ದುಬೈ: ಕಳೆದ ವಾರವಷ್ಟೇ ಏಷ್ಯಾದ ಪ್ರಸಿದ್ಧ ಅಲ್ ನಾಸರ್ ಫುಟ್ಬಾಲ್ ಕ್ಲಬ್ ಸೇರಿದ ಪೋರ್ಚುಗಲ್ ತಂಡದ ಸ್ಟಾರ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊಗೆ(Cristiano Ronaldo) ಸಂಕಷ್ಟವೊಂದು ಎದುರಾಗಿದೆ.
ಅಲ್ ನಾಸರ್ ಫುಟ್ಬಾಲ್ ಕ್ಲಬ್ ಪರ ಆಡಲು ರೊನಾಲ್ಡೊ ಕಳೆದ ವಾರ ಸೌದಿ ಅರೇಬಿಯಾಕ್ಕೆ ಬಂದಿಳಿದಿದ್ದಾರೆ. ಇದೇ ವೇಳೆ ಅವರನ್ನು ಭರ್ಜರಿಯಾಗಿ ಸ್ವಾಗತಿಸಲಾಯಿತು. ಆದರೆ ಇದೀಗ ರೊನಾಲ್ಡೊ ತಮ್ಮ ಬಹುಕಾಲದ ಗೆಳತಿ ಅರ್ಜೆಂಟೀನಾದ ಮಾಡೆಲ್ ಜಾರ್ಜಿನಾ ರೋಡ್ರಿಗಸ್ ಜತೆ ಸೌದಿ ಅರೇಬಿಯಾಕ್ಕೆ ಬಂದಿರುವುದು ಅವರಿಗೆ ಸಂಕಷ್ಟ ತಂದಿದೆ.
ಸೌದಿ ಅರೇಬಿಯಾದ ಕಾನೂನಿನ ಪ್ರಕಾರ ಅವಿವಾಹಿತ ಜೋಡಿ ಜತೆಯಾಗಿ ವಾಸ ಮಾಡುವಂತಿಲ್ಲ. ಆದರೆ ರೊನಾಲ್ಡೊ ಹಾಗೂ ಜಾರ್ಜಿನಾ ದೀರ್ಘಕಾಲದಿಂದ ಸಂಬಂಧದಲ್ಲಿದ್ದರೂ ವಿವಾಹವಾಗಿಲ್ಲ. ಹೀಗಾಗಿ ಸೌದಿ ಅರೇಬಿಯಾದ ಕಾನೂನಿನ ಪ್ರಕಾರ ರೊನಾಲ್ಡೊ ಮತ್ತು ಅವರ ಗೆಳತಿ ಶಿಕ್ಷೆಗೊಳಗಾಗುವ ಸಾಧ್ಯತೆ ಇದೆ ಎಂದು ವರದಿಯಾಗಿದೆ. ಆದರೆ ಕೆಲವೊಂದು ಮೂಲಗಳ ಪ್ರಕಾರ ರೊನಾಲ್ಡೊ ವಿರುದ್ಧ ಯಾವುದೇ ಕ್ರಮ ಕೈಗೊಳ್ಳುವ ಸಾಧ್ಯತೆ ಇಲ್ಲ ಎನ್ನಲಾಗಿದೆ.
ಇದನ್ನೂ ಓದಿ | Cristiano Ronaldo | ಅಲ್ ನಾಸರ್ ಕ್ಲಬ್ ಸೇರಿದರೂ ತಂಡದಿಂದ ಹೊರಗುಳಿದ ರೊನಾಲ್ಡೊ; ಕಾರಣ ಏನು?