ದುಬೈ: ಏಷ್ಯಾದ ಪ್ರಸಿದ್ಧ ಫುಟ್ಬಾಲ್ ಕ್ಲಬ್ ಆಗಿರುವ ಸೌದಿ ಅರೇಬಿಯಾದ ಅಲ್‌ ನಾಸರ್‌ ತಂಡದ ಪರ ಕ್ರಿಸ್ಟಿಯಾನೋ ರೊನಾಲ್ಡೊ ಮುಂದಿನ ವರ್ಷದಿಂದ ಆಡಲಿದ್ದಾರೆ ಎಂದು ತಿಳಿದು ಬಂದಿದೆ. ಈ ವಿಚಾರವನ್ನು ಸ್ಪ್ಯಾನಿಷ್ ಕ್ರೀಡಾ ದಿನಪತ್ರಿಕೆ ಮಾರ್ಕಾ ವರದಿ ಮಾಡಿರುವಾಗಿ ಖಲೀಜ್‌ ಟೈಮ್ಸ್‌ ತಿಳಿಸಿದೆ.
ಪೋರ್ಚುಗಲ್ ತಂಡದ ಸ್ಟಾರ್ ಆಟಗಾರ ಕ್ರಿಸ್ಟಿಯಾನೋ ರೊನಾಲ್ಡೊ ಸೇರ್ಪಡೆ ಪ್ರಕ್ರಿಯೆಯು ಜನವರಿ 1, 2023 ರಂದು ನಡೆಯಲಿದೆ ಎಂದು ನಿರೀಕ್ಷಿಸಲಾಗಿದೆ. ಜತೆಗೆ ಒಪ್ಪಂದಕ್ಕೆ ಸಹಿ ಮಾಡಿದ ಬಳಿಕ ರೊನಾಲ್ಡೊ 2025 ಜೂನ್ ವರೆಗೆ ಅಲ್‌ ನಾಸರ್‌ ಕ್ಲಬ್ ಪರ ಆಡಲಿದ್ದಾರೆ ಎಂದು ತಿಳಿದು ಬಂದಿದೆ.
ಕತಾರ್‌ ಫಿಫಾ ವಿಶ್ವ ಕಪ್ ವೇಳೆ ರೊನಾಲ್ಡೊ ಮ್ಯಾಂಚೆಸ್ಟರ್ ಯುನೈಟೆಡ್ ಜತೆಗಿನ ಸಂಬಂಧವನ್ನು ಅಂತ್ಯಗೊಳಿಸಿದ್ದರು. ಬಳಿಕ ಅವರು ಇನ್ನೊಂದು ತಂಡದೊಂದಿಗೆ ಮುಂದುವರಿಯಲು ಮುಕ್ತರಾಗಿದ್ದರು. ಅದೇ ಸಮಯದಲ್ಲಿ ಸೌದಿ ಅರೇಬಿಯಾದ ಅಲ್‌ ನಾಸರ್‌ ಕ್ಲಬ್ನೊಂದಿಗೆ ಸಹಿ ಮಾಡುವ ಮಾತುಕತೆಗಳು ಪ್ರಾರಂಭವಾದವು ಎಂದು ವರದಿಯಾಗಿತ್ತು. ಇದೀಗ ಮುಂದಿನ ವರ್ಷಾರಂಭದಲ್ಲಿ ಈ ಕ್ಲಬ್ ಪರ ಆಡುವುದು ಬಹುತೇಖ ಖಚಿತ ಎನ್ನಲಾಗಿದೆ. ಆದರೆ ಈ ಬಗ್ಗೆ ಅಧಿಕೃತ ಮಾಹಿತಿ ಇನ್ನಷ್ಟೇ ಪ್ರಕಟವಾಗಬೇಕಿದೆ.
ಇದನ್ನೂ ಓದಿ | Cristiano Ronaldo | ಸೌದಿ ಅರೇಬಿಯಾ ಕ್ಲಬ್ನೊಂದಿಗೆ ಒಪ್ಪಂದ ಮಾಡಿಕೊಂಡಿಲ್ಲ; ರೊನಾಲ್ಡೊ ಸ್ಪಷ್ಟನೆ