ದೋಹಾ: ಪೋರ್ಚುಗಲ್ ತಂಡದ ಸ್ಟಾರ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ(Cristiano Ronaldo) ಅವರು ಸೌದಿ ಪ್ರೊ ಲೀಗ್‌ನಲ್ಲಿ ಅಲ್ ನಾಸರ್(AL Nassr) ತಂಡದ ಪರ ನಾಲ್ಕು ಗೋಲ್ ಬಾರಿಸಿ ನೂತನ ದಾಖಲೆಯೊಂದನ್ನು ಬರೆದಿದ್ದಾರೆ. ಫುಟ್ಬಾಲ್ ವೃತ್ತಿಜೀವನದಲ್ಲಿ 500 ಕ್ಲಬ್ ಗೋಲುಗಳನ್ನು ಬಾರಿಸಿದ ಮೈಲಿಗಲ್ಲನ್ನು ರೊನಾಲ್ಡೊ ತಲುಪಿದರು.
ಆತಿಥೇಯ ಅಲ್ ವೆಹ್ದಾ(Al Wehda) ತಂಡದ ವಿರುದ್ಧ ಹ್ಯಾಟ್ರಿಕ್ ಸಹಿತ ಒಟ್ಟು 4 ಗೋಲು ಹೊಡೆದ ರೊನಾಲ್ಡೊ ತಂಡವನ್ನು 4-0 ಅಂತರದಿಂದ ಗೆಲ್ಲಿಸಿದರು. ಭಾನುವಾರವಷ್ಟೇ ಅವರು 38ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದರು. ಮ್ಯಾಚೆಂಸ್ಟರ್ ತಂಡವನ್ನು ತೊರೆದ ಬಳಿಕ ಕ್ರಿಸ್ಟಿಯಾನೊ ಉತ್ತಮ ಲಯದಲ್ಲಿದ್ದು ತಮ್ಮ ಹಳೇಯ ಆಟದ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಿದ್ದಾರೆ.
ಇದನ್ನೂ ಓದಿ Lionel Messi: ವೃತ್ತಿಜೀವನದಲ್ಲಿ ಎಲ್ಲವನ್ನೂ ಸಾಧಿಸಿದ್ದೇನೆ; ನಿವೃತ್ತಿಯ ಸುಳಿವು ಬಿಟ್ಟುಕೊಟ್ಟ ಲಿಯೋನೆಲ್ ಮೆಸ್ಸಿ
ರೊನಾಲ್ಡೊ ವಿಶ್ವದ 5 ವಿವಿಧ ಅಗ್ರ ಲೀಗ್‌ಗಳಲ್ಲಿ ಆಡುವ ಮೂಲಕ 503 ಲೀಗ್ ಗೋಲುಗಳನ್ನು ಗಳಿಸಿದ್ದಾರೆ. ಇದರಲ್ಲಿ ಮ್ಯಾಂಚೆಸ್ಟರ್ ಯುನೈಟೆಡ್‌ (Manchester United) ಪರ 103, ರಿಯಲ್ ಮ್ಯಾಡ್ರಿಡ್‌(Real Madrid) ಪರ 311, ಜುವೆಂಟಸ್‌ (Juventus) ಪರ 81 ಹಾಗೂ ಸ್ಪೋರ್ಟಿಂಗ್ ಲಿಸ್ಬನ್‌(Sporting Lisbon) ಪರ ಮೂರು ಗೋಲುಗಳನ್ನು ಗಳಿಸಿದ್ದಾರೆ. ಸದ್ಯ ತಮ್ಮ ಹೊಸ ಕ್ಲಬ್ ಅಲ್ ನಾಸರ್ ಪರ ಐದು ಗೋಲುಗಳನ್ನು ಗಳಿಸಿದ್ದಾರೆ.