ದುಬೈ: ಕಳೆದ ವಾರವಷ್ಟೇ ದಾಖಲೆ ಮೊತ್ತಕ್ಕೆ ಸೌದಿ ಅರೇಬಿಯಾದ ಅಲ್ ನಾಸರ್ ಫುಟ್ಬಾಲ್ ಕ್ಲಬ್ ಸೇರಿರುವ ಪೋರ್ಚುಗಲ್‌ನ ಸ್ಟಾರ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ಏಷ್ಯಾ ಭಾಗದಲ್ಲೂ ದಾಖಲೆ ಬರೆಯುವುದೇ ನನ್ನ ಗುರಿ ಎಂದು ಹೇಳಿದ್ದಾರೆ.
ಐದು ಬಾರಿ ಬ್ಯಾಲನ್ ಡಿ’ವೋರ್ ಪ್ರಶಸ್ತಿ ಗೌರವಕ್ಕೆ ಪಾತ್ರರಾಗಿದ್ದ ರೊನಾಲ್ಡೊ ಮ್ಯಾಚೆಂಸ್ಟರ್ ಕ್ಲಬ್ ತೊರೆದ ಬಳಿಕ ಅಲ್ ನಾಸರ್ ಕ್ಲಬ್ ಪರ ಆಡಲು ಸುಮಾರು 4,400 ಕೋಟಿ. ರೂ ಮೌಲ್ಯದ ಒಪ್ಪಂದ ಮಾಡಿದ್ದರು. ಅದರಂತೆ ಅವರು 2025ರವರೆಗೆ ಕ್ಲಬ್ ಪರ ಆಡಲಿದ್ದಾರೆ. ಇದೀಗ ನೂತನ ಕಬ್ಲ್ಗೆ ಆಗಮಿಸಿದ ರೊನಾಲ್ಡೊ, ತಮ್ಮನ್ನು ತಾವೇ ವಿಶಿಷ್ಟ ಆಟಗಾರ ಎಂದು ಹೇಳಿಕೊಂಡಿದ್ದಾರೆ.
ಸೌದಿಗೆ ಬಂದಿಳಿದ ರೊನಾಲ್ಡೊಗೆ ಅಲ್ ನಾಸರ್ ಅಭಿಮಾನಿಗಳು ಭರ್ಜರಿಯಾಗಿ ಸ್ವಾಗತಿಸಿದರು. ಬಳಿಕ ಕ್ಲಬ್ನ ಜೆರ್ಸಿ ತೊಟ್ಟು ರೊನಾಲ್ಡೊ ಪೋಟೊಗೆ ಫೋಸ್ ನೀಡಿದರು. ಈ ವೇಳೆ ಮಾತನಾಡಿದ ಅವರು ಯುರೋಪ್‌ನಲ್ಲಿ ಎಲ್ಲ ದಾಖಲೆಗಳನ್ನು ಮುರಿದಿದ್ದೇನೆ. ಇಲ್ಲೂ ಕೆಲವು ದಾಖಲೆಗಳನ್ನು ಮುರಿಯಲು ಬಯಸುತ್ತೇನೆ ಎಂದು ಹೇಳಿದರು.
“ಯುರೋಪ್, ಬ್ರೆಜಿಲ್‌ನಿಂದ ನನಗೆ ಆಫರ್ ಬಂದಿತ್ತು. ಆದರೆ ನಾನು ಇದನ್ನು ತಿರಸ್ಕರಿಸಿದೆ. ಏಕೆಂದರೆ ಈ ದೇಶದ ಸಂಸ್ಕೃತಿ ಮತ್ತು ಯಶಸ್ಸಿನ ಭಾಗವಾಗಲು ಉತ್ಸುಕನಾಗಿದ್ದೇನೆ. ಜತೆಗೆ ನಾನು ಇಲ್ಲಿ ಆಡಲು ಹೆಚ್ಚು ಆನಂದಿಸುತ್ತೇನೆ” ಎಂದು ರೊನಾಲ್ಡೊ ಹೇಳಿದರು.
ಇದನ್ನೂ ಓದಿ | Cristiano Ronaldo | ಅಧಿಕೃತವಾಗಿ ಅಲ್ ನಾಸರ್ ಕ್ಲಬ್ ಸೇರಿದ ಕ್ರಿಸ್ಟಿಯಾನೊ ರೊನಾಲ್ಡೊ!