ಬೆಂಗಳೂರು: ನ್ಯೂಜಿಲೆಂಡ್ ವಿರುದ್ಧದ 2023 ರ ವಿಶ್ವಕಪ್ ಸೆಮಿಫೈನಲ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ (Virat Kohli) ತಮ್ಮ 50 ನೇ ಏಕದಿನ ಶತಕವನ್ನು ಗಳಿಸುತ್ತಿದ್ದಂತೆ ಇಡೀ ದೇಶವು ಶಹಬ್ಬಾಸ್ಗಿರಿ ನೀಡಿತು. ಈ ವೇಳೆ ಸ್ಟೇಡಿಯಮ್ನ ಗ್ಯಾಲರಿಯಲ್ಲಿದ್ದ ಅವರ ಪತ್ನಿ ಮತ್ತು ಅವರ ಪಾಲಿನ ಅತಿದೊಡ್ಡ ಚಿಯರ್ ಲೀಡರ್ ಅನುಷ್ಕಾ ಶರ್ಮಾ (Anushka Sharma) ಆನಂದಭಾಷ್ಪ ಸುರಿಸಿದರು. ಜತೆಗೆ ನೂರಾರು ಫ್ಲೈಯಿಂಗ್ ಕಿಸ್ ಕೊಟ್ಟು ಖುಷಿ ಪಟ್ಟರು. ಜತೆಗೆ ನಟಿ ವಾಂಖೆಡೆ ಸ್ಟೇಡಿಯಂನಲ್ಲಿ ಫ್ಯಾಶನ್ ಆಗಿ ಕಾಣಿಸಿಕೊಂಡರು. ಆದರೆ ಈಗ ಸಾಕಷ್ಟು ಚರ್ಚೆಯಲ್ಲಿರುವುದು ನಟಿಯ ಔಟ್‌ಫಿಟ್‌ ಬಗ್ಗೆ.
ಪಂದ್ಯದ ವೇಳೆ ನಟಿ ಟೀಂ ಇಂಡಿಯಾ ಹಾಗೂ ಅವರ ಪತಿ ವಿರಾಟ್ ಕೊಹ್ಲಿಯನ್ನು ಹುರಿದುಂಬಿಸುತ್ತಿದ್ದರು. ವಿರಾಟ್ ಮೈದಾನದಲ್ಲಿದ್ದಾಗ ದಂಪತಿ ಹಲವಾರು ಪ್ರೀತಿಯ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ನೋಡುಗರನ್ನು ಇಷ್ಟಕ್ಕೆ ಮಾತ್ರ ಸೆಳೆದಿದ್ದಲ್ಲ. ಜತೆಗೆ ಅನುಷ್ಕಾ ಅವರು ಧರಿಸಿರುವ ಸ್ಟೈಲಿಶ್ ಬಟ್ಟೆಯ ಬಗ್ಗೆಯೂ ಇದೀಗ ಚರ್ಚೆಯಾಗುತ್ತಿದೆ. ಓವರ್‌ ಸೈಜ್‌ ಶರ್ಟ್ ಹಾಗೂ ಶಾರ್ಟ್ಸ್‌ನಲ್ಲಿ ನಟಿ ಕಾಣಿಸಿಕೊಂಡರು ಅನುಷ್ಕಾ. ಹಸಿರು ಹೂವಿನ ಪ್ರಿಂಟೆಡ್‌ ಡ್ರೆಸ್‌ ಬಗ್ಗೆ ಅವರ ಫ್ಯಾನ್ಸ್‌ ತೆಲೆ ಕೆಡಿಸಿಕೊಂಡಿದ್ದಾರೆ. ಅನುಷ್ಕಾ ಧರಿಸಿರುವ ಓವರ್‌ ಸೈಜ್‌ ಟೀ ಶರ್ಟ್ ಬೆಲೆ 19,500 ರೂ. ಆಗಿದೆ. ಒಂದು ವೇಳೆ ಶರ್ಟ್ ಜತೆ ಶಾರ್ಟ್ಸ್‌ ಬೇಕೆಂದರೆ ಅದರ ಬೆಲೆ 27,500 ರೂ. ಇದೀಗ ಅನುಷ್ಕಾ ಫ್ಯಾನ್ಸ್‌ ಕಮೆಂಟ್ ಮೂಲಕ ನಟಿಯ ಔಟ್‌ಫಿಟ್‌ ಬಗ್ಗೆ ಮೆಚ್ಚುಗೆ ಸೂಚಿಸುತ್ತಿದ್ದಾರೆ.
ಇದನ್ನೂ ಓದಿ: Anushka Sharma: ಕೇಕ್ ನೀಡಿಲ್ಲವೆಂದು ಪತ್ನಿಗೆ ಇನ್ಸ್ಟಾಗ್ರಾಮ್ನಲ್ಲಿ ಕಮೆಂಟ್ ಮಾಡಿದ ಕೊಹ್ಲಿ
Happiness 😍❤️ #ViratKohli #anushkasharma #IndiaVsNewZealand #WorldCup2023 https://t.co/t0FOc9mPjI
— 🥰 filmy Affairs 😍 (@TollywoodLover7) November 16, 2023
ಕೊಹ್ಲಿ ತಮ್ಮ 100ನೇ ರನ್ ಗಳಿಸುತ್ತಿದ್ದಂತೆ, ಅನುಷ್ಕಾ ಕ್ರೀಡಾಂಗಣದಲ್ಲಿ ಭಾವನಾತ್ಮಕ ಕ್ಷಣವನ್ನು ಅನುಭವಿಸಿದರು. ಅವರು ತನ್ನ ಗಂಡನಿಗೆ ಸಾವಿರ ಮುತ್ತುಗಳನ್ನು ಗಾಳಿಯಲ್ಲಿ ರವಾನಿಸುವ ವೇಳೆ ಕ್ಯಾಮೆರಾಗಳು ಅವರ ಸಂತಸದ ಕಣ್ಣೀರು ತುಂಬಿದ ಕಣ್ಣುಗಳನ್ನು ಸೆರೆಹಿಡಿದವು. ವಿರಾಟ್ ಕೂಡ ಅವರನ್ನು ನೋಡಿ ಪತ್ನಿಗೆ ಪ್ರೀತಿಯ ಮುತ್ತುಗಳನ್ನು ಕಳುಹಿಸಿದರು. ಸದ್ಯ ಈ ವಿಡಿಯೋ ವೈರಲ್ ಆಗಿದೆ.
ನವೆಂಬರ್ 15ರ ಬುಧವಾರ ಮುಂಬೈನಲ್ಲಿ ಮೊದಲ ಸೆಮಿಫೈನಲ್ ಪಂದ್ಯ ಆಯೋಜನೆಗೊಂಡಿತ್ತು. ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ಫೋಟೋದಲ್ಲಿ, ಅನುಷ್ಕಾ ಹೂವಿನಿಂದ ತುಂಬಿದ್ದ ಸುಂದರ ಉಡುಪನ್ನು ಧರಿಸಿದ್ದರು. 2023ರ ವಿಶ್ವಕಪ್ ಪಂದ್ಯದ ವೇಳೆ ಅನುಷ್ಕಾ ಕಾಣಿಸಿಕೊಂಡಿದ್ದು ಇದೇ ಮೊದಲಲ್ಲ. ಇದಕ್ಕೂ ಮುನ್ನ ಅನುಷ್ಕಾ ಅಹಮದಾಬಾದ್ನಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯವನ್ನು ವೀಕ್ಷಿಸಿದ್ದರು. ವಾರಾಂತ್ಯದಲ್ಲಿ, ಭಾರತ ಮತ್ತು ನೆದರ್ಲ್ಯಾಂಡ್ಸ್ ಪಂದ್ಯದ ಸಮಯದಲ್ಲಿ ವಿರಾಟ್ ಕೊಹ್ಲಿಯನ್ನು ಬೆಂಬಲಿಸಲು ನಟಿ ಬೆಂಗಳೂರಿಗೆ ಬಂದಿದ್ದರು. ವಿರಾಟ್ ಔಟಾಗಿ ಬರುವ ವೇಳೆಯೂ ಅನುಷ್ಕಾ ಸಂಭ್ರಮಾಚರಣೆ ಮಾಡುತ್ತಿರುವ ವಿಡಿಯೋ ವೈರಲ್ ಆಗಿದೆ.
ಅನುಷ್ಕಾ ಮಾಧ್ಯಮಗಳಿಂದ ದೂರವಿದ್ದಾರೆ. ನಟಿಯು ಗರ್ಭಿಣಿ ಎಂದು ವರದಿಯಾದಾಗಿನಿಂದ ಕ್ಯಾಮೆರಾಗಳಿಂದ ಅಂತರವನ್ನು ಕಾಯ್ದುಕೊಳ್ಳುತ್ತಿದ್ದಾರೆ. ಕೆಲವು ವಾರಗಳ ಹಿಂದೆ ಮೂಲವೊಂದು ವಿರಾಟ್ ತಮ್ಮ ಎರಡನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಎಂದು ಹೇಳಿತ್ತು. ಕಳೆದ ಬಾರಿಯಂತೆ ಅವರು ನಂತರದ ಹಂತದಲ್ಲಿ ಔಪಚಾರಿಕವಾಗಿ ಸುದ್ದಿಯನ್ನು ವಿಶ್ವದೊಂದಿಗೆ ಹಂಚಿಕೊಳ್ಳಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ನಟಿಯ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳದಿರುವುದನ್ನು ಉಲ್ಲೇಖಿಸಿ, ಇದು ಕಾಕತಾಳೀಯವಲ್ಲ. ಊಹಾಪೋಹಗಳನ್ನು ತಪ್ಪಿಸಲು ಅವರು ಸಾರ್ವಜನಿಕ ದೃಷ್ಟಿಯಿಂದ ದೂರವಿದ್ದಾರೆ ಎಂದು ಹೇಳಲಾಗಿದೆ.