ನವದೆಹಲಿ: ಮಹಿಳಾ ಪ್ರೀಮಿಯರ್ ಲೀಗ್(ಡಬ್ಲ್ಯುಪಿಎಲ್)ನಲ್ಲಿ(WPL 2024) ಆರಂಭಿಕ 2 ಪಂದ್ಯಗಳನ್ನು ಸತತವಾಗಿ ಗೆದ್ದು ಆ ಬಳಿಕ ಸೋಲಿನ ಸುಳಿಗೆ ಸಿಲುಕಿದ ಸ್ಮೃತಿ ಮಂಧಾನ ನೇತೃತ್ವದ ಆರ್ಸಿಬಿಗೆ(Royal Challengers Bangalore Women) ಪ್ಲೇ ಆಫ್ ಪ್ರವೇಶ ಪಡೆಯಬೇಕಿದ್ದರೆ ಇಂದು ನಡೆಯುವ ಮುಂಬೈ ಇಂಡಿಯನ್ಸ್(Mumbai Indians Women) ವಿರುದ್ಧದ ಪಂದ್ಯದಲ್ಲಿ ಗೆಲುವು ಅತ್ಯಗತ್ಯ. ಇದು ಆರ್ಸಿಬಿ ಪಾಲಿಗೆ ಮಾಡು ಇಲ್ಲವೇ ಮಡಿ ಪಂದ್ಯವಾಗಿದೆ.
ಈಗಾಗಲೇ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಮುಂಬೈ ಇಂಡಿಯನ್ಸ್ ಪ್ಲೇ ಆಫ್ ಟಿಕೆಟ್ ಪಡೆದು ಚಿಂತೆಯಿಂದ ಮುಕ್ತವಾಗಿದೆ. ಸದ್ಯ ಆರ್ಸಿಬಿ ಅಂಕಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಭಾನುವಾರ ನಡೆದ ಡೆಲ್ಲಿ ವಿರುದ್ಧದ ಪಂದ್ಯದಲ್ಲಿ ಕೇವಲ ಒಂದು ರನ್ನಿಂದ ಆರ್ಸಿಬಿ ಸೋಲು ಕಂಡಿತ್ತು. ಈ ಪಂದ್ಯ ಗೆಲ್ಲುತ್ತಿದ್ದರೆ ಆರ್ಸಿಬಿ ಕೂಡ ಈಗಾಗಲೇ ಪ್ಲೇ ಆಫ್ ಪ್ರವೇಶ ಪಡೆಯಬಹುದಿತ್ತು. ಏಕೆಂದರೆ ಆರ್ಸಿಬಿ ಜತೆ ಪೈಪೋಟಿಯಲ್ಲಿದ್ದ ಯುಪಿ ತಂಡ ನಿನ್ನೆ ನಡೆದ ಪಂದ್ಯದಲ್ಲಿ ಗುಜರಾತ್ ವಿರುದ್ಧ ಸೋಲು ಕಂಡಿತ್ತು.
ಇದನ್ನೂ ಓದಿ WPL 2024 : ಯುಪಿ ವಾರಿಯರ್ಸ್ ವಿರುದ್ಧ ಗುಜರಾತ್ ಜೈಂಟ್ಸ್ಗೆ ಭರ್ಜರಿ ಗೆಲುವು
On the field, we compete. 🏃♀️
— Royal Challengers Bangalore (@RCBTweets) March 11, 2024
Off it, we connect. 🤝#PlayBold #ನಮ್ಮRCB #WPL2024 #SheIsBold pic.twitter.com/HO9ZeAikF7
ಮುಂಬೈ ವಿರುದ್ಧ ಸೋತರೂ ಕೂಡ ಆರ್ಸಿಬಿಗೆ ಪ್ಲೇ ಆಫ್ ಪ್ರವೇಶ ಪಡೆಯಬಹುದು ಆದರೆ ದೊಡ್ಡ ಅಂತರದಿಂದ ಸೋಲು ಕಾಣಬಾರದು. ಯುಪಿ ಮತ್ತು ಆರ್ಸಿಬಿ ತಲಾ 6 ಅಂಕಗಳು ಹೊಂದಿದ್ದರೂ ಕೂಡ ಆರ್ಸಿಬಿ ರನ್ರೇಟ್ ಉತ್ತಮವಾಗಿದೆ. ಸಣ್ಣ ಅಂತರದಿಂದ ಸೋಲು ಕಂಡರೆ ರನ್ರೇಟ್ನಲ್ಲಿ ಭಾರೀ ಇಳಿಕೆಯಾಗದು. ಅದೃಷ್ಟ ಕೈಕೊಟ್ಟು ದೊಡ್ಡ ಅಂತರದ ಸೋಲು ಎದುರಾದರೆ ಆಗ ಯುಪಿ ತಂಡ ಪ್ಲೇ ಆಫ್ ಟಿಕೆಟ್ ಪಡೆಯಲಿದೆ. ಒಟ್ಟಾರೆಯಾ್ಗಿ ಆರ್ಸಿಬಿ ಗೆದ್ದರೆ ಯಾವುದೇ ಚಿಂತೆಯಿಲ್ಲ.
ನೂತನ ಅಂಕಪಟ್ಟಿ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ |
| ಡೆಲ್ಲಿ ಕ್ಯಾಪಿಟಲ್ಸ್ | 7 | 5 | 2 | 10 (+0.918) |
| ಮುಂಬೈ ಇಂಡಿಯನ್ಸ್ | 7 | 5 | 2 | 10 (+0.343) |
| ಆರ್ಸಿಬಿ | 7 | 3 | 4 | 6 (+0.027) |
| ಯುಪಿ ವಾರಿಯರ್ಸ್ | 8 | 3 | 5 | 6 (-0.371) |
| ಗುಜರಾತ್ ಜೈಂಟ್ಸ್ | 7 | 2 | 5 | 4 (-0.873) |