮಾಡಿದ್ದ `ಬಿಗ್ ಬಾಸ್’ ಖ್ಯಾತಿಯ ಅರವಿಂದ್ ಕೆಪಿ!
ಬಿಗ್ ಬಾಸ್ ಖ್ಯಾತಿಯ ಅರವಿಂದ್ ಕೆಪಿ (aravind kp) ನಟ ರಣ್‌ವೀರ್ ಸಿಂಗ್ (Ranveer Singh) ಅವರನ್ನು ಭೇಟಿಯಾಗಿದ್ದಾರೆ. ಮೋಟೋ ಜಿಪಿ ಬೈಕ್ ರೇಸ್ ಶೋ ಉತ್ತರ ಪ್ರದೇಶದ ಬುದ್ಧ ಅಂತಾರಾಷ್ಟ್ರೀಯ ಸರ್ಕ್ಯೂಟ್‌ನಲ್ಲಿ ಆಯೋಜಿಸಲಾಗಿತ್ತು. ಈ ಬೈಕ್ ರೇಸ್ ಶೋಗಾಗಿ ಬಿಗ್ ಬಾಸ್ ಅರವಿಂದ್ ಕೆಪಿ ಅವರು ಭಾಗಿಯಾಗಿದ್ದರು. ಈ ವೇಳೆ ನಟನನ್ನು ಭೇಟಿ ಆಗಿದ್ದು, ಫೋಟೊವನ್ನು ಇನ್‌ಸ್ಟಾದಲ್ಲಿ ಶೇರ್‌ ಮಾಡಿಕೊಂಡಿದ್ದರು.
ರಣವೀರ್ ಸಿಂಗ್ ನಟನೆಯ ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಈಗಾಗಲೇ ಒಟಿಟಿಗೆ ಕಾಲಿಟ್ಟಿದೆ. ರಣವೀರ್ ರಾಕಿ ರಾಂಧವಾ ಪಾತ್ರದಲ್ಲಿ ಕಾಣಿಸಿಕೊಂಡರೆ, ಆಲಿಯಾ ರಾಣಿ ಚಟರ್ಜಿ ಪಾತ್ರವನ್ನು ನಿರ್ವಹಿಸಿದ್ದರು. ಅವರಲ್ಲದೆ, ಈ ಚಿತ್ರದಲ್ಲಿ ಜಯಾ ಬಚ್ಚನ್, ಧರ್ಮೇಂದ್ರ ಮತ್ತು ಶಬಾನಾ ಅಜ್ಮಿ ಕೂಡ ನಟಿಸಿದ್ದರು..