ಲಿಸ್ಬನ್‌ (ಎಎಫ್‌ಪಿ): ಪೋರ್ಚುಗಲ್(Portugal) ಫುಟ್ಬಾಲ್ ತಂಡದ ಸ್ಟಾರ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ(Cristiano Ronaldo) ಅವರು ನೂತನ ವಿಶ್ವ ದಾಖಲೆಯೊಂದನ್ನು ತಮ್ಮ ಹೆಸರಿಗೆ ಬರೆದಿದ್ದಾರೆ. 200 ಅಂತಾರಾಷ್ಟ್ರೀಯ ಫುಟ್ಬಾಲ್ ಪಂದ್ಯವನ್ನಾಡಿದ ವಿಶ್ವದ ಮೊದಲ ಆಟಗಾರ ಎಂಬ ಗೌರವಕ್ಕೆ ಪಾತ್ರರಾಗಿದ್ದಾರೆ.
ಐಸ್‌ಲ್ಯಾಂಡ್‌ ವಿರುದ್ಧದ ಮಂಗಳವಾರ ತಡರಾತ್ರಿ ನಡೆದ ಯೂರೊ ಕಪ್‌ ಟೂರ್ನಿಯ ಅರ್ಹತಾ(European qualifying) ಪಂದ್ಯದಲ್ಲಿ ಅವರು ಕಣಕ್ಕಿಳಿಯುವ ಮೂಲಕ ಈ ಹಿರಿಮೆಗೆ ಪಾತ್ರರಾದರು. ವಿಶೇಷ ಎಂದರೆ ಈ ಸ್ಮರಣೀಯ ಪಂದ್ಯದಲ್ಲಿ ರೊನಾಲ್ಡೊ ಗೋಲ್ ಕೂಡ ಬಾರಿಸಿ ತಂಡದ ಗೆಲುವುನಲ್ಲಿ ಪ್ರಮುಖ ಪಾತ್ರವಹಿಸಿದರು. ರೊನಾಲ್ಡೊ ಅವರು ಬಾರಿಸಿದ ಗೋಲಿನಿಂದಾಗಿ ಪೋರ್ಚುಗಲ್ ತಂಡ ಐಸ್‌ಲ್ಯಾಂಡ್‌ ವಿರುದ್ಧ 1-0 ಅಂತರದ ಗೆಲುವು ಸಾಧಿಸಿತು.
ಅಂತಾರಾಷ್ಟ್ರೀಯ ಫುಟ್ಬಾಲ್ನಲ್ಲಿ 200 ಪಂದ್ಯಗಳನ್ನಾಡಿದ ಮೊದಲ ಆಟಗಾರ ಎನಿಸಿಕೊಂಡ ರೊನಾಲ್ಡೊ ಅವರಿಗೆ ಪಂದ್ಯಕ್ಕೂ ಮುನ್ನ ಗಿನ್ನಿಸ್ ವಿಶ್ವದಾಖಲೆಯ(Guinness World Record) ಗೌರವ ನೀಡಿ ಸನ್ಮಾನಿಸಲಾಯಿತು. ಕಳೆದ ಮಾರ್ಚ್‌ನಲ್ಲಿ ರೊನಾಲ್ಡೊ ಅವರು ಕುವೈಟ್‌ನ ಫಾರ್ವರ್ಡ್ ಆಟಗಾರ ಬಾದರ್ ಅಲ್-ಮುತಾವಾ ಅವರ 196 ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಆಡಿದ ದಾಖಲೆಯನ್ನು ಮುರಿದಿದ್ದರು.
200… TWO HUNDRED! 🤯
— UEFA EURO 2024 (@EURO2024) June 20, 2023
🇵🇹 @Cristiano Ronaldo reaches a double century of appearances for @selecaoportugal.
Incredible🙌#EURO2024 pic.twitter.com/HJSnnXxOub
ಇದನ್ನೂ ಓದಿ Cristiano Ronaldo: ಅಲ್ ನಾಸರ್ ಪರ 4 ಗೋಲ್ ಬಾರಿಸಿ ದಾಖಲೆ ಬರೆದ ಕ್ರಿಸ್ಟಿಯಾನೊ ರೊನಾಲ್ಡೊ
CERTIFICAT GUINESS RECORD : CRISTIANO RONALDO DEVIENT LE PREMIER JOUEUR DE L'HISTOIRE À AVOIR 200 SÉLECTIONS EN ÉQUIPE NATIONALE pic.twitter.com/XMq0eM6nlY
— Gio CR7 (@ArobaseGiovanny) June 20, 2023
ಐತಿಹಾಸಿ ಪಂದ್ಯವನ್ನಾಡಿದ ಬಳಿಕ ಮಾತನಾಡಿದ ರೊನಾಲ್ಡೊ, “ಇದು ನನಗೆ ನಂಬಲಾಗದ ಸಾಧನೆ. ನಿಜಕ್ಕೂ ಅದ್ಭುತವಾದ ಅನುಭವ. ನಾನು ಫುಟ್ಬಾಲ್ ಆರಂಭಿಸಿದ ದಿನ ಈ ಮೈಲುಗಲ್ಲು ತಲುಪುತ್ತೇನೆ ಎಂದು ಕಲ್ಪನೆಯೂ ಮಾಡಿರಲಿಲ್ಲ. ಅದರಲ್ಲೂ ಈ ಸ್ಮರಣೀಯ ಪಂದ್ಯದಲ್ಲಿ ಗೋಲ್ ದಾಖಲಿಸಿ ತಂಡಕ್ಕೆ ಗೆಲುವು ತಂದು ಕೊಟ್ಟಿರುವುದು ಮತ್ತಷ್ಟು ಸಂತಸ ನೀಡಿದೆ” ಎಂದು ಹೇಳಿದರು. ಈ ಪಂದ್ಯದಲ್ಲಿ ಗೋಲ್ ಬಾರಿಸುವ ಮೂಲಕ ರೊನಾಲ್ಡೊ ಅವರು ಪೋರ್ಚುಗಲ್ ಪರ 123ನೇ ಗೋಲುಗಳನ್ನು ಪೂರ್ತಿಗೊಳಿಸಿದರು.