ಬರ್ಮಿಂಗ್ಹಮ್‌ : ಕಾಮನ್ವೆಲ್ತ್‌ ಗೇಮ್ಸ್‌ನ (CWG- 2022) ಹಾಕಿ ಸ್ಪರ್ಧೆಯಲ್ಲಿ ಮನ್‌ಪ್ರೀತ್‌ ಸಿಂಗ್‌ ನೇತೃತ್ವದ ಭಾರತ ತಂಡ ದುರ್ಬಲ ಘಾನಾ ವಿರುದ್ಧ ಸವಾರಿ ಮಾಡಿದೆ. ಭಾನುವಾರ ರಾತ್ರಿ ನಡೆದ ಪಂದ್ಯದಲ್ಲಿ ೧೧-೦ ಗೋಲ್‌ಗಳ ಭರ್ಜರಿ ಗೆಲುವು ದಾಖಲಿಸಿದೆ. ಈ ಮೂಲಕ ಕಾಮನ್ವೆಲ್ತ್‌ ಗೇಮ್ಸ್‌ನಲ್ಲಿ ಅದ್ಧೂರಿ ಶುಭಾರಂಭ ಮಾಡಿದೆ.
ಹರ್ಮನ್‌ಪ್ರೀತ್‌ ಸಿಂಗ್‌ ಹ್ಯಾಟ್ರಿಕ್‌ ಸಾಧನೆ ಸೇರಿದಂತೆ ಪ್ರತಿ ಕ್ಷಣವೂ ಘಾನಾ ವಿರುದ್ಧ ಮೇಲುಗೈ ಸಾಧಿಸಿದ ಭಾರತ ತಂಡ ಸುಲಭ ಗೆಲುವು ದಾಖಲಿಸಿತು. ಹರ್ಮನ್‌ಪ್ರೀತ್‌ ಅವರಲ್ಲದೆ, ಜುಗ್‌ರಾಜ್‌ ಸಿಂಗ್‌ ಎರಡು ಗೋಲ್‌ ಬಾರಿಸಿದರೆ, ನೀಲಕಂಠ, ಆಕಾಶ್‌ದೀಪ್‌, ಅಭಿಷೇಕ್‌, ಶಂಶೇರ್‌ ಸಿಂಗ್‌ ಹಾಗೂ ಮನದೀಪ್‌ ಸಿಂಗ್‌ ತಲಾ ಒಂದು ಗೋಲ್‌ ಬಾರಿಸಿದರು. ಇದು ಕಾಮನ್ವೆಲ್ತ್‌ ಗೇಮ್ಸ್‌ನಲ್ಲಿ ಭಾರತಕ್ಕೆ ಲಭಿಸಿದ ಗರಿಷ್ಠ ಅಂತರ ಗೆಲುವಾಗಿದೆ.