ಬೆಂಗಳೂರು: ಇಲ್ಲಿನ ನಡೆದ ಡಬ್ಲ್ಯುಪಿಎಲ್(WPL 2024) ಟೂರ್ನಿಯ 10ನೇ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್(Delhi Capitals) ತಂಡ ಗುಜರಾತ್ ಜೈಂಟ್ಸ್(Gujarat Giants) ವಿರುದ್ಧ 25 ರನ್ಗಳ ಗೆಲುವು ಸಾಧಿಸಿ ಹ್ಯಾಟ್ರಿಕ್ ಗೆಲುವು ದಾಖಲಿಸಿದೆ. ಜತೆಗೆ ಈ ಗೆಲುವಿನೊಂದಿಗೆ ಅಂಕಪಟ್ಟಿಯಲ್ಲಿಯೂ(WPL Points Table) ಪ್ರಾಬಲ್ಯ ಮರೆದಿದೆ.
ಡೆಲ್ಲಿ ತಂಡದ ಗೆಲುವಿನಿಂದ ಮುಂಬೈ ಇಂಡಿಯನ್ಸ್ ಅಗ್ರಸ್ಥಾನದಿಂದ ಕೆಳಗಿಳಿದು 2ನೇ ಸ್ಥಾನ ಪಡೆದಿದೆ. ಉಳಿದಂತೆ ಯಾವುದೇ ಸ್ಥಾನಗಳ ಬದಲಾವಣೆ ಸಂಭವಿಸಿಲ್ಲ. ಈ ಹಿಂದಿನಂತೆಯೇ ಯುಪಿ ವಾರಿಯರ್ಸ್ ಮತ್ತು ಆರ್ಸಿಬಿ ಕ್ರಮವಾಗಿ ಮೂರು ಮತ್ತು ನಾಲ್ಕನೇ ಸ್ಥಾನದಲ್ಲೇ ಮುಂದುವರಿದಿದೆ. ಡೆಲ್ಲಿ ಮತ್ತು ಮುಂಬೈಗೆ ತಲಾ 6 ಅಂಕ ಹೊಂದಿದ್ದರೂ, ಉತ್ತಮ ರನ್ ರೇಟ್ ಆಧಾರದಲ್ಲಿ ಡೆಲ್ಲಿ ಮುಂದಿದೆ. ಹೀಗಾಗಿ ಅಗ್ರಸ್ಥನ ಲಭಿಸಿದೆ. ಸೋಮವಾರ ನಡೆಯುವ ಪಂದ್ಯದಲ್ಲಿ ಆರ್ಸಿಬಿ ವಿರುದ್ಧ ಯುಪಿ ವಾರಿಯರ್ಸ್ ಗೆದ್ದರೆ ಮುಂಬೈ ಮೂರನೇ ಸ್ಥಾನಕ್ಕೆ ಕುಸಿಯುವ ಸಾಧ್ಯತೆ ಇದೆ.
ಇದನ್ನೂ ಓದಿ WPL 2024: ಡೆಲ್ಲಿ ಪರಾಕ್ರಮಕ್ಕೆ ತಲೆಬಾಗಿದ ಗುಜರಾತ್; ಸತತ 4ನೇ ಸೋಲು
And with that roaring win, @DelhiCapitals move to the 🔝 of the table! 🥳#DC register a 25-run victory 👏👏
— Women's Premier League (WPL) (@wplt20) March 3, 2024
Live 💻📱https://t.co/9MIuaZmvo8#TATAWPL | #GGvDC pic.twitter.com/ohKm3ebwdq
ನೂತನ ಅಂಕಪಟ್ಟಿ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ |
| ಡೆಲ್ಲಿ ಕ್ಯಾಪಿಟಲ್ಸ್ | 4 | 3 | 1 | 6 (+1.251) |
| ಮುಂಬೈ ಇಂಡಿಯನ್ಸ್ | 4 | 3 | 1 | 6 (+0.402) |
| ಯುಪಿ ವಾರಿಯರ್ಸ್ | 3 | 2 | 1 | 4 (+0.211) |
| ಆರ್ಸಿಬಿ | 4 | 2 | 2 | 4 (-0.015) |
| ಗುಜರಾತ್ ಜೈಂಟ್ಸ್ | 4 | 0 | 4 | 0 (-1.804) |
ಸತತ ನಾಲ್ಕನೇ ಸೋಲು ಕಂಡ ಗುಜರಾತ್
ಇಲ್ಲಿನ ಎಂ. ಚಿನ್ನಸ್ವಾಮಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಭಾನುವಾರ ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಡೆಲ್ಲಿ ಕ್ಯಾಪಿಟಲ್ಸ್ ಸಂಘಟಿತ ಬ್ಯಾಟಿಂಗ್ ನಡೆಸಿ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 163 ರನ್ ಬಾರಿಸಿತು. ಜವಾಬಿತ್ತ ಗುಜರಾತ್ ಜೈಂಟ್ಸ್ ತನ್ನ ಪಾಲಿನ ಆಟದಲ್ಲಿ 8 ವಿಕೆಟ್ ಕಳೆದುಕೊಂಡು ಕೇವಲ 138 ರನ್ ಮಾತ್ರ ಗಳಿಸಲಷ್ಟೇ ಶಕ್ತವಾಗಿ ಶರಣಾಯಿತು. ಜತೆಗೆ ಸತತ 4ನೇ ಸೋಲು ಕಂಡ ಅಪಮಾನಕ್ಕೆ ಸಿಲುಕಿತು. ಡೆಲ್ಲಿ ಪರ ಜಿದ್ದಿಗೆ ಬಿದ್ದವರಂತೆ ಬೌಲಿಂಗ್ ದಾಳಿ ನಡೆಸಿದ ರಾಧಾ ಯಾದವ್ ಮತ್ತು ಜೆಸ್ ಜೊನಾಸೆನ್ ತಲಾ ಮೂರು ವಿಕೆಟ್ ಕಿತ್ತು ಮಿಂಚಿದರು. ಮೆಗ್ ಲ್ಯಾನಿಂಗ್ 6 ಬೌಂಡರಿ ಮತ್ತು 1 ಸಿಕ್ಸರ್ ನೆರವಿನಿಂದ 55 ರನ್ ಬಾರಿಸಿ ಅರ್ಧಶತಕ ಪೂರ್ತಿಗೊಳಿಸಿದರು. ಕ್ಯಾಪ್ಸಿ ಕೇವಲ 17 ಎಸೆತಗಳಿಂದ 27 ರನ್ ಚಚ್ಚಿದರು